निर्गम 25 : 1 (IRVMR)
इस्त्राएल लोकांनी आणायचे दान
निर्ग. 35:4-9 परमेश्वर मोशेला म्हणाला,
निर्गम 25 : 2 (IRVMR)
“इस्राएल लोकांस माझ्यासाठी अर्पणे आणायला सांग. ज्या कोणाची माझ्यासाठी मनापासून अर्पण करण्याची इच्छा असेल त्या प्रत्येकापासून ही अर्पणे तू माझ्यासाठी स्वीकारावी.
निर्गम 25 : 3 (IRVMR)
त्यांच्याकडून तू माझ्याकरिता घ्यावयाच्या वस्तूंच्या अर्पणाची यादी अशी: सोने, चांदी, पितळ;
निर्गम 25 : 4 (IRVMR)
निळ्या, जांभळ्या व किरमिजी रंगाचे सूत आणि तलम सणाचे कापड; बकऱ्याचे केस;
निर्गम 25 : 5 (IRVMR)
लाल रंगवलेली मेंढ्यांची कातडी; तहशाची * एक समुद्री प्राणी कातडी, बाभळीचे लाकूड;
निर्गम 25 : 6 (IRVMR)
दिव्यासाठी तेल, अभिषेकाच्या तेलासाठी आणि सुगंधी धुपासाठी मसाले;
निर्गम 25 : 7 (IRVMR)
एफोद व ऊरपट ह्यात खोचण्यासाठी गोमेदमणी व इतर रत्ने.”
निर्गम 25 : 8 (IRVMR)
मी त्यांच्यामध्ये निवास करावा म्हणून त्यांनी माझ्यासाठी एक पवित्रस्थान तयार करावे.
निर्गम 25 : 9 (IRVMR)
निवासमंडप कसा असावा त्याचा नमुना व त्यातील वस्तू कशा असाव्यात त्यांचा नमुना मी तुला दाखवीन. त्या सगळ्याप्रमाणे तुम्ही तो तयार करावा.
निर्गम 25 : 10 (IRVMR)
साक्षीचा कोश
निर्ग. 37:1-9 “बाभळीच्या लाकडाची एक पेटी तयार करावी; त्याची लांबी अडीच हात, रुंदी दीड हात व उंची दीड हात असावी.
निर्गम 25 : 11 (IRVMR)
तो आतून बाहेरून शुध्द सोन्याने मढवावा आणि त्याच्यावर सभोवती शुद्ध सोन्याचा काठ करावा.
निर्गम 25 : 12 (IRVMR)
त्याच्या चारही पायांना लावण्यासाठी सोन्याच्या चार गोल कड्या ओतून एकाबाजूला दोन व दुसऱ्या बाजूला दोन अशा लावाव्या.
निर्गम 25 : 13 (IRVMR)
बाभळीच्या लाकडाचे दांडे करावेत व तेही सोन्याने मढवावेत
निर्गम 25 : 14 (IRVMR)
कोशाच्या कोपऱ्यांवरील गोल कड्यांमध्ये दांडे घालून मग तो वाहून न्यावा.
निर्गम 25 : 15 (IRVMR)
हे दांडे कोशाच्या कड्यातच कायम तसेच राहू द्यावेत, ते काढून घेऊ नयेत.”
निर्गम 25 : 16 (IRVMR)
देव म्हणाला, मी तुला साक्षपट देईन तोही त्या कोशात ठेवावा.
निर्गम 25 : 17 (IRVMR)
मग शुद्ध सोन्याचे एक दयासन बनवावे; त्याची लांबी अडीच हात, रूंदी दीड हात असावी;
निर्गम 25 : 18 (IRVMR)
मग सोन्याचे घडीव काम करून दोन करुब करून ते दयासनाच्या दोन्ही टोकांना ठेवावेत.
निर्गम 25 : 19 (IRVMR)
एक करुब एका बाजूला व दुसरा करुब दुसऱ्या बाजूला असे दयासनाशी एकत्र जोडून अखंड सोन्याचे घडवावेत.
निर्गम 25 : 20 (IRVMR)
त्या करुबांचे पंख आकाशाकडे वर पसरलेले असावेत व त्यांच्या पंखांनी दयासन झाकलेले असावे; त्याची तोंडे समोरासमोर असावीत व त्यांची दृष्टी दयासनाकडे लागलेली असावी.
