स्तोत्रसंहिता 75 : 1 (MRV)
देवा, आम्ही तुझी स्तुती करतो. आम्ही तुझी स्तुती करतो. तू जवळ आहेस आणि लोक तू करत असलेल्या अद्भुत गोष्टींबद्दल सांगतात.
स्तोत्रसंहिता 75 : 2 (MRV)
देव म्हणतो “मी न्यायदानाची वेळ निवडली, मी बरोबर न्याय करीन.
स्तोत्रसंहिता 75 : 3 (MRV)
पृथ्वी आणि तिच्यावरील सारे काही थरथर कापेल आणि पडायला येईल पण मी त्याला स्थिरता देईन.”
स्तोत्रसंहिता 75 : 4 (MRV)
(4-5) “काही लोक गर्विष्ठ असतात. ते शक्तीशाली आणि महत्वपूर्ण आहेत असे त्यांना वाटते, परंतु मी त्यांना सांगतो, ‘फुशारक्या मारु नका. एवढे गर्विष्ठ बनू नका.’
स्तोत्रसंहिता 75 : 5 (MRV)
स्तोत्रसंहिता 75 : 6 (MRV)
या पृथ्वीवर एखाद्या व्यक्तीला मोठा बनवू शकेल अशी कोणतीही शक्ती नाही.
स्तोत्रसंहिता 75 : 7 (MRV)
देव न्यायाधीश आहे. कोणी मोठे व्हायचे ते देवच ठरवतो. देव एखाद्याला वर उचलतो आणि त्याला मोठे बनवतो. देव एखाद्याला खाली उतरवतो आणि त्याला मोठा करत नाही.
स्तोत्रसंहिता 75 : 8 (MRV)
देव दुष्टांना शासन करण्यास तयार आहे. परमेश्वराच्या हातात पेला आहे. तो पेला विषयुक्त द्राक्षारसाने भरलेला आहे. तो तो द्राक्षारस ओतेल आणि दुष्ट लोक तो शेवटच्या थेंबापर्यंत पितील.
स्तोत्रसंहिता 75 : 9 (MRV)
मी नेहमी लोकांना याबद्दल सांगेन. मी इस्राएलाच्या देवाचे गुणगान करीन.
स्तोत्रसंहिता 75 : 10 (MRV)
मी दुष्टांकडून सत्ता काढून घेईन आणि मी चांगल्या लोकांकडे सत्ता देईन.
❮
❯