योहान 12 : 1 (IRVMR)
{#1बेथानी येथे मरीयेने येशूला केलेला तैलाभ्यंग [BR]मत्त. 26:6-13; मार्क 14:3-9 } [PS]मग येशू वल्हांडणाच्या सहा दिवस आधी बेथानीस आला आणि ज्या लाजराला येशूने मरण पावलेल्यातून उठवले होते तो तेथे होता.
योहान 12 : 2 (IRVMR)
म्हणून त्यांनी तेथे त्याच्यासाठी रात्रीचे भोजन केले आणि मार्था वाढीत होती. पण त्याच्याबरोबर भोजनास बसलेल्यात लाजर हा एक होता.
योहान 12 : 3 (IRVMR)
तेव्हा मरीयेने अर्धा शेर, शुद्ध जटामांसीचे, अतिमोलवान सुवासिक तेल घेऊन येशूच्या पायांना लावून आपल्या केसांनी त्याचे पाय पुसले; आणि तेलाच्या सुवासाने घर भरून गेले.
योहान 12 : 4 (IRVMR)
तेव्हा, त्याच्या शिष्यांतला एक, त्यास धरून देणार होता तो यहूदा इस्कार्योत म्हणाला,
योहान 12 : 5 (IRVMR)
“हे सुवासिक तेल तीनशे चांदीच्या नाण्यांस विकून ते गरीबास का दिले नाही?”
योहान 12 : 6 (IRVMR)
त्यास गरिबांची काळजी होती म्हणून तो हे बोलला असे नाही, तर तो चोर होता म्हणून हे बोलला. त्याच्याजवळ डबी होती आणि तिच्यात जे टाकण्यांत येई ते तो चोरून घेई, म्हणून तो असे बोलला.
योहान 12 : 7 (IRVMR)
यावरुन येशूने म्हटले, [SCJ]“तिच्या वाटेस जाऊ नका. मला पुरण्याच्या दिवसासाठी तिने हे राखून ठेवले आहे.[SCJ.]
योहान 12 : 8 (IRVMR)
[SCJ]कारण गरीब नेहमी तुमच्याजवळ आहेत, पण मी नेहमी तुमच्याजवळ आहे असे नाही.”[SCJ.] [PE]
योहान 12 : 9 (IRVMR)
[PS]तो तेथे आहे असे यहूद्यातील पुष्कळ लोकांस कळले आणि केवळ येशूकरता नाही, तर ज्याला त्याने मरण पावलेल्यातून उठवले होते त्या लाजरालाही आपण पाहावे म्हणून ते आले.
योहान 12 : 10 (IRVMR)
पण मुख्य याजकांनी आपण लाजरालाही ठार मारावे असा विचार केला.
योहान 12 : 11 (IRVMR)
कारण त्याच्यामुळे पुष्कळ यहूदी त्यांना सोडून येशूवर विश्वास ठेवत होते. [PE]
योहान 12 : 12 (IRVMR)
[PS]दुसर्‍या दिवशी सणास आलेले पुष्कळ लोक येशू यरूशलेम शहरास येत आहे असे ऐकून,
योहान 12 : 13 (IRVMR)
खजुरीच्या झावळ्या घेऊन त्याच्या भेटीस घ्यायला बाहेर निघाले आणि गजर करीत म्हणाले, “होसान्ना! प्रभूच्या नावाने येणारा इस्राएलाचा राजा!” धन्यवादित असो.
योहान 12 : 14 (IRVMR)
आणि येशूला एक शिंगरु मिळाल्यावर तो त्यावर बसला. [PE]
योहान 12 : 15 (IRVMR)
[PS]‘हे सियोनेच्या कन्ये, भिऊ नको, पाहा, तुझा राजा गाढवीच्या शिंगरावर बसून येत आहे.’ या शास्त्रलेखाप्रमाणे हे घडले.
योहान 12 : 16 (IRVMR)
या गोष्टी तर त्याच्या शिष्यांना पहिल्याने समजल्या नव्हत्या, पण येशूचे गौरव झाल्यावर, त्यांना आठवण झाली की, त्याच्याविषयी या गोष्टी लिहिल्या होत्या आणि लोकांनी त्याच्यासाठी असे केले होते.
योहान 12 : 17 (IRVMR)
त्याने लाजराला कबरेतून बोलावून मरण पावलेल्यातून उठवले, त्यावेळेस जो लोकसमुदाय त्याच्याबरोबर होता त्यांने त्याच्याविषयी साक्ष दिली.