निर्गम 25 : 21 (IRVMR)
दयासन कोशावर ठेवावे. मी तुला जो साक्षपट देईन तो तू त्या कोशात ठेवावा;
निर्गम 25 : 22 (IRVMR)
तेथे मी तुला भेटत जाईन. दयासनावरून त्या साक्षपटाच्या कोशावरील ठेवलेल्या दोन्ही करुबामधून मी तुझ्याशी बोलेन आणि तेथूनच मी इस्राएल लोकांसाठी माझ्या सर्व आज्ञा देईन.
निर्गम 25 : 23 (IRVMR)
समक्षतेच्या भाकरींसाठी मेज
निर्ग. 37:10-16 बाभळीच्या लाकडाचे एक मेज बनवावे; त्याची लांबी दोन हात, रूंदी एक हात व उंची दीड हात असावी.
निर्गम 25 : 24 (IRVMR)
ते शुद्ध सोन्याने मढवावे, व त्याच्या भोवती सोन्याचा काठ करावा.
निर्गम 25 : 25 (IRVMR)
मग चार बोटे रुंदीची एक चौकट बनवावी व सोन्याचा काठ तिच्यावर ठेवावा.
निर्गम 25 : 26 (IRVMR)
मग सोन्याच्या चार गोल कड्या बनवून त्या मेजाच्या चार पायांच्या कोपऱ्यांना लावाव्यात.
निर्गम 25 : 27 (IRVMR)
या कड्या मेजाच्या वरच्या भागा भोवती चौकटीच्या जवळ ठेवाव्यात. मेज वाहून नेण्यासाठी या कड्यांमध्ये दांडे घालावे.
निर्गम 25 : 28 (IRVMR)
मेज वाहून नेण्यासाठी बाभळीच्या लाकडाचे दांडे बनवावेत व ते सोन्याने मढवावेत.
निर्गम 25 : 29 (IRVMR)
मेजावरची तबके, धूपपात्रे, सुरया व पेयार्पणे ओतण्याकरता वाट्या बनव. ही शुद्ध सोन्याची असावीत.
निर्गम 25 : 30 (IRVMR)
माझ्यापुढे मेजावर समक्षतेची भाकर नेहमी ठेवावी.
निर्गम 25 : 31 (IRVMR)
सोन्याचा दीपवृक्ष
निर्ग. 37:17-24 शुद्ध सोन्याचा एक दीपवृक्ष तयार कर, हा दीपवृक्ष घडीव कामाचा असावा. त्याची बैठक व त्याचा दांडा, त्याच्या वाट्या, त्याच्या कळ्या व त्याची फुले ही सर्व एकाच अखंड तुकड्याची असावी.
निर्गम 25 : 32 (IRVMR)
त्या दीपवृक्षाला एका बाजूला तीन व दुसऱ्या बाजूला तीन अशा सहा शाखा असाव्यात.
निर्गम 25 : 33 (IRVMR)
प्रत्येक शाखेला बदामाच्या फुलांसारख्या तीन तीन वाट्या या कळ्याफुलांसह असाव्यात.
निर्गम 25 : 34 (IRVMR)
या दीपवृक्षाच्या दांड्याला बदामाच्या फुलांसारख्या कळ्या पाकळ्यासहीत असलेल्या फुलाप्रमाणे असाव्यात.
निर्गम 25 : 35 (IRVMR)
या दीपवृक्षावर निघणाऱ्या सहा शाखांपैकी दोन दोन शाखा, त्याच्याखाली असलेले एकएक बोंड ही एकाच अखंड तुकड्याची असावी.
निर्गम 25 : 36 (IRVMR)
त्याची बोंडे व त्याच्या शाखा ही सर्व एकाच अखंड तुकड्याची असावी. तो सबंध दीपवृक्ष शुद्ध सोन्याचा एकच घडीव तुकडा असावा.
निर्गम 25 : 37 (IRVMR)
मग या दीपवृक्षावर सात दिवे बसवावेत म्हणजे त्या दिव्यातून दीपवृक्षाच्या समोरील भागावर प्रकाश पडेल.
निर्गम 25 : 38 (IRVMR)
दिवे मालवण्याचे चिमटे व त्यांच्या ताटल्या ही सर्व शुद्ध सोन्याची असावीत.
निर्गम 25 : 39 (IRVMR)
हा दीपवृक्ष त्याच्या सर्व उपकरणासहीत एक किक्कार† साधारण 34 किलोग्राम शुद्ध सोन्याचा करावा;
निर्गम 25 : 40 (IRVMR)
आणि मी तुला पर्वतावर दाखवलेल्या नमुन्याप्रमाणेच या सर्व वस्तू बनविण्याकडे तू लक्ष दे.
❮
❯
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40