मत्तय 24 : 1 (IRVMR)
{मंदीराची धूळधाण व युगाची समाप्ती याविषयीचे येशूचे भविष्य} [PS] मग येशू परमेश्वराच्या भवनातून बाहेर येऊन पुढे जात होता, त्याचे शिष्य त्याच्याकडे त्यास परमेश्वराचे भवन दाखवायला आले.
मत्तय 24 : 2 (IRVMR)
परंतु त्याने, त्यांना उत्तर देऊन म्हटले, “तुम्ही या सर्व गोष्टी पाहता ना? आता, मी तुम्हास खरे सांगतो, येथे एक दगड दुसऱ्या दगडावर राहू दिला जाणार नाही.” [PE][PS]
मत्तय 24 : 3 (IRVMR)
मग तो जैतूनाच्या डोंगरावर बसला असताना, त्याचे शिष्य त्याच्याशी एकांतात येऊन म्हणाले, “आम्हास सांगा की या गोष्टी कधी होतील? आपल्या येण्याचा आणि युगाचा शेवट होण्याचा समय जवळ आला आहे हे आम्ही कोणत्या चिन्हावरून ओळखावे?”
मत्तय 24 : 4 (IRVMR)
येशूने त्यांना उत्तर दिले, “सांभाळ कोणीही तुम्हास फसवू नये.
मत्तय 24 : 5 (IRVMR)
कारण माझ्या नावाने पुष्कळजण येतील आणि म्हणतील, मी ख्रिस्त आहे आणि ते पुष्कळ लोकांस फसवतील. [PE][PS]
मत्तय 24 : 6 (IRVMR)
सांभाळ, तुम्ही लढायांबद्दल आणि लढायांच्या अफवांबद्दल ऐकाल पण त्यामुळे तुम्ही त्यांना भिऊ नका. या गोष्टी घडल्याच पाहिजेत. तरी इतक्यात शेवट जवळ येणार नाही.
मत्तय 24 : 7 (IRVMR)
कारण, एक राष्ट्र दुसऱ्या राष्ट्रावर उठेल. अनेक ठिकाणी भूकंप व दुष्काळ येतील.
मत्तय 24 : 8 (IRVMR)
पण या सर्व गोष्टी प्रसूतीवेदनांची सुरूवात अशा आहेत.
मत्तय 24 : 9 (IRVMR)
ते तुम्हास छळणुकीसाठी धरून देतील आणि तुम्हास जिवे मारतील आणि माझ्या नावाकरता सर्व राष्ट्रे तुमचा द्वेष करतील.
मत्तय 24 : 10 (IRVMR)
मग पुष्कळांना अडथळा होईल. ते एकमेकांविरुद्ध उठतील आणि एकमेकांचा द्वेष करतील.
मत्तय 24 : 11 (IRVMR)
अनेक खोटे संदेष्टे उठतील आणि, ते पुष्कळांना फसवतील.
मत्तय 24 : 12 (IRVMR)
सतत वाढणाऱ्या दुष्टाईमुळे पुष्कळांची प्रीती थंडावेल.
मत्तय 24 : 13 (IRVMR)
पण जो मनुष्य शेवटपर्यंत टिकून राहिल तोच तारला जाईल.
मत्तय 24 : 14 (IRVMR)
सर्व राष्ट्रांना साक्ष व्हावी म्हणून राज्याची ही सुवार्ता सर्व जगभर गाजवली जाईल आणि मग शेवट होईल. [PE][PS]
मत्तय 24 : 15 (IRVMR)
तर दानीएल संदेष्ट्याने सांगितले होते, ओसाड करणारी अमंगळ गोष्ट, पवित्र जागी परमेश्वराच्या भवनामध्ये उभी असलेली तुम्ही पाहाल.” (वाचकाने हे ध्यानात घ्यावे.)
मत्तय 24 : 16 (IRVMR)
त्यावेळी यहूदीया प्रांतातील लोकांनी डोंगरावर पळून जावे.
मत्तय 24 : 17 (IRVMR)
जो कोणी छतावर असेल त्याने घरातील सामान घेण्यासाठी खाली येऊ नये.
मत्तय 24 : 18 (IRVMR)
जर कोणी शेतात असेल तर त्याने आपला सदरा घेण्यासाठी माघारी परत जाऊ नये.
