विलापगीत 3 : 1 (IRVMR)
देवदयेने सुटकेची आशा तो पूरूष मीच आहे, ज्याने परमेश्वराच्या क्रोधाच्या काठीकडून संकटे पाहिली.
विलापगीत 3 : 2 (IRVMR)
त्याने मला दूर करून प्रकाशाकडे न जाता अंधारात चालण्यास भाग पाडले.
विलापगीत 3 : 3 (IRVMR)
खचितच तो माझ्याविरूद्ध झाला आहे; पूर्ण दिवस त्याने आपला हात माझ्यावर उगारला आहे.
विलापगीत 3 : 4 (IRVMR)
त्यांने माझा देह व त्वचा जीर्ण केली आहे आणि माझी हाडे मोडली आहेत
विलापगीत 3 : 5 (IRVMR)
त्याने माझ्याविरूद्ध विष व दुःखाचे बांधकाम करून मला वेढले आहे.
विलापगीत 3 : 6 (IRVMR)
फार पूर्वी मृत्यू पावलेल्या मनुष्याप्रमाणे त्याने मला काळोखात रहावयास लावले आहे.
विलापगीत 3 : 7 (IRVMR)
त्याने माझ्याभोवती तटबंदी केल्याने त्यातून माझी सुटका होऊ शकत नाही. त्याने माझे बंध अधिक मजबूत केले आहेत.
विलापगीत 3 : 8 (IRVMR)
मी मदतीसाठी आक्रोशाने धावा केला तेव्हाही तो माझ्या प्रार्थनांचा धिक्कार करतो.
विलापगीत 3 : 9 (IRVMR)
त्याने माझा रस्ता दगडी चिऱ्यांच्या भिंतीने अडवला आहे. त्याने माझा मार्ग वाकडा केला आहे.
विलापगीत 3 : 10 (IRVMR)
तो माझ्यावर हल्ला करण्यासाठी टपून बसलेल्या अस्वलासारखा आणि लपून बसलेल्या सिंहासारखा झाला आहे.
विलापगीत 3 : 11 (IRVMR)
त्याने माझ्या मार्गावरून मला बाजूला करून, फाडून माझे तुकडे तुकडे केले आहेत आणि मला उदास केले आहे.
विलापगीत 3 : 12 (IRVMR)
त्याने आपला धनुष्य वाकवला आहे आणि मला त्याच्या बाणांचे लक्ष्य बनविले आहे.
विलापगीत 3 : 13 (IRVMR)
त्याने आपले बाण माझ्या अंतःकरणात घुसवले आहेत.
विलापगीत 3 : 14 (IRVMR)
माझ्या स्वजनामध्येच मी चेष्टेचा विषय; प्रतिदिवशी त्यांचे हास्यास्पद गीत झालो आहे.
विलापगीत 3 : 15 (IRVMR)
त्याने मला कडूपणाने भरले आहे, त्याने मला कडू दवणा प्यायला भाग पाडले आहे.
विलापगीत 3 : 16 (IRVMR)
त्याने खड्यांनी माझे दात तोडले आहेत. त्याने मला राखेत लोटले आहे.
विलापगीत 3 : 17 (IRVMR)
माझ्या जीवनातील शांतीच तू काढून टाकली आहेस; कोणत्याही आनंदाचे मला स्मरण होत नाही.
विलापगीत 3 : 18 (IRVMR)
मी म्हणालो, “माझे बल आणि परमेश्वरावरची माझी आशा नष्ट झाली आहे.”
विलापगीत 3 : 19 (IRVMR)
माझे दुःख, कष्ट, कडू दवणा आणि विष ह्याचे स्मरण कर.
विलापगीत 3 : 20 (IRVMR)
मला माझ्या सर्व त्रासांची आठवण आहे. म्हणूनच मी माझ्यामध्ये नमलो आहे.
विलापगीत 3 : 21 (IRVMR)
पण हे मी माझ्या मनात विचार करतो म्हणून मला आशा वाटते.
