1. {छळणाऱ्यांपासून संरक्षण मिळावे म्हणून प्रार्थना} [PS] हे परमेश्वरा, मला दुष्टांपासून सोडव; [QBR] जुलमी मनुष्यापासून मला सुरक्षित ठेव. [QBR]
2. ते आपल्या मनात वाईट योजना करतात; [QBR] ते प्रत्येक दिवशी भांडणाला सुरुवात करतात. [QBR]
3. त्यांची जीभ सर्पासारखी जखम करते; [QBR] त्यांच्या ओठाखाली विषारी सर्पाचे विष आहे. [QBR]
4. हे परमेश्वरा, मला दुष्टांच्या हातातून वाचव; [QBR] मला जुलमी मनुष्यांपासून सुरक्षित ठेव. [QBR] त्यांनी मला ढकलण्याची योजना केली आहे. [QBR]
5. गर्विष्ठांनी माझ्यासाठी पाश व दोऱ्या लपवून ठेविल्या आहेत; [QBR] त्यांनी रस्त्याच्या बाजूला जाळे पसरले आहे; [QBR] त्यांनी माझ्यासाठी सापळा लावला आहे. [QBR]
6. मी परमेश्वरास म्हणतो, तू माझा देव आहेस; हे परमेश्वरा, [QBR] माझ्या विनवण्यांच्या वाणीकडे कान दे. [QBR]
7. हे परमेश्वरा, माझ्या प्रभू, माझ्या तारणसामर्थ्या, [QBR] माझ्या लढाईच्या दिवसात तू माझे शिरस्राण आहेस. [QBR]
8. हे परमेश्वरा, दुष्टांच्या इच्छा पुरवू नको, [QBR] त्यांच्या दुष्ट योजना यशस्वी होऊ देऊ नकोस. नाही तर ते उन्मत्त होतील. [QBR]
9. ज्यांनी मला घेरले आहे; [QBR] त्यांच्या ओठापासून होणारा अनर्थ त्यांच्याच शिरी पडो. [QBR]
10. त्यांच्यावर जळते निखारे पडोत; [QBR] त्यांना अग्नीत टाकले जावो, ज्यातून त्यांना उठून वर [QBR] कधीही येता येणार नाही अशा खड्यात फेकण्यात येवो. [QBR]
11. वाईट बोलणारा पृथ्वीवर सुरक्षित केला जाणार नाही; [QBR] जुलमी मनुष्याच्या पाठीस अरिष्ट एकसारखे लागेल. [QBR]
12. परमेश्वर गरीबांच्या पक्षाचे, [QBR] आणि गरजवंताच्या वादाचे समर्थन करील हे मला माहित आहे. [QBR]
13. खचित नितीमान तुझ्या नावाची उपकारस्तुती करतील; [QBR] सरळ मनाचे तुझ्या समक्षतेत राहतील. [PE]