मत्तय 24 : 19 (IRVMR)
त्याकाळी गर्भवती असलेल्या किंवा अंगावर पाजीत असतील अश्या स्त्रियांना फार कठीण जाईल.
मत्तय 24 : 20 (IRVMR)
जेव्हा या गोष्टी होतील तेव्हा थंडीचे दिवस अथवा शब्बाथ दिवस नसावा यासाठी प्रार्थना करा.
मत्तय 24 : 21 (IRVMR)
कारण जगाच्या आरंभापासून कधीही झाली नाही आणि पुन्हा कधी होणार नाही अशी मोठी संकट त्याकाळी येतील.
मत्तय 24 : 22 (IRVMR)
आणखी, देवाने ते दिवस जर थोडेच ठेवले नसते तर कोणीही मनुष्य वाचला नसता. परंतु त्याच्या निवडलेल्यांसाठी तो ते दिवस थोडे करील.
मत्तय 24 : 23 (IRVMR)
त्यावेळी जर एखाद्याने तुम्हास म्हटले, पाहा! ख्रिस्त येथे आहे किंवा तो तेथे आहे, तर त्याच्यावर विश्वास ठेवू नका.
मत्तय 24 : 24 (IRVMR)
खोटे ख्रिस्त आणि खोटे संदेष्टे उदयास येतील. ते महान आश्चर्यकारक चिन्हे दाखवतील. देवाच्या निवडलेल्या लोकांस ते चिन्हे दाखवतील व लोकांस एवढेच नव्हे तर देवाच्या निडवलेल्यांना फसविण्याचा प्रयत्न करतील.
मत्तय 24 : 25 (IRVMR)
या गोष्टी होण्याअगोदरच मी तुम्हास सावध केले आहे.
मत्तय 24 : 26 (IRVMR)
एखादा मनुष्य तुम्हास सांगेल, पाहा, ख्रिस्त अरण्यात आहे. तर तेथे जाऊ नका. किंवा जर ते म्हणाले, पाहा, तो आतल्या खोलीत आहे, तर त्याच्यावर विश्वास ठेवू नका.
मत्तय 24 : 27 (IRVMR)
मी हे म्हणतो कारण वीज जशी पूर्वेकडून पश्चिमेकडे चमकताना सर्वांना दिसते तसेच मनुष्याच्या पुत्राचे येणे देखील होईल.
मत्तय 24 : 28 (IRVMR)
जेथे कोठे प्रेत असेल तेथे गिधाडेही जमतील. [PE][PS]
मत्तय 24 : 29 (IRVMR)
सांभाळत्या दिवसातल्या छळानंतर लगेच असे घडेल; सूर्य अंधकारमय होईल व चंद्र प्रकाश देणार नाही, आकाशातील तारे गळून पडतील, आकाशातील सर्व बळे डळमळतील, आकाश गुंडाळीसारखे गुंडाळले जाईल.
मत्तय 24 : 30 (IRVMR)
तेव्हा मनुष्याच्या पुत्राच्या येण्याचे चिन्ह आकाशात दिसेल. तेव्हा जगातील सर्व वंश आपले ऊर बडवून घेतील. मनुष्याच्या पुत्राला आकाशांतल्या मेघांवर आरूढ होऊन सामर्थ्याने आणि मोठ्या गौरवाने येताना पाहतील.
मत्तय 24 : 31 (IRVMR)
मनुष्याचा पुत्र कर्ण्याच्या मोठ्या नादात आपले देवदूत पृथ्वीभोवती पाठवून देईल. ते पृथ्वीच्या चारही कोपऱ्यातून, आकाशाच्या एका सीमेपासून दुसऱ्या सीमेपर्यंत निवडलेल्यांना गोळा करतील. [PS]
मत्तय 24 : 32 (IRVMR)
{जागृतीची आवश्यकता} (मार्क 13:28-31; लूक 21:29-33) [PS] अंजिराच्या झाडापासून शिका; अंजिराच्या झाडाच्या फांद्या जेव्हा हिरव्या आणि कोवळ्या असतात आणि पाने फुटू लागतात तेव्हा उन्हाळा जवळ आला हे तुम्हास कळते.
