1. {आज्ञांकितपणाचा आदेश} [PS] माझ्या मुला, माझ्या आज्ञा विसरु नकोस, [QBR] आणि माझी शिकवण तुझ्या हृदयात ठेव; [QBR]
2. कारण त्यापासून दीर्घायुष्य, वयोवृद्धी [QBR] आणि शांती ही तुला अधिक लाभतील. [QBR]
3. विश्वासाचा करार आणि प्रामाणिकपणा तुला कधीही न सोडो, [QBR] त्यांना एकत्र करून आपल्या गळ्यात बांध, [QBR] ते आपल्या हृदयाच्या पाटीवर लिहून ठेव. [QBR]
4. म्हणजे तुला देवाच्या व मनुष्याच्या [QBR] दृष्टीने कृपा व सुकीर्ती ही मिळतील. [QBR]
5. तू आपल्या सर्व अंतःकरणाने परमेश्वरावर विश्वास ठेव. [QBR] आणि तुझ्या स्वत:च्या ज्ञानावर अवलंबून राहू नकोस; [QBR]
6. तुझ्या सर्व मार्गात त्याची जाणीव ठेव, [QBR] आणि तो तुझ्या वाटा सरळ करील. [QBR]
7. तू आपल्याच दृष्टीने ज्ञानी असू नकोस; [QBR] परमेश्वराचे भय धर आणि वाईटापासून दूर राहा. [QBR]
8. हे तुझ्या शरीराला आरोग्य [QBR] आणि तुझ्या हाडांना सत्व असे होईल. [QBR]
9. तुझ्या संपत्तीने आणि [QBR] आपल्या सर्व उत्पन्नाच्या प्रथमफळाने परमेश्वरास मान दे, [QBR]
10. त्याने तुझी कोठारे समृद्धीने भरतील [QBR] आणि तुझी पिंपे नव्या द्राक्षरसाने भरून वाहतील. [QBR]
11. माझ्या मुला, परमेश्वराची शिस्त तुच्छ मानू नको, [QBR] आणि त्याच्या शासनाचा द्वेष करू नकोस, [QBR]
12. जसा बाप आपल्या आवडत्या मुलाला शिक्षा करतो, [QBR] तसा परमेश्वर ज्यांच्यावर प्रीती करतो त्यांनाच तो शिस्त लावतो. [QBR]
13. ज्या कोणाला ज्ञान सापडले तो सुखी आहे, [QBR] त्यास ग्रहणशक्ती सुद्धा प्राप्त होते. [QBR]
14. ज्ञानापासून जी काय वाढ होते त्याची प्राप्ती परत मिळणाऱ्या रुप्याच्या प्राप्तीपेक्षा चांगली आहे, [QBR] आणि त्याचे फायदे उत्कृष्ट सोन्यापेक्षा चांगले आहेत. [QBR]
15. ज्ञान रत्नांपेक्षा अधिक मौल्यवान आहे. [QBR] आणि तुम्ही त्यांची अपेक्षा कराल त्याची तुलना तिच्याशी होऊ शकणार नाही. [QBR]
16. तिच्या उजव्या हातात दीर्घ आयुष्य आहे, [QBR] तिच्या डाव्या हातात संपत्ती आणि सन्मान आहेत. [QBR]
17. तिचे मार्ग दयाळूपणाचे मार्ग आहेत, [QBR] आणि तिच्या सर्व वाटा शांतीच्या आहेत. [QBR]
18. जे कोणी तिला धरून राहतात त्यांना ती जीवनाचे वृक्ष आहे, [QBR] जो कोणी ते धरून ठेवतो तो सुखी आहे. [QBR]
19. परमेश्वराने पृथ्वीचा पाया ज्ञानाने घातला, [QBR] परमेश्वराने ज्ञानाने आकाश स्थापिले. [QBR]
20. त्याच्या ज्ञानाने खोल जलाशय फुटून उघडले, [QBR] आणि ढग त्याचे दहिवर वर्षते. [QBR]
21. माझ्या मुला, सुज्ञान आणि दूरदर्शीपणा ही सांभाळून ठेव, [QBR] आणि ती दृष्टीआड होऊ देऊ नकोस. [QBR]
22. ते तुझ्या आत्म्याला जीवन देतील. [QBR] आणि ते तुझ्या गळ्याभोवती घालण्याचे कृपेचे अलंकार होईल. [QBR]
23. नंतर तू आपल्या मार्गाने सुरक्षितपणे चालशील, [QBR] आणि तुझ्या पायाला ठेच लागणार नाही; [QBR]
24. तू जेव्हा झोपशील, तेव्हा घाबरणार नाहीस; [QBR] तू झोप घेशील तेव्हा तुझी झोप गोड होईल. [QBR]
25. जेव्हा दुष्टाकडून नाशधूस होईल त्यामुळे, [QBR] किंवा अचानक येणाऱ्या दहशतीस घाबरू नकोस; [QBR]
26. कारण परमेश्वर तुझ्या बाजूस आहे, [QBR] आणि तुझा पाय पाशात अडकण्यापासून सांभाळील. [QBR]
27. ज्यांचे हित करणे योग्य असून ते जेव्हा तुझ्या अधिकारात असल्यास, [QBR] ते करण्यापासून माघार घेऊ नकोस. [QBR]
28. एखादी वस्तू तुझ्याजवळ असता; [QBR] आपल्या शेजाऱ्यास असे म्हणू नको कि, [QBR] “जा, आणि पुन्हा ये, आणि उद्या मी तुला देईन.” [QBR]
29. तुमच्या शेजाऱ्याला त्रास देण्याची योजना आखू नकोस. [QBR] जो तुझ्याजवळ राहतो आणि तुझ्यावर विश्वास ठेवतो. [QBR]
30. काही कारण नसताना तू एखाद्या मनुष्याशी वाद करू नकोस, [QBR] जेव्हा त्याने तुझे काहीही वाईट केलेले नाही. [QBR]
31. तू हिंसाचारी मनुष्याचा हेवा करू नको [QBR] किंवा त्याचे कोणतेही मार्ग निवडू नकोस. [QBR]
32. कारण परमेश्वर कुटिल मनुष्याचा तिरस्कार करतो; [QBR] परंतु सरळांना तो त्याच्या आत्मविश्वासात आणतो. [QBR]
33. परमेश्वराचा शाप दुर्जनांच्या घरावर असतो; [QBR] परंतु तो नितीमानांच्या घराला आशीर्वाद देतो. [QBR]
34. तो थट्टा करणाऱ्याची थट्टा करतो, [QBR] पण तो नम्रजनांस त्याची कृपा देतो. [QBR]
35. ज्ञानी सन्मानाचे वतनदार होतील, [QBR] पण मूर्ख त्यांच्या लज्जेत वर उचलले जातील. [PE]