यहोशवा 21 : 1 (MRV)
मग लेवी घराण्याचे प्रमुख हे एलाजार याजक नूनाचा पुत्र यहोशवा आणि इस्राएल लोकांच्या वेगवेगळ्या वंशाचे प्रमुख यांच्याशी बोलायला आले.
यहोशवा 21 : 2 (MRV)
ही भेट कनान देशातील शिलो येथे झाली. लेवी प्रमुख त्यांना म्हणाले, “आम्हाला राहण्यासाठी नगरे आणि आमच्या गुराढोरांना चरण्यासाठी कुरणे द्यावीत अशी आज्ञा परमेश्वराने मोशेला केली आहे.”
यहोशवा 21 : 3 (MRV)
तेव्हा इस्राएल लोकांनी ही परमेश्वराची आज्ञा पाळली. त्यांनी पुढील नगरे आणि गायराने लेवींना दिली.
यहोशवा 21 : 4 (MRV)
कहाथी हे लेवी वंशातील एक कूळ, त्याच्यातील अहरोन याजकाच्या वंशजांना यहूदा शिमोन आणि बन्यामीन यांच्या वाटणीच्या प्रदेशातील तेरा नगरे मिळाली.
यहोशवा 21 : 5 (MRV)
एफ्राईम, दान आणि मनश्शाचा अर्धा वंश यांच्या मालकीच्या प्रदेशातील दहा नगरे उरलेल्या कहाथी कुळांना मिळाली.
यहोशवा 21 : 6 (MRV)
इस्साखार, आशेर, नफताली आणि बाशानमधील मनश्शेचा अर्धा वंश यांच्या भूभागातून गेर्षोनच्या वंशजांना तेरा नगरे मिळाली.
यहोशवा 21 : 7 (MRV)
मरारीच्या वंशजांना रऊबेन गाद आणि जबुलून यांच्या वाटच्या प्रांतांतून बारा नगरे मिळाली.
यहोशवा 21 : 8 (MRV)
परमेश्वराने मोशेला दिलेली आज्ञा इस्राएल लोकांनी पाळली व लेवी लोकांना पुढील नगरे व त्याभोवतालची शिवारे दिली.
यहोशवा 21 : 9 (MRV)
यहूदा आणि शिमोनच्या वाटच्या प्रदेशातील नगरे दिली त्यांची नावे पुढे दिली आहेत.
यहोशवा 21 : 10 (MRV)
चिठ्ठ्या टाकल्या त्यात पहिली चिठ्ठी कहाथी कुळातील लेवींची निघाल्यामूळे ही नगरे त्यांची.
यहोशवा 21 : 11 (MRV)
किर्याथ-आर्बा त्यांना मिळाले (म्हणजेच हेब्रोन. अनाकचा पिता आर्बा याचे नाव या नगराला मिळाले होते.) त्याच्या आसपासची थोडी जमीनही गायरान म्हणून त्यांना मिळाली.
यहोशवा 21 : 12 (MRV)
पण किर्याथ-आर्बांच्या भोवतालची शेते व खेडी यफुन्रेचा पुत्र कालेब याची होती.
यहोशवा 21 : 13 (MRV)
तेव्हा त्यांनी हेब्रोन नगर अहरोनच्या वंशजांना दिले. (हेब्रोन हे आश्रयाचे नगर होते.) त्याखेरीज लिब्ना
यहोशवा 21 : 14 (MRV)
यतीर, एष्टमोवा,
यहोशवा 21 : 15 (MRV)
होलोन, दबीर,
यहोशवा 21 : 16 (MRV)
अईन, युट्टा, आणि बेथ-शेमेश ही नगरे व गुरांसाठी शिवारे दिली. अशाप्रकारे ही नगरे त्या दोन वंशांना दिली.
यहोशवा 21 : 17 (MRV)
बन्यामीनच्या प्रदेशातील नगरे अहरोनच्या वंशजांना मिळाली. ती म्हणजे, गिबोन, गेबा,
यहोशवा 21 : 18 (MRV)
अनाथोथ, अलमोन ही चार नगरे व भोवतालची गायराने.
यहोशवा 21 : 19 (MRV)
अहरोनच्या वंशातील याजकांना त्यांनी ही तेरा नगरे व शिवारे दिली.
यहोशवा 21 : 20 (MRV)
एफ्राईमच्या वाटच्या जमिनीतील नगरे कहाथी वंशातील उर्वरित लोकांना मिळाली. ती अशी :
यहोशवा 21 : 21 (MRV)
एफ्राईमाच्या डोंगराळ प्रदेशातील शखेम हे आश्रयाचे नगर, गेजेर,
यहोशवा 21 : 22 (MRV)
किबसाईम व बेथ-होरोन ही चार नगरे व भोवतालची गायराने.
