गणना 34 : 1 (ERVMR)
परमेश्वर मोशेशी बोलला, तो म्हणाला,
गणना 34 : 2 (ERVMR)
“इस्राएल लोकांना ही आज्ञा दे: तुम्ही कनान देशात येत आहात. तुम्ही त्या देशाचा पराभव करा. तुम्ही सर्व कनान देश घ्या.
गणना 34 : 3 (ERVMR)
दक्षिणे कडे अदोमजवळच्या त्सीन वाळवंटाचा काही भाग तुम्हाला मिळेल. तुमची दक्षिणेकडची सीमा मृत समुद्राच्या दक्षिण टोकापासून सुरु होईल.
गणना 34 : 4 (ERVMR)
तेथून अक्रब्बीम चढावाचे दक्षिण टोक पार करुन ती त्सीन वाळवंटातून कादेश-बर्ण्याला जाईल. आणि नंतर हसर-अद्दारपर्यंत जाऊन असमोनाला पोहोचेल.
गणना 34 : 5 (ERVMR)
असमोनहून ती मिसर देशाच्या नदीपर्यंत जाईल आणि भूमध्यसमुद्रात तिची समाप्ती होईल.
गणना 34 : 6 (ERVMR)
तुमची पश्चिमेकडची सीमा म्हणजे भूमध्यसमुद्र (महासमुद्र).
गणना 34 : 7 (ERVMR)
तुमची उत्तरेकडची सीमा भूमध्यसमुद्रात सुरु होईल व होर पर्वताकडे जाईल (लेबानान मध्ये).
गणना 34 : 8 (ERVMR)
होर पर्वतावरुन ती लेबो-हमासला जाईल व तेथून सदादला.
गणना 34 : 9 (ERVMR)
नंतर ती सीमा जिप्रोनला जाईल व हसर-एनानला ती संपेल. तेव्हा ती तुमची उत्तर सीमा.
गणना 34 : 10 (ERVMR)
तुमची पूर्व सीमा एनानजवळ सुरु होईल व ती शफामपर्यंत जाईल.
गणना 34 : 11 (ERVMR)
शफामपासून ती अईनच्या पूर्वेकडे रिब्लाला जाईल. ती सीमा गालीली तलावाजवळच्या पर्वतांच्या रांगापर्यंत जाईल.
गणना 34 : 12 (ERVMR)
आणि नंतर ती यार्देन नदीच्या काठाने जाऊन मृतसमुद्रात तिची समाप्ती होईल. तुझ्या देशाच्या या सीमा आहेत.”
गणना 34 : 13 (ERVMR)
तेव्हा मोशेने इस्राएल लोकांना या आज्ञा दिल्या, “तुम्हाला हा प्रदेश मिळेल. तुम्ही नऊ कुळात आणि मनश्शेच्या अर्ध्या कुळात जमिनीची विभागणी करण्यासाठी चिठ्ठ्या टाकाल.
गणना 34 : 14 (ERVMR)
रऊबेन आणि गादची कुळे आणि मनश्शेच्या अर्ध्या कुळांनी आधीच त्यांची जमीन घेतली आहे.
गणना 34 : 15 (ERVMR)
त्या अडीच कुळानी यरीहोजवळ यार्देन नदीच्या पूर्वेकडची जागा घेतली आहे.”
गणना 34 : 16 (ERVMR)
नंतर परमेश्वर मोशेशी बोलला. तो म्हणाला,
गणना 34 : 17 (ERVMR)
“जमिनीची विभागणी करण्यासाठी तुला या माणसांची मदत होईल: याजक एलाजार आणि नूनाचा मुलगा यहोशवा.
गणना 34 : 18 (ERVMR)
आणि सर्व कुळांचे प्रमुख. प्रत्येक कुळाचा एक प्रमुख असेल. ते लोक जमिनीची विभागणी करतील.
गणना 34 : 19 (ERVMR)
प्रमुखांची ही नावे आहेत: यहुदाच्या वंशातला यफुन्नेचा मुलगा कालेब.
गणना 34 : 20 (ERVMR)
शिमोनेच्या कुटुंबातील अम्मीहुदाचा मुलगा शमुवेल.
गणना 34 : 21 (ERVMR)
बन्यामिनच्या कुटुंबातील किसलोनच्या मुलगा अलीदाद.
गणना 34 : 22 (ERVMR)
दानी कुटुंबातील यागलीचा मुलगा बुक्की.
गणना 34 : 23 (ERVMR)
योसेफच्या वंशातील मनश्शेच्या कुटुंबातील एफोदचा मुलगा हन्नीएल.
गणना 34 : 24 (ERVMR)
एफ्राईम कुटुंबातील शिफटानचा मुलगा कमुवेल.
गणना 34 : 25 (ERVMR)
जबुलून वंशातील पर्नाकचा मुलगा अलीसाफान.
गणना 34 : 26 (ERVMR)
इस्साखार वंशातील अज्जानचा मुलगा पलटीयेल.
गणना 34 : 27 (ERVMR)
आशेरी वंशातील शलोमीचा मुलगा अहीहूद.
गणना 34 : 28 (ERVMR)
आणि नप्ताली वंशातील अम्मीहुदाचा मुलगा पदाहेल.”
गणना 34 : 29 (ERVMR)
परमेश्वराने कनानच्या भूमीची इस्राएल लोकांमध्ये वाटणी करण्यासाठी या माणसांची निवड केली.
❮
❯