1 करिंथकरांस 16 : 1 (ERVMR)
आता, देवाच्या लोकांकरीता वर्गाणी गोळा करण्यविषयी, जसे मी गलतीयातील मंडळ्यांना आज्ञा केली त्याप्रमाणे तुम्हीही तसे करावे.
1 करिंथकरांस 16 : 2 (ERVMR)
प्रत्येक रविवारी तुम्हांतील प्रत्येकाने आपल्या घरी, जो काही त्याला नफा मिळाला असेल त्यातून काढून ठेवावे आणि बचत करावी.
1 करिंथकरांस 16 : 3 (ERVMR)
मी येईन तेव्हा ज्या माणसांना तुम्ही मान्यता द्याल त्यांना मी ओळखपत्रे देऊन तुमच्या देणग्या यरुशलेमला नेण्यासाठी पाठवीन.
1 करिंथकरांस 16 : 4 (ERVMR)
आणि जर माझेसुद्धा जाणे योग्य असेल तर ते माइयाबरोबर येतील. पौलाच्या योजना
1 करिंथकरांस 16 : 5 (ERVMR)
मी मासेदोनियातून जाईन तेव्हा तुमच्याकडे येईन कारण मासेदोनियातून जाण्याची माझी योजना आहे.
1 करिंथकरांस 16 : 6 (ERVMR)
परंतु कदाचित शक्यतो मी तुमच्याबरोबर काही काळ घालवीन किंवा हिवाळासुद्धा तुमच्यात घालवीन. यासाठी की मी जिकडे जाणार आहे तिकडे तुम्ही मला पाठवावे.
1 करिंथकरांस 16 : 7 (ERVMR)
जाता जाता तुम्हांला भेटण्याची माझी इच्छा नाही. कारण जर देवाची इच्छा असेल तर तुमच्यासमवेत काही काळ घालवावा अशी इच्छा मी धरतो.
1 करिंथकरांस 16 : 8 (ERVMR)
पन्नासाव्या दिवसाच्या सणापर्यंत मी इफिसात राहीन
1 करिंथकरांस 16 : 9 (ERVMR)
कारण माइयासाठी मोठे आणि परिणामकारक दार उघडले आहे. आणि असे अनेक आहेत जे मला विरोध करतात.
1 करिंथकरांस 16 : 10 (ERVMR)
जर तीमथ्य आला तर तो तुमच्याजवळ निर्भयपणे कसा राहील याकडे लक्ष द्या. कारण तोही माझ्यासारखेच प्रभूचे कार्य करीत आहे.
1 करिंथकरांस 16 : 11 (ERVMR)
यास्तव कोणीही त्याला तुच्छ मानू नये. तर मग त्याने माझ्याकडे यावे म्हणून त्याला शांतीने पाठवा. कारण इतर बंधूंबरोबर त्याच्या येण्याची मी वाट पाहत आहे.
1 करिंथकरांस 16 : 12 (ERVMR)
आता आपला बंधु अपुल्लोविषयी, इतर बंधूंबरोबर त्याने तुमच्याकडे यावे म्हणून मी त्याला भरपूर उत्तेजन दिले. परंतु आताच त्याने तुमच्याकडे यावे अशी देवाची इच्छा नव्हती. त्याला संधी मिळाल्यावर तो येईल.
1 करिंथकरांस 16 : 13 (ERVMR)
सावध असा, तुमच्या विश्वासात बळकट राहा.
1 करिंथकरांस 16 : 14 (ERVMR)
धैर्यशील व्हा. सशक्त व्हा. प्रत्येक गोष्ट जी तुम्ही कराल ती प्रीतीत करा.
1 करिंथकरांस 16 : 15 (ERVMR)
बंधूंनो, मी तुम्हांला बोध करतो तुम्हांला स्तेफनच्या घराची माहिती आहे आणि जाणीवही आहे की ते अखयाचे प्रथम फळ आहे. त्यांनी स्वत: संतांची सेवा करण्याचे ठरविले आहे.
1 करिंथकरांस 16 : 16 (ERVMR)
प्रत्येक जण जो या कार्यात सामील होतो व प्रभुसाठी श्रम करतो अशा लोकांच्या तुम्हीसुद्धा अधीन व्हा.
1 करिंथकरांस 16 : 17 (ERVMR)
स्तेफन, फर्तुतात आणि अखायिक हे आल्याने मला आनंद झाला. कारण तुम्ही माझ्यासाठी जे केले ते तुम्ही करु शकला नसता.
1 करिंथकरांस 16 : 18 (ERVMR)
कारण त्यांनी माझा व तुमचा आत्मा प्रफुल्लीत केला आहे. अशा लोकांना मान्यता द्या.
1 करिंथकरांस 16 : 19 (ERVMR)
आशियातील मंडळ्या तुम्हांला सलाम सांगतात. अक्विला, प्रिस्कील्ला व जी मंडळी त्यांच्या घरात जमते, ती प्रभूमध्ये तुम्हांला फार सलाम सांगतात,
1 करिंथकरांस 16 : 20 (ERVMR)
सर्व बंधु तुम्हांला सलाम सांगतात, पवित्र चुंबनाने एकमेकांना सलाम करा.
1 करिंथकरांस 16 : 21 (ERVMR)
मी, पौल स्वत: माइया स्वत:च्या हाताने हा सलाम लिहीत आहे.
1 करिंथकरांस 16 : 22 (ERVMR)
जर कोणी प्रभूवर प्रीति करीत नाही, तर तो शापित होवो. “मारानाथा; हे प्रभु य”
1 करिंथकरांस 16 : 23 (ERVMR)
प्रभु येशूची कृपा तुम्हांबरोबर असो!
1 करिंथकरांस 16 : 24 (ERVMR)
ख्रिस्त येशूमध्ये माझी प्रीति तुम्हां सर्वांबरोबर असो.
❮
❯