प्रेषितांचीं कृत्यें 1 : 1 (IRVMR)
{विषय प्रवेश} [PS] हे थियफिला, येशूने जे शिकवले आणि केले, व ज्या विषयी मी पहिल्या ग्रंथात नमुद केले,
प्रेषितांचीं कृत्यें 1 : 2 (IRVMR)
त्या दिवसापर्यंत जेव्हा तो वर घेतला गेला. या आज्ञा त्याने पवित्र आत्म्याच्या द्वारे त्याच्या निवडलेल्या प्रेषितांना दिल्या.
प्रेषितांचीं कृत्यें 1 : 3 (IRVMR)
मरण सोसल्यानंतरही येशूने त्यांना पुष्कळ प्रमाणांनी आपण जिवंत आहोत. हे दाखवून चाळीस दिवसपर्यंत तो त्यांना दर्शन देत असे, व देवाच्या राज्याच्या गोष्टी सांगत असे.
प्रेषितांचीं कृत्यें 1 : 4 (IRVMR)
नंतर तो त्यांच्याशी एकत्र असता त्याने त्यांना आज्ञा केली की, “यरूशलेम शहर सोडून जाऊ नका तर पित्याने देऊ केलेल्या, ज्या देणगी विषयी, तुम्ही माझ्याकडून ऐकले आहे त्याची वाट पाहा.
प्रेषितांचीं कृत्यें 1 : 5 (IRVMR)
कारण योहानाने पाण्याने तुमचा बाप्तिस्मा केला खरा; थोडया दिवसानी तुमचा बाप्तिस्मा पवित्र आत्म्याने होईल.” मार्क 16:19, 20; लूक 24:50-53 [PE][PS]
प्रेषितांचीं कृत्यें 1 : 6 (IRVMR)
{येशूचे स्वर्गारोहण} [PS] मग सर्वजण एकत्र जमले असताना शिष्यांनी येशूला विचारले, “प्रभूजी, याच काळात आपण इस्राएलाचे राज्य पुन्हा स्थापित करणार काय?”
प्रेषितांचीं कृत्यें 1 : 7 (IRVMR)
तो त्यांना म्हणाला, “पित्याने स्वतःच्या अधिकारात काळ व समय ठेवले आहेत ते जाणणे तुम्हाकडे नाही.
प्रेषितांचीं कृत्यें 1 : 8 (IRVMR)
परंतु पवित्र आत्मा तुम्हांवर येईल, तेव्हा तुम्ही सामर्थ्य प्राप्त कराल, आणि यरूशलेम शहरात सर्व यहूदीया आणि शोमरोन प्रांतात, व पृथ्वीच्या शेवटापर्यंत तुम्ही माझे साक्षी व्हाल.”
प्रेषितांचीं कृत्यें 1 : 9 (IRVMR)
असे सांगितल्यावर त्यांच्या डोळ्यासमोर तो वर घेतला गेला, आणि मेघांनी त्यास दृष्टीआड केले.
प्रेषितांचीं कृत्यें 1 : 10 (IRVMR)
नंतर तो जात असता ते आकाशाकडे निरखून पाहत होते, तेव्हा पाहा, शुभ्र वस्त्रे परिधान केलेले दोन पुरूष त्यांच्याजवळ उभे राहिले.
प्रेषितांचीं कृत्यें 1 : 11 (IRVMR)
आणि ते असे बोलले, “अहो गालीलकारांनो, तुम्ही आकाशाकडे का पाहत उभे राहिले आहात? हा जो येशू तुम्हापासून वर आकाशात घेतला गेला आहे? तुम्ही त्यास जसे आकाशात जातांना पाहता तसाच तो परत येईल.” [PS]
प्रेषितांचीं कृत्यें 1 : 12 (IRVMR)
{बाराव्या प्रेषिताची नेमणूक} [PS] मग यरूशलेम शहराजवळ म्हणजे शब्बाथ दिवसाच्या मजलेवर [* साधारण 1 किलोमीटर] असलेल्या जैतुनांच्या डोंगरावरून ते यरूशलेम शहरास परत आले.