मत्तय 24 : 33 (IRVMR)
त्याचप्रमाणे तुम्ही या सर्व गोष्टी पाहाल तेव्हा हे जाणा की, तो दरवाजाजवळ आहे.
मत्तय 24 : 34 (IRVMR)
मी तुम्हास खरे सांगतो, या सर्व गोष्टी पूर्ण होईपर्यंत ही पिढी नाहीशी होणार नाही.
मत्तय 24 : 35 (IRVMR)
आकाश आणि पृथ्वी नाहीशी होतील पण माझी वचने कधीही नष्ट होणार नाहीत.
मत्तय 24 : 36 (IRVMR)
पण त्या दिवसाविषयी आणि त्या घटकेविषयी पित्याशिवाय कोणीही काही जाणत नाही. स्वर्गातील देवदूतही जाणत नाही किंवा स्वतः पुत्रही जाणत नाही.
मत्तय 24 : 37 (IRVMR)
नोहाच्या काळी घडले तसे मनुष्याच्या पुत्राच्या येण्याच्या वेळेसही होईल.
मत्तय 24 : 38 (IRVMR)
तेव्हा जसे महापूर येण्याअगोदर लोक खातपीत होते, लोक लग्न करीत होते, लग्न करून देत होते. नोहा तारवात जाईपर्यंत लोक या गोष्टी करीत होते.
मत्तय 24 : 39 (IRVMR)
आणि महापूर येऊन त्यांना घेऊन गेला तोपर्यंत त्यांना समजले नाही. तसेच मनुष्याच्या पुत्राचे येणे होईल.
मत्तय 24 : 40 (IRVMR)
दोघे जण शेतात एकत्र काम करत असतील तर त्यातला एकजण वर घेतला जाईल आणि दुसरा तेथेच राहील.
मत्तय 24 : 41 (IRVMR)
दोन स्त्रिया जात्यावर दळीत असतील तर त्या दोघीतील एक वर घेतली जाईल आणि दुसरी तेथेच राहील.
मत्तय 24 : 42 (IRVMR)
म्हणून तुम्ही जागृत असा, कारण तुम्हास माहीत नाही की कोणत्या दिवशी तुमचा प्रभू येत आहे,
मत्तय 24 : 43 (IRVMR)
हे लक्षात ठेवा, चोर केव्हा येईल हे जर घराच्या मालकाला माहीत असते तर तो त्यासाठी तयारीत राहिला असता आणि त्याने चोराला घर फोडू दिले नसते.
मत्तय 24 : 44 (IRVMR)
या कारणासाठी तुम्हीसुद्धा तयार असले पाहिजे. जेव्हा तुम्हास अपेक्षा नसेल तेव्हा मनुष्याचा पुत्र येईल. [PS]
मत्तय 24 : 45 (IRVMR)
{विश्वासू दास व दुष्ट दास यांचा दृष्टांत} (लूक 12:41-48) [PS] तर ज्याला त्याच्या धन्याने आपल्या परिवाराला, त्यांना त्याचे अन्न वेळेवर द्याव म्हणून नेमल आहे तो विश्वासू आणि विचारी दास कोण आहे?
मत्तय 24 : 46 (IRVMR)
जो दास त्याच्या धन्याला तो येईल तेव्हा तसे करताना आढळेल तो धन्य आहे!
मत्तय 24 : 47 (IRVMR)
मी तुम्हास खरे सांगतो की, मालक आपल्या सर्व मालमत्तेवर त्या चाकराची नेमणूक करील.
मत्तय 24 : 48 (IRVMR)
पण जर तो दुष्ट दास आपल्या मनात असे म्हणेल की, माझा धनी विलंब करीत आहे,
मत्तय 24 : 49 (IRVMR)
तो चाकर इतर चाकरांना मारहाण करील आणि आपल्यासारख्या लोकांबरोबर जेवण करील आणि दारू पिऊन मस्त होईल.
मत्तय 24 : 50 (IRVMR)
आणि तो चाकर तयारीत नसेल तेव्हा मालक येईल.
मत्तय 24 : 51 (IRVMR)
मग मालक त्या चाकराचे तुकडे करील. त्या चाकराला मालक ढोंगी लोकांबरोबर राहायला पाठवील आणि त्याठिकाणी रडणे व दात खाणे चालेल. [PE]
❮
❯