योहान 12 : 18 (IRVMR)
त्याने हे चिन्ह केले होते असे त्यांनी ऐकले म्हणूनही लोक त्यास भेटावयास गेले.
योहान 12 : 19 (IRVMR)
मग परूशी एकमेकांस म्हणाले, “तुमचे काहीच चालत नाही, हे तुम्ही पाहता; पाहा, जग त्याच्यामागे चालले आहे.” [PE]
योहान 12 : 20 (IRVMR)
[PS]सणांत उपासना करावयास आलेल्या लोकांपैकी काही लोक ग्रीक होते.
योहान 12 : 21 (IRVMR)
त्यांनी गालील प्रांतातील बेथसैदाकर फिलिप्प याच्याजवळ येऊन विनंती केली की, “साहेब, येशूला भेटावे अशी आमची इच्छा आहे.”
योहान 12 : 22 (IRVMR)
फिलिप्पाने येऊन अंद्रियाला सांगितले; अंद्रिया व फिलिप्प यांनी येऊन येशूला सांगितले. [PE]
योहान 12 : 23 (IRVMR)
[PS]येशूने त्यांना म्हटले, [SCJ]“मनुष्याच्या पुत्राचे गौरव होण्याची वेळ आली आहे.[SCJ.]
योहान 12 : 24 (IRVMR)
[SCJ]मी तुम्हास खरे खरे सांगतो, गव्हाचा दाणा जमिनीत पडून मरण पावला नाही, तर तो एकटाच राहतो; आणि मरण पावला तर तो पुष्कळ पीक देतो.[SCJ.]
योहान 12 : 25 (IRVMR)
[SCJ]जो आपल्या जीवावर प्रीती करतो तो त्यास मुकेल आणि जो या जगांत आपल्या जीवाचा द्वेष करतो तो त्याचे सार्वकालिक जीवनासाठी रक्षण करील.[SCJ.]
योहान 12 : 26 (IRVMR)
[SCJ]जर कोणी माझी सेवा करतो तर त्याने मला अनुसरावे, म्हणजे जेथे मी आहे तेथे माझा सेवकही असेल. जर कोणी माझी सेवा करतो तर पिता त्यास मान करील.[SCJ.] [PE]
योहान 12 : 27 (IRVMR)
[PS] [SCJ]आता माझा जीव अस्वस्थ होत आहे आणि मी काय बोलू? हे पित्या, तू या घटकेपासून माझे रक्षण कर. पण मी या कारणासाठीच या घटकेत आलो आहे.[SCJ.]
योहान 12 : 28 (IRVMR)
[SCJ]हे पित्या, तू आपल्या नावाचे गौरव कर”[SCJ.] तेव्हा आकाशवाणी झाली, “मी ते गौरविले आहे आणि पुन्हाही गौरवीन.”
योहान 12 : 29 (IRVMR)
तेव्हा जे लोक सभोवती उभे होते आणि ज्यांनी हे ऐकले ते म्हणाले, “मेघगर्जना झाली.” दुसरे म्हणाले, “त्याच्याशी देवदूत बोलला.”
योहान 12 : 30 (IRVMR)
येशूने त्यांना उत्तर देऊन म्हटले, [SCJ]“ही वाणी माझ्यासाठी झाली नाही तर तुमच्यासाठी झाली आहे.[SCJ.]
योहान 12 : 31 (IRVMR)
[SCJ]आता या जगाचा न्याय होतो, आता या जगाचा शासक बाहेर टाकला जाईल.[SCJ.]
योहान 12 : 32 (IRVMR)
[SCJ]आणि मला जर पृथ्वीपासून उंच केले तर मी सर्वांना माझ्याकडे आकर्षून घेईन.”[SCJ.]
योहान 12 : 33 (IRVMR)
तो तर आपण कोणत्या मरणाने मरणार पाहिजे हे सुचविण्याकरिता हे बोलला.
योहान 12 : 34 (IRVMR)
लोकांनी त्यास विचारले, ख्रिस्त सर्वकाळ राहील असे आम्ही नियमशास्त्रांतून ऐकले आहे, तर [SCJ]“मनुष्याच्या पुत्राला उंच केले पाहिजे”[SCJ.] असे आपण कसे म्हणता? हा मनुष्याचा पुत्र आहे तरी कोण?
योहान 12 : 35 (IRVMR)
यावरुन येशू त्यांना म्हणाला, [SCJ]“आणखी थोडा वेळ तुमच्याबरोबर प्रकाश आहे; तुम्हास प्रकाश आहे तोपर्यंत चाला; यासाठी कि अंधकाराने तुम्हास गाठू नये; कारण जो अंधकारात चालतो त्यास आपण कोठे जातो हे कळत नाही.[SCJ.]