विलापगीत 3 : 22 (IRVMR)
ही परमेश्वराची प्रेमदया आहे की आम्ही नाश नाही झालो. त्याची करुणा कधी न संपणारी आहे.
विलापगीत 3 : 23 (IRVMR)
ती प्रत्येक दिवशी नवीन होते; तुझे विश्वासूपण महान आहे.
विलापगीत 3 : 24 (IRVMR)
माझा जीव म्हणतो, “परमेश्वर माझा वतनभाग आहे. म्हणूनच मी त्याच्यावर आशा ठेवीन.”
विलापगीत 3 : 25 (IRVMR)
जे परमेश्वराची वाट पाहतात व जो जीव त्यास शोधतो, त्याला परमेश्वर चांगला आहे.
विलापगीत 3 : 26 (IRVMR)
परमेश्वरापासून येणाऱ्या तारणाची मुकाट्याने वाट पाहणे हे चांगले आहे.
विलापगीत 3 : 27 (IRVMR)
पुरूषाने आपल्या तरूणपणांत जू वाहावे हे त्यास फार चांगले आहे.
विलापगीत 3 : 28 (IRVMR)
ते परमेश्वराने त्याच्यावर ठेवले आहे म्हणून त्याने एकांती बसावे व स्वस्थ रहावे.
विलापगीत 3 : 29 (IRVMR)
त्याने आपले मुख धुळीत घातल्यास, कदाचित त्यास आशा प्राप्त होईल.
विलापगीत 3 : 30 (IRVMR)
एखाद्यास मारण्यासाठी खुशाल आपला गाल पुढे करून त्यास पूर्ण खजील करावे;
विलापगीत 3 : 31 (IRVMR)
कारण परमेश्वर त्यांचा कायमचा त्याग करणार नाही.
विलापगीत 3 : 32 (IRVMR)
जरी त्याने दुःख दिले तरी तो आपल्या दयेच्या विपुलतेनूसार करुणा करील.
विलापगीत 3 : 33 (IRVMR)
कारण तो आपल्या खुशीने कोणाचा छळ करत नाही आणि मनूष्य संतानास दुःख देत नाही.
विलापगीत 3 : 34 (IRVMR)
पृथ्वीवरील सर्व बंदिवानांना पायाखाली तुडविणे,
विलापगीत 3 : 35 (IRVMR)
परात्पराच्या समोर मनुष्याचे हक्क बुडवणे,
विलापगीत 3 : 36 (IRVMR)
एका व्यक्तीने दुसऱ्या व्यक्तीला फसविणे, या अशा गोष्टी परमेश्वराच्या दृष्टी आड आहेत काय?
विलापगीत 3 : 37 (IRVMR)
परमेश्वराने आज्ञा केली नसता ज्याने काही बोलावे आणि ते घडून यावे असा कोणी आहे का?
विलापगीत 3 : 38 (IRVMR)
इष्ट व अनिष्ट ही सर्वश्रेष्ठ देवाच्या मुखातून येत नाहीत काय?
विलापगीत 3 : 39 (IRVMR)
कोणत्याही जिवंत मनुष्याने व पुरूषाने आपल्या पापांच्या शिक्षेबद्दल कुरकुर का करावी?
विलापगीत 3 : 40 (IRVMR)
चला तर आपण आपले मार्ग शोधू आणि तपासू आणि परमेश्वराकडे परत फिरू.
विलापगीत 3 : 41 (IRVMR)
आपण आपले हृदय व आपले हात स्वर्गातील देवाकडे उंचावूया.
विलापगीत 3 : 42 (IRVMR)
आम्ही पाप केले आहे, फितूरी केली आहे. म्हणूनच तू आम्हास क्षमा केली नाहीस.
विलापगीत 3 : 43 (IRVMR)
तू आपणाला क्रोधाने झाकून घेऊन आमचा पाठलाग केला आणि दया न दाखविता आम्हास ठार केलेस.
विलापगीत 3 : 44 (IRVMR)
कोणतीही प्रार्थना तुझ्यापर्यंत पोहोचू नये म्हणून तू स्वतःला अभ्रांनी वेढले आहेस.
