स्तोत्रसंहिता 116 : 1 (ERVMR)
परमेश्वर माझी प्रार्थना ऐकतो ते मला खूप आवडते.
स्तोत्रसंहिता 116 : 2 (ERVMR)
मी त्याला मदतीसाठी हाक मारतो आणि ती तो ऐकतो ते मला खूप आवडते.
स्तोत्रसंहिता 116 : 3 (ERVMR)
मी जवळ जवळ मेलो होतो. मृत्यूचे दोर माझ्या भोवती आवळले गेले होते. माझ्या भोवती थडगे आवळले जात होते. मी खूप घाबरलो होतो आणि चिंतित झालो होतो.
स्तोत्रसंहिता 116 : 4 (ERVMR)
नंतर मी परमेश्वराचे नाव घेतले. मी म्हणालो, “परमेश्वरा, मला वाचव.”
स्तोत्रसंहिता 116 : 5 (ERVMR)
परमेश्वर खूप चांगला आणि कृपाळू आहे. देव दयाळू आहे.
स्तोत्रसंहिता 116 : 6 (ERVMR)
परमेश्वर असहाय्य लोकांची काळजी घेतो. मला कोणाची मदत नव्हती आणि परमेश्वराने माझा उध्दार केला.
स्तोत्रसंहिता 116 : 7 (ERVMR)
माझ्या आत्म्या शांत हो! परमेश्वर तुझी काळजी घेतो आहे.
स्तोत्रसंहिता 116 : 8 (ERVMR)
देवा, तू माझ्या आत्म्याला मृत्यूपासून वाचवलेस तू माझे अश्रू थोपविलेस. तू मला पतनापासून वाचविलेस.
स्तोत्रसंहिता 116 : 9 (ERVMR)
मी सजीवांच्या भूमीत परमेश्वराची सेवा करणे चालूच ठेवीन.
स्तोत्रसंहिता 116 : 10 (ERVMR)
“माझा सत्यानाश झाला” असे मी म्हणालो तरी मी विश्वास ठेवणे चालूच ठेवले.
स्तोत्रसंहिता 116 : 11 (ERVMR)
मी घाबरलो होतो तेव्हा सुध्दा मी म्हणालो होतो, सगळे लोक खोटारडे आहेत.
स्तोत्रसंहिता 116 : 12 (ERVMR)
मी परमेश्वराला काय देऊ शकतो? माझ्या जवळ जे आहे ते मला परमेश्वरानेच दिले आहे.
स्तोत्रसंहिता 116 : 13 (ERVMR)
त्याने मला वाचवले म्हणून मी त्याला पेय अर्पण करीन आणि मी परमेश्वराला त्याच्या नावाने हाक मारीन.
स्तोत्रसंहिता 116 : 14 (ERVMR)
मी परमेश्वराला कबूल केलेल्या गोष्टी देईन. आता मी त्याच्या लोकांसमोर जाईन.
स्तोत्रसंहिता 116 : 15 (ERVMR)
परमेश्वराच्या एखाद्या भक्ताचा मृत्यू परमेश्वराच्या दृष्टीने महत्वपूर्ण असतो. परमेश्वरा, मी तुझा सेवक आहे.
स्तोत्रसंहिता 116 : 16 (ERVMR)
मी तुझा सेवक आहे. मी तुझी दासी असलेल्या स्त्रीचा मुलगा आहे. परमेश्वरा, तू माझा पहिला गुरु आहेस.
स्तोत्रसंहिता 116 : 17 (ERVMR)
मी तुला धन्यवाद म्हणून स्तुति अर्पण करीन. मी परमेश्वराचे नामस्मरण करीन.
स्तोत्रसंहिता 116 : 18 (ERVMR)
मी कबूल केलेल्या गोष्टी परमेश्वराला देईन. आता मी त्याच्या सर्व लोकांसमोर जाईन.
स्तोत्रसंहिता 116 : 19 (ERVMR)
मी यरुशलेम मध्या मंदिरात जाईन. परमेश्वराचा जयजयकार करा.

1 2 3 4 5 6 7 8 9 10 11 12 13 14 15 16 17 18 19