गणना 1 : 1 (MRV)
इस्राएल लोक मिसर देशातून निघाल्यावर दुसऱ्या वर्षाच्या दुसऱ्या महिन्याच्या पहिल्या दिवशी सीनाय रानातील दर्शनमंडपात परमेश्वर मोशेशी बोलला; तो म्हणाला,
गणना 1 : 2 (MRV)
“सर्व इस्राएल लोकांची शिरगणती कर; प्रत्येक पुरुषाचे नांव, त्याचे कूळ आणि त्याच्या वाडवडिलांचे घराणे ह्यांच्यासह त्यांच्या नावांची यादी कर.
गणना 1 : 3 (MRV)
वीस वर्षाचे किंवा त्याहून अधिक वयाचे जितके पुरुष युद्धास लायक असतील त्या सर्वाची त्यांच्या दलाप्रमाणे तू आणि अहरोन मिळून गणती करा.
गणना 1 : 4 (MRV)
प्रत्येक वंशातला एकजण तुम्हाला मदत करील तो त्या वंशाचा प्रमुख असेल.
गणना 1 : 5 (MRV)
तुमच्याबरोबर राहून तुम्हाला मदत करणाऱ्यांची नावे ही:रऊबेन वंशातला शदेयुराचा मुलगा अलीसूर;
गणना 1 : 6 (MRV)
शिमोन वंशातला सुरीशादैचा मुलगा शलूमियेल;
गणना 1 : 7 (MRV)
यहुदा वंशातला अम्मीनादाबाचा मुलगा नहशोन;
गणना 1 : 8 (MRV)
इस्साखार वंशातला सुवाराचा मुलगा नथनेल;
गणना 1 : 9 (MRV)
जबुलून वंशातला हेलोनाचा मुलगा अलीयाब;
गणना 1 : 10 (MRV)
योसेफ पुत्राच्या वंशात म्हणजे एफ्राइम वंशातला अम्मीहूदाचा मुलगा अलीशामा, आणि मनश्शे वंशातला पदाहसुराचा मुलगा गमलीयेल.
गणना 1 : 11 (MRV)
बन्यामीन वंशातला गदोनीचा मुलगा अबीदान;
गणना 1 : 12 (MRV)
दान वंशातला आम्मीशद्दैचा मुलगा अहीएजर;
गणना 1 : 13 (MRV)
आशेर वंशातला आक्रानाचा मुलगा पागीयेल;
गणना 1 : 14 (MRV)
गाद वंशातला दगुवेलाचा मुलगा एल्यासाप;
गणना 1 : 15 (MRV)
नफताली वंशातला एनानाचा मुलगा अहीरा;”
गणना 1 : 16 (MRV)
1हे सर्वजण आपापल्या घराण्याचे प्रमुख होते; लोकांनीही त्यांना आपापल्या कुळाचे सरदार म्हणून निवडले.
गणना 1 : 17 (MRV)
प्रमुख म्हणून निवडलेल्या ह्या सर्वांना मोशे व अहरोन ह्यांनी आपल्याबरोबर घेतले;
गणना 1 : 18 (MRV)
आणि त्यांनी सर्व इस्राएल लोकांना एकत्र जमविले; मग त्यांच्या कुळांप्रमाणे व त्यांच्या घराण्यांप्रमाणे त्यांची नोंद करण्यात आली. वीस किंवा त्यापेक्षा जास्त वय असलेल्यांची यादी करण्यात आली.
गणना 1 : 19 (MRV)
परमेश्वराने मोशेला आज्ञा दिली होती अगदी त्याप्रमाणे त्याने सीनाय रानात त्यांची गणती केली.
गणना 1 : 20 (MRV)
इस्राएलाचा ज्येष्ठ पुत्र-थोरला मुलगा-रऊबेन ह्याच्या वंशाचे लोक म्हणजे त्यांची कुळे व त्यांच्या वाडवडिलांची घराणी त्यांची गणना करण्यात आली. ह्याप्रमाणे जितके पुरुष वीस वर्षांचे व त्यापेक्षा अधिक वयाचे असून सैन्यात दाखल होण्यास लायक होते त्यांची यादी करण्यात आली; त्यांची यादी घराणी आणि कुळे ह्यांच्याप्रमाणे करण्यात आली.
गणना 1 : 21 (MRV)
ती मोजदाद एकूण शेहेचाळीस हजार पाचशे भरली.
गणना 1 : 22 (MRV)
शिमोन वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्यापेक्षा अधिक क्याचे असून सैन्यात दाखल होण्यास लायक होते त्यांची यादी करण्यात आली;
गणना 1 : 23 (MRV)
ती मोजदाद एकूण एकुणसाठ हजार तीनशे भरली.
गणना 1 : 24 (MRV)
गाद वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्यापेक्षा अधिक क्याचे असून सैन्यात दाखल होण्यास लायक होते त्यांची यादी करण्यात आली;
गणना 1 : 25 (MRV)
ती मोजदाद एकूण पंचेचाळीसहजार सहाशे पन्नास भरली.
