1. {#1देवदयेने सुटकेची आशा } [QS]तो पूरूष मीच आहे, ज्याने परमेश्वराच्या क्रोधाच्या काठीकडून संकटे पाहिली. [QE]
2. [QS]त्याने मला दूर करून प्रकाशाकडे न जाता अंधारात चालण्यास भाग पाडले. [QE]
3. [QS]खचितच तो माझ्याविरूद्ध झाला आहे; पूर्ण दिवस त्याने आपला हात माझ्यावर उगारला आहे. [QE]
4. [QS]त्यांने माझा देह व त्वचा जीर्ण केली आहे आणि माझी हाडे मोडली आहेत [QE]
5. [QS]त्याने माझ्याविरूद्ध विष व दुःखाचे बांधकाम करून मला वेढले आहे. [QE]
6. [QS]फार पूर्वी मृत्यू पावलेल्या मनुष्याप्रमाणे त्याने मला काळोखात रहावयास लावले आहे. [QE]
7. [QS]त्याने माझ्याभोवती तटबंदी केल्याने त्यातून माझी सुटका होऊ शकत नाही. [QE][QS]त्याने माझे बंध अधिक मजबूत केले आहेत. [QE]
8. [QS]मी मदतीसाठी आक्रोशाने धावा केला तेव्हाही तो माझ्या प्रार्थनांचा धिक्कार करतो. [QE]
9. [QS]त्याने माझा रस्ता दगडी चिऱ्यांच्या भिंतीने अडवला आहे. [QE][QS]त्याने माझा मार्ग वाकडा केला आहे. [QE]
10. [QS]तो माझ्यावर हल्ला करण्यासाठी टपून बसलेल्या अस्वलासारखा आणि लपून बसलेल्या सिंहासारखा झाला आहे. [QE]
11. [QS]त्याने माझ्या मार्गावरून मला बाजूला करून, फाडून माझे तुकडे तुकडे केले आहेत आणि मला उदास केले आहे. [QE]
12. [QS]त्याने आपला धनुष्य वाकवला आहे आणि मला त्याच्या बाणांचे लक्ष्य बनविले आहे. [QE]
13. [QS]त्याने आपले बाण माझ्या अंतःकरणात घुसवले आहेत. [QE]
14. [QS]माझ्या स्वजनामध्येच मी चेष्टेचा विषय; प्रतिदिवशी त्यांचे हास्यास्पद गीत झालो आहे. [QE]
15. [QS]त्याने मला कडूपणाने भरले आहे, त्याने मला कडू दवणा प्यायला भाग पाडले आहे. [QE]
16. [QS]त्याने खड्यांनी माझे दात तोडले आहेत. त्याने मला राखेत लोटले आहे. [QE]
17. [QS]माझ्या जीवनातील शांतीच तू काढून टाकली आहेस; कोणत्याही आनंदाचे मला स्मरण होत नाही. [QE]
18. [QS]मी म्हणालो, “माझे बल आणि परमेश्वरावरची माझी आशा नष्ट झाली आहे.” [QE]
19. [QS]माझे दुःख, कष्ट, कडू दवणा आणि विष ह्याचे स्मरण कर. [QE]
20. [QS]मला माझ्या सर्व त्रासांची आठवण आहे. म्हणूनच मी माझ्यामध्ये नमलो आहे. [QE]
21. [QS]पण हे मी माझ्या मनात विचार करतो म्हणून मला आशा वाटते. [QE]
22. [QS]ही परमेश्वराची प्रेमदया आहे की आम्ही नाश नाही झालो. त्याची करुणा कधी न संपणारी आहे. [QE]
23. [QS]ती प्रत्येक दिवशी नवीन होते; तुझे विश्वासूपण महान आहे. [QE]
24. [QS]माझा जीव म्हणतो, “परमेश्वर माझा वतनभाग आहे. म्हणूनच मी त्याच्यावर आशा ठेवीन.” [QE]
25. [QS]जे परमेश्वराची वाट पाहतात व जो जीव त्यास शोधतो, त्याला परमेश्वर चांगला आहे. [QE]
26. [QS]परमेश्वरापासून येणाऱ्या तारणाची मुकाट्याने वाट पाहणे हे चांगले आहे. [QE]
27. [QS]पुरूषाने आपल्या तरूणपणांत जू वाहावे हे त्यास फार चांगले आहे. [QE]
28. [QS]ते परमेश्वराने त्याच्यावर ठेवले आहे म्हणून त्याने एकांती बसावे व स्वस्थ रहावे. [QE]
29. [QS]त्याने आपले मुख धुळीत घातल्यास, कदाचित त्यास आशा प्राप्त होईल. [QE]
30. [QS]एखाद्यास मारण्यासाठी खुशाल आपला गाल पुढे करून त्यास पूर्ण खजील करावे; [QE]
31. [QS]कारण परमेश्वर त्यांचा कायमचा त्याग करणार नाही. [QE]
32. [QS]जरी त्याने दुःख दिले तरी तो आपल्या दयेच्या विपुलतेनूसार करुणा करील. [QE]