प्रेषितांचीं कृत्यें 1 : 13 (IRVMR)
आणि आल्यावर ते माडीवरच्या एका खोलीत जिथे पेत्र, योहान, याकोब, अंद्रिया, फिलिप्प, थोमा, बर्थलमय, मत्तय, अल्फीचा मुलगा याकोब, शिमोन जिलोत व याकोबाचा मुलगा यहूदा हे राहत होते, तिथे गेले.
प्रेषितांचीं कृत्यें 1 : 14 (IRVMR)
हे सर्वजण आणि त्यांच्यासह कित्येक स्त्रिया, येशूची आई मरीया, व त्याचे भाऊ एकचित्ताने एकसारखे प्रार्थना करत होते. [PE][PS]
प्रेषितांचीं कृत्यें 1 : 15 (IRVMR)
त्या दिवसात पेत्र बंधुवर्गामध्ये, सुमारे एकशेवीस मनुष्यांच्या जमावामध्ये उभा राहून म्हणाला,
प्रेषितांचीं कृत्यें 1 : 16 (IRVMR)
“बंधुजनहो, येशूला धरून नेणाऱ्यांना वाट दाखविणाऱ्या यहूदाविषयी पवित्र आत्म्याने दावीदाच्या मुखावाटे जे भविष्य आधीच वर्तवले होते, ते पूर्ण होण्याचे अगत्य होते.
प्रेषितांचीं कृत्यें 1 : 17 (IRVMR)
तो आपल्या मधलाच एक होता आणि त्यास या सेवेतल्या लाभाचा त्याचा वाटा मिळाला होता.”
प्रेषितांचीं कृत्यें 1 : 18 (IRVMR)
(त्याने आपल्या दुष्टाईची कृतीकरून मजुरीने शेत विकत घेतले. तो पालथा पडल्याने त्याचे पोट मध्येच फुटले, व त्याची आतडी बाहेर पडली.
प्रेषितांचीं कृत्यें 1 : 19 (IRVMR)
हे यरूशलेम शहरात राहणाऱ्या सर्वांना कळले म्हणून त्यांच्या भाषेत त्या शेताला हकलदमा, म्हणजे रक्ताचे शेत, असे नाव पडले आहे.)
प्रेषितांचीं कृत्यें 1 : 20 (IRVMR)
स्तोत्रसंहितेत असे लिहिले आहे की, त्याचे घर उजाड पडो, व त्यामध्ये कोणीही न राहो. आणि, त्याचा हुद्दा दूसरा घेवो. [PE][PS]
प्रेषितांचीं कृत्यें 1 : 21 (IRVMR)
म्हणून, प्रभू येशू, आमच्यामध्ये आत बाहेर येत जात होता त्या सर्व काळात,
प्रेषितांचीं कृत्यें 1 : 22 (IRVMR)
योहानाच्या बाप्तिस्म्यापासून तर ज्या दिवशी प्रभू येशूला आपल्यापासून वर घेण्यात आले, त्या दिवसापर्यंत तर जी माणसे आपल्या संगतीसोबतीत होती त्यांच्यातून एकाने आपल्याबरोबर त्याच्या पुनरुत्थानाचा साक्षी झाले पाहिजे.
प्रेषितांचीं कृत्यें 1 : 23 (IRVMR)
तेव्हा ज्याचे उपनाव युस्त होते, तो बर्सबा म्हटलेला योसेफ व मत्थिया, या दोघांना त्यांनी पुढे आणले.
प्रेषितांचीं कृत्यें 1 : 24 (IRVMR)
मग त्यांनी अशी प्रार्थना केली, “हे सर्वाची हृदये जाणणाऱ्या प्रभू,
प्रेषितांचीं कृत्यें 1 : 25 (IRVMR)
हे सेवकपद व प्रेषितपद सोडून आपल्या जागी गेलेल्या यहूदाचे पद ज्याला मिळावे असा या दोघांपैकी तू कोण निवडला आहेस ते दाखव.”
प्रेषितांचीं कृत्यें 1 : 26 (IRVMR)
मग त्यांनी त्यांच्यासाठी चिठ्ठ्या टाकल्यावर मत्थियाची चिठ्ठी निघाली; तेव्हा त्यास अकरा प्रेषितांबरोबर गणण्यात आले. [PE]
❮
❯