मत्तय 14 : 1 (ERVMR)
त्या वेळी हेरोदाने येशूविषयी बातमी ऐकली.
मत्तय 14 : 2 (ERVMR)
तेव्हा त्याने आपल्या सेवकांना म्हटले. “येशू हा बाप्तिस्मा करणारा योहान आहे. तो मेलेल्यातून उठला आहे. त्यामुळेच तो हे चमत्कार करीत आहे.”
मत्तय 14 : 3 (ERVMR)
हेरोदाने आपला भाऊ फिलिप्प याची पत्नी हेरोदिया हिच्यामुळे योहानला अटक करून तुरूंगात टाकले होते.
मत्तय 14 : 4 (ERVMR)
कारण योहान त्याला सांगत होता, “तू होरोदियाला ठेवणे योग्य नाही.”
मत्तय 14 : 5 (ERVMR)
हेरोद त्याला मारावयास पाहत होता, पण तो लोकांना भीत होता कारण लोकांचा असा विश्वास होता की, योहान संदेष्टा आहे.
मत्तय 14 : 6 (ERVMR)
हेरोदाच्या वाढदिवशी हेरोदियाच्या मुलीने दरबारीत नाच करून हेरोदाला संतुष्ट केले.
मत्तय 14 : 7 (ERVMR)
त्यामुळे त्याने शपथ वाहून ती जे काही मागेल ते देण्याचे अभिवचन तिला दिले.
मत्तय 14 : 8 (ERVMR)
तिच्या आईच्या सांगण्यावरन ती म्हणाली, “मला तेथे तबकात बाप्तिस्मा करणारा योहान याचे शीर द्या.”
मत्तय 14 : 9 (ERVMR)
हेरोद राजाला फार वाईट वाटले. तरी त्याने आपल्या शपथपूर्वक दिलेल्या वचनामुळे व आमंत्रित लोकांमुळे ते द्यावे अशी आज्ञा केली.
मत्तय 14 : 10 (ERVMR)
आणि त्याने तुरुंगात माणसे पाठवून योहानाचे शीर तोडले.
मत्तय 14 : 11 (ERVMR)
मग त्यांनी त्याचे शीर तबकात घालून त्या मुलाला आणून दिले. तिने ते आपल्या आईकडे आणले.
मत्तय 14 : 12 (ERVMR)
मग त्याच्या शिष्यांनी येऊन त्याचे प्रेत उचलून नेले व त्याला पुरले, आणि त्यांनी जाऊन जे घडले ते येशूला सांगितले.
मत्तय 14 : 13 (ERVMR)
मग ते ऐकून येशू तेथून नावेत बसून निघून गेला व नंतर नावेतून उतरून माळरानावर एका निवांत व एकाकी जागी गेला. लोकांनी हे ऐकले तेव्हा ते पायी त्याच्याकडे गेले.
मत्तय 14 : 14 (ERVMR)
मग तो किनाऱ्यावर आला, जेव्हा त्याने मोठा लोकसमुदाय पाहिला. तेव्हा त्याला त्यांच्याबद्दल कळवळा वाटला. म्हणून जे आजारी होते त्यांना त्याने बरे केले.
मत्तय 14 : 15 (ERVMR)
मग संध्याकाळ झाल्यावर त्याचे शिष्य त्याच्याकडे आले आणि म्हणाले, “ही माळरानावरची उजाड जागा आहे आणि भोजन वेळ होऊन गेली आहे. लोकांनी गावामध्ये जाऊन स्वत:करिता अन्न विकत घ्यावे म्हणून त्यांना पाठवून द्या.”
मत्तय 14 : 16 (ERVMR)
परंतु येशू त्यांना म्हणाला, “त्यांना जाण्याची गरज नाही. तुम्हीच त्यांना खायला द्या.”
मत्तय 14 : 17 (ERVMR)
तेव्हा ते त्याला म्हणाले, “पाच भाकरी व दोन मासे याशिवाय येथे आमच्याजवळ काहीच नाही.”
