Marathi Bible Presentation Sharing - Numbers Book, chapter 1, verse 44 in Ervmr Version

गणना 1 : 1 (ERVMR)

इस्राएल लोक मिसर देशातून निघाल्यावर दुसऱ्या वर्षाच्या दुसऱ्या महिन्याच्या पहिल्या दिवशी सीनाय रानातील दर्शनमंडपात परमेश्वर मोशेशी बोलला; तो म्हणाला,

गणना 1 : 2 (ERVMR)

“सर्व इस्राएल लोकांची शिरगणती कर; प्रत्येक पुरुषाचे नांव, त्याचे कूळ आणि त्याच्या वाडवडिलांचे घराणे ह्यांच्यासह त्यांच्या नावांची यादी कर.

गणना 1 : 3 (ERVMR)

वीस वर्षाचे किंवा त्याहून अधिक वयाचे जितके पुरुष युद्धास लायक असतील त्या सर्वाची त्यांच्या दलाप्रमाणे तू आणि अहरोन मिळून गणती करा.

गणना 1 : 4 (ERVMR)

प्रत्येक वंशातला एकजण तुम्हाला मदत करील तो त्या वंशाचा प्रमुख असेल.

गणना 1 : 5 (ERVMR)

तुमच्याबरोबर राहून तुम्हाला मदत करणाऱ्यांची नावे ही: रऊबेन वंशातला शदेयुराचा मुलगा अलीसूर;

गणना 1 : 6 (ERVMR)

शिमोन वंशातला सुरीशादैचा मुलगा शलूमियेल;

गणना 1 : 7 (ERVMR)

यहुदा वंशातला अम्मीनादाबाचा मुलगा नहशोन;

गणना 1 : 8 (ERVMR)

इस्साखार वंशातला सुवाराचा मुलगा नथनेल;

गणना 1 : 9 (ERVMR)

जबुलून वंशातला हेलोनाचा मुलगा अलीयाब;

गणना 1 : 10 (ERVMR)

योसेफ पुत्राच्या वंशात म्हणजे एफ्राइम वंशातला अम्मीहूदाचा मुलगा अलीशामा, आणि मनश्शे वंशातला पदाहसुराचा मुलगा गमलीयेल.

गणना 1 : 11 (ERVMR)

बन्यामीन वंशातला गदोनीचा मुलगा अबीदान;

गणना 1 : 12 (ERVMR)

दान वंशातला आम्मीशद्दैचा मुलगा अहीएजर;

गणना 1 : 13 (ERVMR)

आशेर वंशातला आक्रानाचा मुलगा पागीयेल;

गणना 1 : 14 (ERVMR)

गाद वंशातला दगुवेलाचा मुलगा एल्यासाप;

गणना 1 : 15 (ERVMR)

नफताली वंशातला एनानाचा मुलगा अहीरा;”

गणना 1 : 16 (ERVMR)

1हे सर्वजण आपापल्या घराण्याचे प्रमुख होते; लोकांनीही त्यांना आपापल्या कुळाचे सरदार म्हणून निवडले.

गणना 1 : 17 (ERVMR)

प्रमुख म्हणून निवडलेल्या ह्या सर्वांना मोशे व अहरोन ह्यांनी आपल्याबरोबर घेतले;

गणना 1 : 18 (ERVMR)

आणि त्यांनी सर्व इस्राएल लोकांना एकत्र जमविले; मग त्यांच्या कुळांप्रमाणे व त्यांच्या घराण्यांप्रमाणे त्यांची नोंद करण्यात आली. वीस किंवा त्यापेक्षा जास्त वय असलेल्यांची यादी करण्यात आली.

गणना 1 : 19 (ERVMR)

परमेश्वराने मोशेला आज्ञा दिली होती अगदी त्याप्रमाणे त्याने सीनाय रानात त्यांची गणती केली.

गणना 1 : 20 (ERVMR)

इस्राएलाचा ज्येष्ठ पुत्र-थोरला मुलगा-रऊबेन ह्याच्या वंशाचे लोक म्हणजे त्यांची कुळे व त्यांच्या वाडवडिलांची घराणी त्यांची गणना करण्यात आली. ह्याप्रमाणे जितके पुरुष वीस वर्षांचे व त्यापेक्षा अधिक वयाचे असून सैन्यात दाखल होण्यास लायक होते त्यांची यादी करण्यात आली; त्यांची यादी घराणी आणि कुळे ह्यांच्याप्रमाणे करण्यात आली.

गणना 1 : 21 (ERVMR)

ती मोजदाद एकूण शेहेचाळीस हजार पाचशे भरली.

गणना 1 : 22 (ERVMR)

शिमोन वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्यापेक्षा अधिक क्याचे असून सैन्यात दाखल होण्यास लायक होते त्यांची यादी करण्यात आली;

गणना 1 : 23 (ERVMR)

ती मोजदाद एकूण एकुणसाठ हजार तीनशे भरली.

गणना 1 : 24 (ERVMR)

गाद वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्यापेक्षा अधिक क्याचे असून सैन्यात दाखल होण्यास लायक होते त्यांची यादी करण्यात आली;

गणना 1 : 25 (ERVMR)

ती मोजदाद एकूण पंचेचाळीसहजार सहाशे पन्नास भरली.

