स्तोत्रसंहिता 48 : 1 (ERVMR)
परमेश्वर थोर आहे आपल्या देवाच्या शहरात, त्याच्या पवित्र पर्वतावर लोक त्याची स्तुति करतात.
स्तोत्रसंहिता 48 : 2 (ERVMR)
देवाचे पवित्र शहर सुंदर आहे. त्याचे सौंदर्य सर्व पृथ्वीवर आनंद आणते सियोन पर्वत सगळ्यात उंच आणि पवित्र पर्वत आहे. हे त्या महान राजाचे शहर आहे.
स्तोत्रसंहिता 48 : 3 (ERVMR)
इथे त्या शहराच्या राजवाड्यांत देवाला किल्ला म्हणतात.
स्तोत्रसंहिता 48 : 4 (ERVMR)
एकदा काही राजे भेटले. त्यांनी या शहरावर हल्ला करायची योजना आखली ते सगळे चालून आले.
स्तोत्रसंहिता 48 : 5 (ERVMR)
त्यांनी पाहिले आणि ते विस्मित झाले. ते घाबरले आणि पळत सुटले.
स्तोत्रसंहिता 48 : 6 (ERVMR)
भयाने त्यांना घेरले, भीतीने त्यांचा यरकाप झाला.
स्तोत्रसंहिता 48 : 7 (ERVMR)
देवा, तू पूर्वेकडच्या जोरदार वाऱ्याचा उपयोग केलास आणि त्यांची मोठी जहाजे मोडलीस.
स्तोत्रसंहिता 48 : 8 (ERVMR)
होय, आम्ही ती गोष्ट ऐकली पण आम्ही ते सर्वशक्तिमान परमेश्वराच्या शहरात, आमच्या देवाच्या शहरात घडत असलेले पाहिले. देव ते शहर सदैव सामर्थ्यवान बनवतो.
स्तोत्रसंहिता 48 : 9 (ERVMR)
देवा, आम्ही तुझ्या मंदिरात तुझ्या प्रेमळ दयेचा लक्षपूर्वक विचार करतो.
स्तोत्रसंहिता 48 : 10 (ERVMR)
देवा तू प्रसिध्द आहेस. पृथ्वीवर सगळीकडे लोक तुझी स्तुती करतात तू किती चांगला आहेस ते प्रत्येकाला माहीत आहे.
स्तोत्रसंहिता 48 : 11 (ERVMR)
देवा, सियोन पर्वत आनंदी आहे यहूदाची शहरे तुझ्या चांगल्या निर्णयामुळे उल्हासित झाली आहेत.
स्तोत्रसंहिता 48 : 12 (ERVMR)
सियोन भोवती फिरा, शहर बघा, बुरुज मोजा.
स्तोत्रसंहिता 48 : 13 (ERVMR)
उंच भिंती बघा, सियोनच्या राजवा्याचे कौतुक करा. नंतर तुम्ही पुढच्या पिढीला त्याबद्दल सांगू शकाल.
स्तोत्रसंहिता 48 : 14 (ERVMR)
देव खरोखरच नेहमी आपला देव असेल. तो आपल्याला सदैव मार्गदर्शन करेल.
❮
❯
1
2
3
4
5
6
7
8
9
10
11
12
13
14