Marathi Bible Presentation Sharing - Genesis Book, chapter 46, verse 148 in Irvmr Version

उत्पत्ति 46 : 1 (IRVMR)

याकोब आपल्या कुटुंबासह मिसरास येतो
निर्ग. 6:14-25 इस्राएलाने, आपले जे काही होते त्याबरोबर प्रवासास सुरुवात केली आणि तो बैर-शेबास गेला. तेथे त्याने आपला बाप इसहाक याच्या देवाला अर्पणे वाहिली.

उत्पत्ति 46 : 2 (IRVMR)

रात्री देव स्वप्नात दर्शन देऊन इस्राएलाशी बोलला, तो म्हणाला, “याकोबा, याकोबा.” त्याने उत्तर दिले, “काय आज्ञा?”

उत्पत्ति 46 : 3 (IRVMR)

तो म्हणाला “मी देव आहे, तुझ्या बापाचा देव आहे. खाली मिसर देशास जाण्यास तू भिऊ नको, कारण मी तुझ्यापासून तेथे एक मोठे राष्ट्र तयार करीन.

उत्पत्ति 46 : 4 (IRVMR)

मी तुझ्याबरोबर खाली मिसरात जाईन, आणि मी तुला मिसरमधून पुन्हा आणीन. आणि योसेफ आपल्या हातांनी तुझे डोळे झाकील.”

उत्पत्ति 46 : 5 (IRVMR)

मग याकोब बैर-शेबाहून उठला. इस्राएलाच्या मुलांनी आपला बाप, आपल्या स्त्रिया व मुले या सर्वांना फारोने पाठवलेल्या गाड्यांतून मिसरला आणले.

उत्पत्ति 46 : 6 (IRVMR)

त्याच प्रमाणे त्यांनी आपली शेरडेमेंढरे, गुरेढोरे आणि कनान देशात त्यांनी मिळवलेले सर्वकाही मिसरला नेले; याप्रमाणे याकोब व त्याची संतती मिसर देशास आली.

उत्पत्ति 46 : 7 (IRVMR)

त्याने आपल्यासोबत आपली मुले व नातू, आपल्या मुली व नाती या सर्व संतानांना मिसरात नेले.

उत्पत्ति 46 : 8 (IRVMR)

इस्राएलाचे जे पुत्र त्याच्याबरोबर मिसरला गेले त्याची नावे अशी: याकोबाचा प्रथम जन्मलेला रऊबेन;

उत्पत्ति 46 : 9 (IRVMR)

रऊबेनाचे पुत्र हनोख आणि पल्लू आणि हेस्रोन आणि कर्मी;

उत्पत्ति 46 : 10 (IRVMR)

शिमोनाचे पुत्र यमुवेल, यामीन, ओहाद, याकोन, जोहर आणि कनानी स्त्रीपासून झालेला मुलगा शौल;

उत्पत्ति 46 : 11 (IRVMR)

लेवीचे पुत्र गेर्षोन, कहाथ व मरारी;

उत्पत्ति 46 : 12 (IRVMR)

यहूदाचे पुत्र एर, ओनान, शेला, पेरेस व जेरह, (परंतु एर व ओनान हे कनान देशात मरण पावले. पेरेसाचे पुत्र हेस्रोन व हामूल),

उत्पत्ति 46 : 13 (IRVMR)

इस्साखाराचे पुत्र तोला, पुवा, लोब व शिम्रोन;

उत्पत्ति 46 : 14 (IRVMR)

जबुलूनाचे पुत्र सेरेद, एलोन व याहलेल

उत्पत्ति 46 : 15 (IRVMR)

(याकोबाला लेआपासून पदन-अरामात झालेली सहा मुले व दीना ही मुलगी; त्याच्या कुटुंबात मुले आणि मुली मिळून तेहतीस जण होते),

उत्पत्ति 46 : 16 (IRVMR)

गादाचे पुत्र सिफयोन आणि हग्गी, शूनी आणि एसबोन, एरी, अरोदी, आणि अरेली;

उत्पत्ति 46 : 17 (IRVMR)

आशेराचे पुत्र इम्ना आणि इश्वा, इश्वी, आणि बरीया, आणि त्याची बहीण सेराह; आणि बरीयाचे पुत्र हेबर व मलकीएल

उत्पत्ति 46 : 18 (IRVMR)

(जिल्पा जी लाबानने आपली मुलगी लेआ हिला दिली होती, तिच्यापासून झालेले हे सगळे याकोबाचे पुत्र होते. ती एकंदर सोळा माणसे होती),