यहोशवा 21 : 23 (MRV)
दानच्या हिश्श्यातून एल एतके. गिब्बथोन,
यहोशवा 21 : 24 (MRV)
अयालोन, गथ-रिम्मोन ही चार गावे व गुरांसाठी शिवार दिले.
यहोशवा 21 : 25 (MRV)
मनश्शाच्या अर्ध्या वंशाच्या मालकीच्या प्रदेशातून तानख व गथ-रिम्मोन ही दोन नगरे व शिवारे दिली.
यहोशवा 21 : 26 (MRV)
कहाथी वंशाला अशी एकंदर दहा नगरे व आसपासची गायराने मिळाली.
यहोशवा 21 : 27 (MRV)
लेवी वंशातील गेर्षोन कुळाला ही काही नगरे मिळाली. ती अशी:मनश्शाच्या अर्ध्या वंशातील लोकांनी त्यांना बाशान मधील गोलान दिले (गोलान हे आश्रयस्थान होते.) बैश्तरा देखील दिले. म्हणजेच एकंदर दोन नगरे व शिवार दिली.
यहोशवा 21 : 28 (MRV)
इस्साखारच्या वंशजांनी किश्शोन, दाबरथ
यहोशवा 21 : 29 (MRV)
यर्मूथ, एलगन्रीम चार नगरे भोवतालची शिवारे दिली.
यहोशवा 21 : 30 (MRV)
आशेरच्या वंशाजांनी मिशाल, अब्दोन,
यहोशवा 21 : 31 (MRV)
हेलाकाथ, रहोब, ही चार नगरे गुरांसाठी भोवतालचे थोडे गायरान दिले.
यहोशवा 21 : 32 (MRV)
नफतालीच्या कुळातील लोकांनी गालील मधले केदेश दिले. (केदेश हे आश्रयाचे नगर) नफतालींनी हम्मोथ दोर आणि कर्तान ही ही दिली. म्हणजे एकंदर तीन नगरे व गुरांना चरण्यासाठी भोवतालची शिवारे दिली.
यहोशवा 21 : 33 (MRV)
गेर्षोन वंशजांना अशी एकंदर तेरा नगरे व गायराने मिळाली.
यहोशवा 21 : 34 (MRV)
मरारी हे लेवी वंशातील एक कूळ, त्यांना मिळालेली नगरे अशी;जबुलूनच्या वंशजांनी यकनाम, कर्ता
यहोशवा 21 : 35 (MRV)
दिम्ना नहलाल ही चार नगरे व शिवार दिली.
यहोशवा 21 : 36 (MRV)
रऊबेनींनी बेसेर, याहस
यहोशवा 21 : 37 (MRV)
कदेमोथ, मेफाथ ही चार नगरे व गायराने दिली.
यहोशवा 21 : 38 (MRV)
गाद वंशातील लोकांनी गिलादमधील रामोथ (हे आश्रयाचे नगर) दिले. शिवाय महनाईम,
यहोशवा 21 : 39 (MRV)
हेशबोन, याजेर अशी एकंदर चार नगरे व शिवारे दिली.
यहोशवा 21 : 40 (MRV)
अशाप्रकारे मरारी या लेवी वंशातील शेवटच्या कुळाला बारा नगरे मिळाली.
यहोशवा 21 : 41 (MRV)
म्हणजे लेवी वंशाजांना सर्व मिळून अठ्ठेचाळीस नगरे व गुरांना चारायला शिवारे मिळाली. इस्राएल लोकांमधील इतर सर्व वंशांच्या लोकांच्या मालकीतील ही शहरे आणि जमीन होती.
यहोशवा 21 : 42 (MRV)
प्रत्येक गावाला गायरान होते. सर्वच नगराच्या बाबतीत हे खरे होते.
यहोशवा 21 : 43 (MRV)
अशाप्रकारे इस्राएल लोकांना दिलेला शब्द परमेश्वराने खरा केला. कबूल केल्याप्रमाणे सर्व जमीन त्याने लोकांना दिली. लोकांनी ती ताब्यात घेतली व ते तेथे राहू लागले.
यहोशवा 21 : 44 (MRV)
तसेच परमेश्वराने त्यांच्या पूर्वजांना शब्द दिल्याप्रमाणे, सगळीकडे सर्वत्र शांतता नांदू लागली. यांना कोणताही शत्रू नामोहरण करु शकला नाही. उलट परमेश्वराच्या करणीने शत्रूच इस्राएल लोकांच्या हाती आला.
यहोशवा 21 : 45 (MRV)
अशाप्रकारे परमेश्वराने दिलेले प्रत्येक वचन पुरे झाले. काहीही पुरे व्हावयाचे शिल्लक राहिले नाही. प्रत्येक शब्द प्रत्यक्षात आला.
❮
❯