33. [QS]कारण तो आपल्या खुशीने कोणाचा छळ करत नाही आणि मनूष्य संतानास दुःख देत नाही. [QE]
34. [QS]पृथ्वीवरील सर्व बंदिवानांना पायाखाली तुडविणे, [QE]
35. [QS]परात्पराच्या समोर मनुष्याचे हक्क बुडवणे, [QE]
36. [QS]एका व्यक्तीने दुसऱ्या व्यक्तीला फसविणे, या अशा गोष्टी परमेश्वराच्या दृष्टी आड आहेत काय? [QE]
37. [QS]परमेश्वराने आज्ञा केली नसता ज्याने काही बोलावे आणि ते घडून यावे असा कोणी आहे का? [QE]
38. [QS]इष्ट व अनिष्ट ही सर्वश्रेष्ठ देवाच्या मुखातून येत नाहीत काय? [QE]
39. [QS]कोणत्याही जिवंत मनुष्याने व पुरूषाने आपल्या पापांच्या शिक्षेबद्दल कुरकुर का करावी? [QE]
40. [QS]चला तर आपण आपले मार्ग शोधू आणि तपासू आणि परमेश्वराकडे परत फिरू. [QE]
41. [QS]आपण आपले हृदय व आपले हात स्वर्गातील देवाकडे उंचावूया. [QE]
42. [QS]आम्ही पाप केले आहे, फितूरी केली आहे. म्हणूनच तू आम्हास क्षमा केली नाहीस. [QE]
43. [QS]तू आपणाला क्रोधाने झाकून घेऊन आमचा पाठलाग केला आणि दया न दाखविता आम्हास ठार केलेस. [QE]
44. [QS]कोणतीही प्रार्थना तुझ्यापर्यंत पोहोचू नये म्हणून तू स्वतःला अभ्रांनी वेढले आहेस. [QE]
45. [QS]लोकांमध्ये तू आम्हास कचरा व धूळ ह्यासारखे केलेस. [QE]
46. [QS]आमच्या सर्व शत्रूंनी आम्हाविरूद्ध आपले तोंड वासले आहे. [QE]
47. [QS]भय व खाच, नाश व विध्वंस ही आम्हावर आली आहे. [QE]
48. [QS]माझ्या लोकांच्या कन्येचा नाश झाला आहे, म्हणून माझ्या डोळयांना धारा लागल्या आहेत. [QE]
49. [QS]माझे डोळे गळत आहेत व थांबत नाही; [QE]
50. [QS]परमेश्वर स्वर्गातून आपली नजर खाली लावून पाहीपर्यंत त्याचा अंत होणार नाही. [QE]
51. [QS]माझ्या नगरातील सर्व कन्यांची स्थिती पाहून माझे डोळे मला दुःखी करतात. [QE]
52. [QS]निष्कारण शत्रू बनलेल्या लोकांनी पाखरासारखा माझा पाठलाग केला आहे. [QE]
53. [QS]गर्तेत ढकलून त्यांनी माझ्या जिवाचा अंत केला आहे. आणि माझ्यावर दगड लोटला आहे. [QE]
54. [QS]माझ्या डोक्यावरून पाणी गेले. मी मनाशी म्हणालो, “आता माझा अंत होत आहे.” [QE]
55. [QS]परमेश्वरा मी खोल खाचेतून तुझ्या नावाचा धावा केला. [QE]
56. [QS]तू माझा आवाज ऐकलास. माझे उसासे व माझ्या आरोळीला आपला कान बंद करू नको. [QE]
57. [QS]मी तुझा धावा केला त्या दिवशी तू जवळ आलास व म्हणालास, “भिऊ नकोस.” [QE]
58. [QS]परमेश्वरा, माझ्या जीवनातील वादविवादाकरिता तू मध्यस्थी केलीस, तू खंडणी भरून माझा जीव सोडवलास. [QE]
59. [QS]परमेश्वरा, माझ्याविषयी जो अन्याय झाला आहे, तो तू बघितला आहेस. तू मला न्याय दे. [QE]
60. [QS]माझ्याविरूद्ध रचलेले सुडाचे सर्व कृत्ये; आणि त्यांच्या योजना तू पाहिल्यास. [QE]
61. [QS]त्यांनी केलेला माझा उपहास आणि माझ्याविरूध्द आखलेले बेत. परमेश्वरा, तू ऐकले आहेस. [QE]
62. [QS]माझ्यावर उठलेले ओठ आणि सारा दिवस त्यांनी माझ्याविरुध्द केलेली योजना तू ऐकली आहे. [QE]
63. [QS]परमेश्वरा, त्यांचे बसने व उठने तू पाहा, मी त्यांच्या थट्टेचा विषय झालो आहे. [QE]
64. [QS]परमेश्वरा, त्यांना योग्य ते फळ दे. त्यांच्या कार्मांची परतफेड कर. [QE]
65. [QS]तू त्यांना हृदयाची कठोरता देशील, तुझा शाप त्यांना देशील. [QE]
66. [QS]क्रोधाने तू त्यांचा पाठलाग करशील व परमेश्वराच्या आकाशाखाली तू त्यांचा विध्वंस करशील. [QE]