योहान 12 : 36 (IRVMR)
[SCJ]तुम्ही प्रकाशाचे पुत्र व्हावे म्हणून तुम्हाजवळ प्रकाश आहे तोपर्यंत प्रकाशावर विश्वास ठेवा.”[SCJ.] येशू या गोष्टी बोलला आणि तेथून निघून जाऊन त्यांच्यापासून गुप्त राहिला. [PE]
योहान 12 : 37 (IRVMR)
[PS]त्याने त्यांच्यासमोर इतकी चिन्हे केली असतांही त्यांनी त्याच्यावर विश्वास ठेवला नाही;
योहान 12 : 38 (IRVMR)
हे यासाठी झाले की, यशया संदेष्ट्याने जे वचन सांगितले होते ते पूर्ण व्हावे, ते असेः [PE][QS]“प्रभू, आम्ही ऐकलेल्या वार्तेवर कोणी विश्वास ठेवला आहे? [QE][QS]परमेश्वराचा भूज कोणास प्रकट झाला आहे?” [QE]
योहान 12 : 39 (IRVMR)
[QS]म्हणून त्यांना विश्वास ठेवता आला नाही; [QE][MS]या कारणाने यशया पुन्हा म्हणाला, [ME]
योहान 12 : 40 (IRVMR)
[QS]“त्यांनी डोळ्यांनी पाहू नये, [QE][QS]अंतःकरणाने समजू नये, वळू नये व [QE][QS]मी त्यांना बरे करू नये [QE][QS]म्हणून त्याने त्यांचे डोळे आंधळे केले व अंतःकरण कठीण केले आहे.” [QE]
योहान 12 : 41 (IRVMR)
[PS]यशयाने त्याचे गौरव पाहिले म्हणून त्याने या गोष्टी सांगितल्या आणि तो त्याच्याविषयी बोलला.
योहान 12 : 42 (IRVMR)
तरी यहूदी अधिकार्‍यांतूनही पुष्कळांनी त्याच्यावर विश्वास ठेवला, परंतु आपणांस सभास्थानाच्या बाहेर घालवू नये म्हणून परूश्यांमुळे ते तसे कबूल करीत नव्हते.
योहान 12 : 43 (IRVMR)
कारण त्यांना देवाकडील गौरवापेक्षा मनुष्याकडील गौरव अधिक प्रिय वाटले. [PE]
योहान 12 : 44 (IRVMR)
[PS]आणि येशू मोठ्याने म्हणाला, [SCJ]“जो माझ्यावर विश्वास ठेवतो तो माझ्यावर नाही, तर ज्याने मला पाठवले त्याच्यावर विश्वास ठेवतो.[SCJ.]
योहान 12 : 45 (IRVMR)
[SCJ]आणि जो मला पाहतो तो ज्याने मला पाठवले त्यास पाहतो.[SCJ.]
योहान 12 : 46 (IRVMR)
[SCJ]जो कोणी माझ्यावर विश्वास ठेवतो त्याने अंधकारात राहू नये म्हणून मी जगात प्रकाश असा आलो आहे.[SCJ.]
योहान 12 : 47 (IRVMR)
[SCJ]कोणी जर माझी वचने ऐकतो पण ती पाळीत नाही, त्याचा न्याय मी करीत नाही; कारण मी जगाचा न्याय करण्यासाठी नव्हे, तर मी जगाचे तारण करायला आलो आहे.[SCJ.]
योहान 12 : 48 (IRVMR)
[SCJ]जो माझा अवमान करतो आणि माझी वचने स्वीकारीत नाही त्याचा न्याय करणारे कोणी आहे. जे वचन मी सांगितले, तेच शेवटल्या दिवशी, त्याचा न्याय करील.[SCJ.]
योहान 12 : 49 (IRVMR)
[SCJ]कारण मी आपल्या मनाचे बोललो नाही, तर मी काय सांगावे आणि काय बोलावे याविषयी ज्या पित्याने मला पाठवले त्यानेच मला आज्ञा दिली आहे.[SCJ.]
योहान 12 : 50 (IRVMR)
[SCJ]त्याची आज्ञा सार्वकालिक जीवन आहे. हे मला ठाऊक आहे. म्हणून जे काही मी बोलतो ते पित्याने मला सांगितल्याप्रमाणे बोलतो.”[SCJ.] [PE]
❮
❯