विलापगीत 3 : 45 (IRVMR)
लोकांमध्ये तू आम्हास कचरा व धूळ ह्यासारखे केलेस.
विलापगीत 3 : 46 (IRVMR)
आमच्या सर्व शत्रूंनी आम्हाविरूद्ध आपले तोंड वासले आहे.
विलापगीत 3 : 47 (IRVMR)
भय व खाच, नाश व विध्वंस ही आम्हावर आली आहे.
विलापगीत 3 : 48 (IRVMR)
माझ्या लोकांच्या कन्येचा नाश झाला आहे, म्हणून माझ्या डोळयांना धारा लागल्या आहेत.
विलापगीत 3 : 49 (IRVMR)
माझे डोळे गळत आहेत व थांबत नाही;
विलापगीत 3 : 50 (IRVMR)
परमेश्वर स्वर्गातून आपली नजर खाली लावून पाहीपर्यंत त्याचा अंत होणार नाही.
विलापगीत 3 : 51 (IRVMR)
माझ्या नगरातील सर्व कन्यांची स्थिती पाहून माझे डोळे मला दुःखी करतात.
विलापगीत 3 : 52 (IRVMR)
निष्कारण शत्रू बनलेल्या लोकांनी पाखरासारखा माझा पाठलाग केला आहे.
विलापगीत 3 : 53 (IRVMR)
गर्तेत ढकलून त्यांनी माझ्या जिवाचा अंत केला आहे. आणि माझ्यावर दगड लोटला आहे.
विलापगीत 3 : 54 (IRVMR)
माझ्या डोक्यावरून पाणी गेले. मी मनाशी म्हणालो, “आता माझा अंत होत आहे.”
विलापगीत 3 : 55 (IRVMR)
परमेश्वरा मी खोल खाचेतून तुझ्या नावाचा धावा केला.
विलापगीत 3 : 56 (IRVMR)
तू माझा आवाज ऐकलास. माझे उसासे व माझ्या आरोळीला आपला कान बंद करू नको.
विलापगीत 3 : 57 (IRVMR)
मी तुझा धावा केला त्या दिवशी तू जवळ आलास व म्हणालास, “भिऊ नकोस.”
विलापगीत 3 : 58 (IRVMR)
परमेश्वरा, माझ्या जीवनातील वादविवादाकरिता तू मध्यस्थी केलीस, तू खंडणी भरून माझा जीव सोडवलास.
विलापगीत 3 : 59 (IRVMR)
परमेश्वरा, माझ्याविषयी जो अन्याय झाला आहे, तो तू बघितला आहेस. तू मला न्याय दे.
विलापगीत 3 : 60 (IRVMR)
माझ्याविरूद्ध रचलेले सुडाचे सर्व कृत्ये; आणि त्यांच्या योजना तू पाहिल्यास.
विलापगीत 3 : 61 (IRVMR)
त्यांनी केलेला माझा उपहास आणि माझ्याविरूध्द आखलेले बेत. परमेश्वरा, तू ऐकले आहेस.
विलापगीत 3 : 62 (IRVMR)
माझ्यावर उठलेले ओठ आणि सारा दिवस त्यांनी माझ्याविरुध्द केलेली योजना तू ऐकली आहे.
विलापगीत 3 : 63 (IRVMR)
परमेश्वरा, त्यांचे बसने व उठने तू पाहा, मी त्यांच्या थट्टेचा विषय झालो आहे.
विलापगीत 3 : 64 (IRVMR)
परमेश्वरा, त्यांना योग्य ते फळ दे. त्यांच्या कार्मांची परतफेड कर.
विलापगीत 3 : 65 (IRVMR)
तू त्यांना हृदयाची कठोरता देशील, तुझा शाप त्यांना देशील.
विलापगीत 3 : 66 (IRVMR)
क्रोधाने तू त्यांचा पाठलाग करशील व परमेश्वराच्या आकाशाखाली तू त्यांचा विध्वंस करशील.
❮
❯
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66