उत्पत्ति 46 : 19 (IRVMR)

याकोबाची पत्नी राहेल हिचे पुत्र योसेफ व बन्यामीन हे होते;

उत्पत्ति 46 : 20 (IRVMR)

(योसेफास मिसर देशातील ओनचा याजक पोटीफर याची मुलगी आसनथ हिच्या पोटी मनश्शे व एफ्राईम हे पुत्र झाले),

उत्पत्ति 46 : 21 (IRVMR)

बन्यामिनाचे पुत्र बेला, बेकेर, आशबेल, गेरा, नामान, एही, रोष, मुप्पीम, हुप्पीम आणि आर्द.

उत्पत्ति 46 : 22 (IRVMR)

(याकोबापासून राहेलीस झालेली ही मुले. सर्व मिळून ते सर्व चौदा जण होते),

उत्पत्ति 46 : 23 (IRVMR)

हुशीम हा दान याचा मुलगा होता;

उत्पत्ति 46 : 24 (IRVMR)

नफतालीचे पुत्र यासहेल, गुनी, येसेर आणि शिल्लेम हे होते.

उत्पत्ति 46 : 25 (IRVMR)

(लाबानाने आपली मुलगी राहेल हिला दिलेल्या बिल्हाचे याकोबापासून झालेले हे पुत्र. हे सर्व मिळून सात जण होते).

उत्पत्ति 46 : 26 (IRVMR)

याकोबाच्या वंशातील जी माणसे मिसरमध्ये गेली ती याकोबाच्या मुलांच्या स्त्रिया सोडून सहासष्ट जण होती.

उत्पत्ति 46 : 27 (IRVMR)

योसेफास मिसर देशात झालेले दोन पुत्र मिळून एकंदर याकोबाच्या घराण्यातले सत्तर जण मिसर देशात होते.

उत्पत्ति 46 : 28 (IRVMR)

याकोब आणि त्याचे कुटुंब ह्यांचे मिसर देशात वास्तव्य याकोबाने प्रथम यहूदाला योसेफाकडे पाठवले; यहूदा गोशेन प्रांतात योसेफाकडे गेला त्यानंतर याकोब व त्याच्या परिवारातील सर्व मंडळी यहूदाच्या मागे गोशेन प्रांतात गेली.

उत्पत्ति 46 : 29 (IRVMR)

योसेफास आपला रथ तयार करून आपला बाप इस्राएल याच्या भेटीस गोशेन प्रांतात त्यास सामोरा गेला. योसेफाने आपल्या पित्यास पाहिले तेव्हा त्याने त्याच्या गळ्यास मिठी मारली व त्याच्या गळ्यात गळा घालून तो बराच वेळ रडला.

उत्पत्ति 46 : 30 (IRVMR)

मग इस्राएल योसेफाला म्हणाला, “आता मात्र मला शांतीने मरण येवो, मी तुझे तोंड पाहिले आहे, आणि तू जिवंत आहेस हे मला समजले आहे.”

उत्पत्ति 46 : 31 (IRVMR)

मग योसेफ आपल्या भावांना व आपल्या वडिलाच्या घरच्या सर्वांना म्हणाला, “मी जाऊन फारोला सांगतो की, ‘माझे भाऊ व माझ्या वडिलाच्या घरातील सर्व मंडळी हे कनान देश सोडून येथे माझ्याकडे आले आहेत.

उत्पत्ति 46 : 32 (IRVMR)

माझ्या वडिलाच्या घरचे सर्वजण मेंढपाळ आहेत, ते त्यांची शेरडेमेंढरे व गुरेढोरे पाळत आले आहेत. ते त्यांची शेरडेमेंढरे, गुरेढोरे व त्यांचे तेथे जे काही होते ते सर्व घेऊन आले आहेत.’

उत्पत्ति 46 : 33 (IRVMR)

जेव्हा फारो राजा तुम्हास बोलावून विचारील, ‘तुम्ही काय काम धंदा करता?’

उत्पत्ति 46 : 34 (IRVMR)

तेव्हा तुम्ही असे सांगा, ‘आम्ही सर्व मेंढपाळ आहोत. हा आमचा पिढीजात धंदा आहे. आमच्या आधी आमचे वाडवडील हाच धंदा करीत होते.’ मग फारो तुम्हास गोशेन प्रांतात राहू देईल. मिसरी लोकांस मेंढपाळ आवडत नाहीत.”