गणना 1 : 26 (ERVMR)

यहुदा वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्यापेक्षा अधिक वयाचे असून सैन्यात सेवा करण्यास लायक होते, त्या सर्वाची नोंद करण्यात आली;

गणना 1 : 27 (ERVMR)

ती मोजदाद एकूण चौऱ्याहत्तर हजार सहाशे भरली.

गणना 1 : 28 (ERVMR)

इस्साखार वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वाची नोंद करण्यात आली;

गणना 1 : 29 (ERVMR)

ती मोजदाद एकूण चोपन्न हजार चारशे भरली.

गणना 1 : 30 (ERVMR)

जबुलून वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोद करण्यात आली;

गणना 1 : 31 (ERVMR)

ती मोजदाद एकूण सत्तावन्न हजार चारशे भरली.

गणना 1 : 32 (ERVMR)

योसेफ पुत्रांपैकी एफ्राइम वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;

गणना 1 : 33 (ERVMR)

3ती मोजदाद एकूण चाळीस हजार पाचशे भरली.

गणना 1 : 34 (ERVMR)

मनश्शे वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;

गणना 1 : 35 (ERVMR)

ती मोजदाद एकूण बत्तीस हजार दोनशे भरली.

गणना 1 : 36 (ERVMR)

बन्यामीन वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;

गणना 1 : 37 (ERVMR)

ती मोजदाद एकूण पस्तीस हजार चारशे भरली.

गणना 1 : 38 (ERVMR)

दान वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;

गणना 1 : 39 (ERVMR)

ती मोजदाद एकूण बासष्ट हजार सातशे भरली.

गणना 1 : 40 (ERVMR)

आशेर वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षांचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली;

गणना 1 : 41 (ERVMR)

ती मोजदाद एकूण एकेचाळीस हजार पाचशे भरली.

गणना 1 : 42 (ERVMR)

नफताली वंशातील लोक म्हणजे त्यांची कुळे व त्यांच्या वाडवडिलांची घराणी ह्याप्रमाणे जितके पुरुष वीस वर्षाचे व त्याहून अधिक वयाचे असून सैन्यात सेवा करण्यास लायक होते त्या सर्वांची नोंद करण्यात आली.

गणना 1 : 43 (ERVMR)

ती मोजदाद एकूण त्रेपन्न हजार चारशे भरली.

गणना 1 : 44 (ERVMR)

मोशे, अहरोन आणि इस्राएलांच्या प्रत्येक घराण्यातील एक प्रमुख असे बारा नेते, ह्यांनी ही मोजदाद केली.

गणना 1 : 45 (ERVMR)

त्यांनी वीस वर्षांचे व त्याहून अधिक वयाचे असून सैन्यात सेवा करण्यास लायक असलेल्या प्रत्येक पुरुषाची त्याच्या वाडवडिलांच्या घराण्याप्रमाणे नोंद केली.

गणना 1 : 46 (ERVMR)

ती मोजदाद एकूण सहा लाख तीन हजार पाचशे पन्नास भरली.

गणना 1 : 47 (ERVMR)

इस्राएल लोकांबरोबर लेवी कुळांच्या दलातील लोकांची करण्यात आली नाही.

गणना 1 : 48 (ERVMR)

परमेश्वराने मोशेला सांगितले होते की,

गणना 1 : 49 (ERVMR)

“लेवी कुळांच्या दलातील लोकांची गणती करु नको किंवा इतर इस्राएल लोकांच्या गणतीत त्यांचा समावेश करुं नको;

गणना 1 : 50 (ERVMR)

लेवी लोकांना सांग की आज्ञापटाच्या पवित्र निवास मंडपाबद्दल ते जबाबदार आहेत; पवित्र निवासमंडप व त्याबरोबर त्यातील सर्व सामानाची त्यांनी काळजी घ्यावी. पवित्रनिवास मंडप व त्यातील सर्व सामान त्यांनी वाहून न्यावे. त्यांनी आपले तंबू पवित्र निवास मंडपाभोवती ठोकावेत आणि त्याची निगा राखावी.

गणना 1 : 51 (ERVMR)

जेव्हा जेव्हा पवित्र निवास मंडप हलवावयाचा असेल तेव्हा तेव्हा तो लेवी लोकांनीच उतरावा व तो उभारताना लेवी लोकांनीच तो उभा करावा; त्याची निगा राखणे हे त्यांचेच काम आहे; लेवी कुळापैकी नसलेला कोणी जर पवित्रनिवास मंडपाच्या सेवेचा प्रयत्न करु लागलां तर त्याला जिवे मारावे.

गणना 1 : 52 (ERVMR)

इस्राएल लोकांपैकी प्रत्येकाने आपापले तंबू आपापल्या दलाप्रमाणे आपापल्या छावणीत आपापल्या कुळाच्या निशाणाजवळ ठोकावेत.

गणना 1 : 53 (ERVMR)

परंतु लेवी लोकांनी आपले तंबू पवित्रनिवास मंडपाच्या सभोंवती ठोकावेत; त्यांनी आज्ञापट असलेल्या पवित्र निवासमंडपाचे रक्षण करावे म्हणजे इस्राएल लोकांवर संकट येणार नाही.”

गणना 1 : 54 (ERVMR)

परमेशवराने मोशेला आज्ञा दिल्याप्रमाणे इस्राएल लोकांनी सर्व काही केले.