मत्तय 14 : 18 (ERVMR)
तो म्हणाला, “त्या इकडे आणा.”
मत्तय 14 : 19 (ERVMR)
मग लोकांना गवतावर बसण्याची आज्ञा केत्यावर त्याने त्या पाच भाकरी व दोन मासे घेऊन वर आकाशकडे पाहून त्यावर आशीर्वाद मागितला. नंतर त्याने भाकरी मोडून शिष्यांना दिल्या व शिष्यांनी लोकास दिल्या.
मत्तय 14 : 20 (ERVMR)
ते सर्व जेवून तृप्त झाले. मग त्या उरलेल्या तुकड्यांच्या त्यांनी बारा टोपल्या भरुन घेतल्या.
मत्तय 14 : 21 (ERVMR)
स्त्रिया व मुले मोजली नाहीत, पुरूष मात्र पाच हजार होते.
मत्तय 14 : 22 (ERVMR)
स्वत: लोकसमुदायास निरोप देईपर्यंत त्याने शिष्यांना नावेत बसून लगेच आपल्यापुढे पलीकडे जाण्यास सांगितले.
मत्तय 14 : 23 (ERVMR)
लोकांना पाठवून दिल्यावर तो प्रार्थना करण्यास एकांत ठिकाणी डोगरावर गेला, रात्र झाली तेव्हा तो तेथे एकटाच होता.
मत्तय 14 : 24 (ERVMR)
पण त्यावेळी नाव किनाऱ्यापासून बऱ्याच अंतरावर होती व ती लाटांनी हेलकावत होती, कारण वारा समोरून वाहत होता.
मत्तय 14 : 25 (ERVMR)
मग पहाटेच्या वेळी तो पाण्यावरून चालत शिष्यांकडे आला.
मत्तय 14 : 26 (ERVMR)
शिष्य त्याला पाण्यावरून चालताना पाहून घाबरून गेले, त्यांना वाटले, भूतबीत आहे की काय म्हणून ते भूत, भूत असे ओरडू लागले.
मत्तय 14 : 27 (ERVMR)
पण येशू लगेच त्यांना म्हणाला, काळजी करू नका. मी आहे, भीऊ नका.
मत्तय 14 : 28 (ERVMR)
पेत्र म्हणाला, प्रभु जर तो तूच आहेस तर मला पाण्यावरून तुझ्याकडे यायला सांग.
मत्तय 14 : 29 (ERVMR)
येशू म्हणाला, “ये.” मग पेत्र नावेतून पाण्यात उतरला व पाण्यावरून चालत येशूकडे जाऊ लागला.
मत्तय 14 : 30 (ERVMR)
पण तो पाण्यावरून चालत असतानाच वारा व लाटा पाहून तो भ्याला आणि बुडू लागला. बुडताना ओरडला, प्रभु, मला वाचवा.”
मत्तय 14 : 31 (ERVMR)
आणि लगेंच येशूने आपला हात पुढे करून त्याला धरले व म्हटले, अरे अल्पविश्वासू माणसा, तू संशय का धरलास?
मत्तय 14 : 32 (ERVMR)
मग ते नावेत बसल्यावर वारा थाबला.
मत्तय 14 : 33 (ERVMR)
तेव्हा जे नावेत होते ते त्याला नमन करून म्हणाले, तुम्ही खरोखर देवाचे पुत्र आहात.
मत्तय 14 : 34 (ERVMR)
नंतर ते पलीकडे गनेसरेत येथे पोहोचले.
मत्तय 14 : 35 (ERVMR)
तेथील लोकांनी येशूला पाहिले व सभोवतालच्या सर्व प्रदेशात निरोप पाठविला व त्यांनी सर्व प्रकारच्या आजाऱ्यांस त्याच्याकडे आणले.
मत्तय 14 : 36 (ERVMR)
आणि आम्हांला आपल्या वस्त्राच्या काठाला स्पर्श करू द्यावा, अशी विनंती केली, तेव्हा जितक्यांनी स्पर्श केला तितके बरे झाले.
❮
❯