गणना 1 : 26 (MRV)
यहुदा वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्यापेक्षा अधिक वयाचे असून सैन्यात सेवा करण्यास लायक होते, त्या सर्वाची नोंद करण्यात आली;
गणना 1 : 27 (MRV)
ती मोजदाद एकूण चौऱ्याहत्तर हजार सहाशे भरली.
गणना 1 : 28 (MRV)
इस्साखार वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वाची नोंद करण्यात आली;
गणना 1 : 29 (MRV)
ती मोजदाद एकूण चोपन्न हजार चारशे भरली.
गणना 1 : 30 (MRV)
जबुलून वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोद करण्यात आली;
गणना 1 : 31 (MRV)
ती मोजदाद एकूण सत्तावन्न हजार चारशे भरली.
गणना 1 : 32 (MRV)
योसेफ पुत्रांपैकी एफ्राइम वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;
गणना 1 : 33 (MRV)
3ती मोजदाद एकूण चाळीस हजार पाचशे भरली.
गणना 1 : 34 (MRV)
मनश्शे वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;
गणना 1 : 35 (MRV)
ती मोजदाद एकूण बत्तीस हजार दोनशे भरली.
गणना 1 : 36 (MRV)
बन्यामीन वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;
गणना 1 : 37 (MRV)
ती मोजदाद एकूण पस्तीस हजार चारशे भरली.
गणना 1 : 38 (MRV)
दान वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;
गणना 1 : 39 (MRV)
ती मोजदाद एकूण बासष्ट हजार सातशे भरली.
गणना 1 : 40 (MRV)
आशेर वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;
गणना 1 : 41 (MRV)
ती मोजदाद एकूण एकेचाळीस हजार पाचशे भरली.
गणना 1 : 42 (MRV)
नफताली वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षाचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली.
गणना 1 : 43 (MRV)
ती मोजदाद एकूण त्रेपन्न हजार चारशे भरली.
गणना 1 : 44 (MRV)
मोशे, अहरोन आणि इस्राएलांच्या प्रत्येक घराण्यातील एक प्रमुख असे बारा नेते, ह्यांनी ही मोजदाद केली.
गणना 1 : 45 (MRV)
त्यांनी वीस वर्षांचे व त्याहून अधिक वयाचे असून सैन्यात सेवा करण्यास लायक असलेल्या प्रत्येक पुरुषाची त्याच्या वाडवडिलांच्या घराण्याप्रमाणे नोंद केली.
गणना 1 : 46 (MRV)
ती मोजदाद एकूण सहा लाख तीन हजार पाचशे पन्नास भरली.
गणना 1 : 47 (MRV)
इस्राएल लोकांबरोबर लेवी कुळांच्या दलातील लोकांची करण्यात आली नाही.
गणना 1 : 48 (MRV)
परमेश्वराने मोशेला सांगितले होते की,
गणना 1 : 49 (MRV)
“लेवी कुळांच्या दलातील लोकांची गणती करु नको किंवा इतर इस्राएल लोकांच्या गणतीत त्यांचा समावेश करुं नको;
गणना 1 : 50 (MRV)
लेवी लोकांना सांग की आज्ञापटाच्या पवित्र निवास मंडपाबद्दल ते जबाबदार आहेत; पवित्र निवासमंडप व त्याबरोबर त्यातील सर्व सामानाची त्यांनी काळजी घ्यावी. पवित्रनिवास मंडप व त्यातील सर्व सामान त्यांनी वाहून न्यावे. त्यांनी आपले तंबू पवित्र निवास मंडपाभोवती ठोकावेत आणि त्याची निगा राखावी.
गणना 1 : 51 (MRV)
जेव्हा जेव्हा पवित्र निवास मंडप हलवावयाचा असेल तेव्हा तेव्हा तो लेवी लोकांनीच उतरावा व तो उभारताना लेवी लोकांनीच तो उभा करावा; त्याची निगा राखणे हे त्यांचेच काम आहे; लेवी कुळापैकी नसलेला कोणी जर पवित्रनिवास मंडपाच्या सेवेचा प्रयत्न करु लागलां तर त्याला जिवे मारावे.
गणना 1 : 52 (MRV)
इस्राएल लोकांपैकी प्रत्येकाने आपापले तंबू आपापल्या दलाप्रमाणे आपापल्या छावणीत आपापल्या कुळाच्या निशाणाजवळ ठोकावेत.
गणना 1 : 53 (MRV)
परंतु लेवी लोकांनी आपले तंबू पवित्रनिवास मंडपाच्या सभोंवती ठोकावेत; त्यांनी आज्ञापट असलेल्या पवित्र निवासमंडपाचे रक्षण करावे म्हणजे इस्राएल लोकांवर संकट येणार नाही.”
गणना 1 : 54 (MRV)
परमेशवराने मोशेला आज्ञा दिल्याप्रमाणे इस्राएल लोकांनी सर्व काही केले.
❮
❯