मत्तय 7 : 1 (IRVMR)
{इतरांचे दोष काढण्याबाबत} (लूक 6:37-42) [PS] इतरांचे दोष काढू नका म्हणजे तुमचे दोष काढण्यात येणार नाहीत.
मत्तय 7 : 2 (IRVMR)
कारण ज्या प्रकारे तुम्ही इतरांचे दोष काढता त्याच न्यायाने तुमचेही दोष काढले जातील आणि ज्या मापाने तुम्ही मोजून देता त्याच मापाने तुम्हास परत मोजून देण्यात येईल.
मत्तय 7 : 3 (IRVMR)
तू आपल्या डोळ्यातील मुसळ लक्षात न घेता आपल्या भावाच्या डोळ्यातील कुसळ का पाहतोस?
मत्तय 7 : 4 (IRVMR)
अथवा ‘तुझ्या डोळ्यांतले कुसळ मला काढू दे’ असे तू आपल्या भावाला कसे म्हणशील? पाहा, तुझ्या स्वतःच्या डोळ्यात तर मुसळ आहे.
मत्तय 7 : 5 (IRVMR)
अरे ढोंग्या, पहिल्याने आपल्या डोळ्यांतले मुसळ काढून टाक म्हणजे आपल्या भावाच्या डोळयांतले कुसळ काढण्यासाठी तुला स्पष्टपणे पाहता येईल. [PE][PS]
मत्तय 7 : 6 (IRVMR)
जे पवित्र आहे ते कुत्र्यांना टाकू नका आणि आपले मोती डुकरांपुढे टाकू नका; टाकाल तर कदाचित ती त्यांना पायदळी तुडवतील व नंतर ती उलटून येवून तुम्हासही फाडतील. [PS]
मत्तय 7 : 7 (IRVMR)
{प्रार्थना करण्यास प्रोत्साहन} (लूक 11:9-13) [PS] मागा म्हणजे तुम्हास देण्यात येईल. शोधा म्हणजे तुम्हास सापडेल, ठोका म्हणजे तुमच्यासाठी उघडले जाईल.
मत्तय 7 : 8 (IRVMR)
कारण प्रत्येकजण जो मागतो त्यास मिळते, जो शोधतो त्यास सापडते आणि जो ठोठावतो, त्याच्यासाठी दरवाजा उघडले जाते.
मत्तय 7 : 9 (IRVMR)
तुमच्यामध्ये कोण मनुष्य असा आहे, जो आपल्या मुलाने भाकर मागितली तर त्यास दगड देईल?
मत्तय 7 : 10 (IRVMR)
किंवा त्याने मासा मागितला असता, त्याऐवजी त्यास साप देईल?
मत्तय 7 : 11 (IRVMR)
वाईट असूनही जर तुम्हास आपल्या मुलांना चांगल्या गोष्टी देण्याचे कळते तर तुमच्या स्वर्गातील पित्याकडे जे मागतात, त्यांच्या गरजा तो किती चांगल्या प्रकारे भागवील? [PS]
मत्तय 7 : 12 (IRVMR)
{सुवर्णनियम} [PS] यासाठी ज्या गोष्टी लोकांनी तुमच्यासाठी कराव्यात असे तुम्हास वाटते त्या सर्व गोष्टी तुम्हीही त्यांच्यासाठी करा, कारण नियमशास्त्राच्या व संदेष्टयांच्या शिकवणीचे सार हेच आहे. [PS]
मत्तय 7 : 13 (IRVMR)
{दोन रस्ते} (लूक 13:24) [PS] अरुंद दरवाजाने आत जा कारण नाशाकडे जाण्याचा दरवाजा रूंद व मार्ग प्रशस्त आहे आणि त्यातून आत जाणारे पुष्कळ लोक आहेत.
मत्तय 7 : 14 (IRVMR)
पण जीवनाकडे जाण्याचा दरवाजा अरुंद व मार्ग अडचणीचा आहे आणि ज्यांस तो सापडतो ते फारच थोडके आहेत. मत्त. 12:33; लूक 6:43-45 [PE][PS]
मत्तय 7 : 15 (IRVMR)
{खरे व खोटे शिक्षक} [PS] खोट्या संदेष्ट्यांविषयी सावध असा. ते मेंढरांच्या वेषात घेऊन तुमच्याकडे येतात. पण खरे सांगायचे तर ते क्रूर लांडग्यांसारखे आहेत.
मत्तय 7 : 16 (IRVMR)
त्यांच्या फळांवरुन तुम्ही त्यांस ओळखाल. काटेरी झाडाला द्राक्षे लागतात काय? किंवा रिंगणीच्या झाडाला अंजिरे येताच काय?
मत्तय 7 : 17 (IRVMR)
त्याचप्रमाणे चांगले झाड चांगले फळ देते, परंतु वाईट झाड वाईट फळ देते.
मत्तय 7 : 18 (IRVMR)
चांगल्या झाडाला वाईट फळे येणार नाहीत आणि वाईट झाडाला चांगली फळे येणार नाहीत.
मत्तय 7 : 19 (IRVMR)
जे झाड चांगले फळ देत नाही ते तोडण्यात येते व अग्नीत टाकले जाते.
मत्तय 7 : 20 (IRVMR)
यास्तव त्यांना तुम्ही त्यांच्या फळांवरून ओळखाल. लूक 6:46; 13:26, 27 [PE][PS]
मत्तय 7 : 21 (IRVMR)
{उक्ती आणि कृती} [PS] मला प्रभू, प्रभू म्हणणारा प्रत्येकजण स्वर्गाच्या राज्यात जाईलच असे नाही; तर माझ्या स्वर्गातील पित्याच्या इच्छेप्रमाणे जो वागतो त्याचाच प्रवेश स्वर्गाच्या राज्यात होईल.
मत्तय 7 : 22 (IRVMR)
त्यादिवशी मला अनेक जण म्हणतील, हे प्रभू, आम्ही तुझ्या नावाने संदेश दिले, तुझ्या नावाने भूते काढली व तुझ्या नावाने पुष्कळ चमत्कार केले नाहीत काय?
मत्तय 7 : 23 (IRVMR)
तेव्हा मी त्यांना स्पष्ट सांगेन की, मी तुम्हास ओळखत नाही. अहो दुराचार करणाऱ्यांनो, माझ्यापासून चालते व्हा. [PS]
मत्तय 7 : 24 (IRVMR)
{दोन पाये} (लूक 6:47-49) [PS] जो कोणी माझ्या सांगण्याप्रमाणे आचारण करतो तो शहाण्या मनुष्यासारखा आहे, अशा शहाण्या मनुष्याने आपले घर खडकावर बांधले.
मत्तय 7 : 25 (IRVMR)
मग जोराचा पाऊस झाला आणि पूर आला. जोराचा वारा आला. वादळात घर सापडले, पण ते पडले नाही कारण त्याचा पाया खडकावर बांधला होता.
मत्तय 7 : 26 (IRVMR)
जो कोणी माझीही वचने ऐकून त्याप्रमाणे आचरण करीत नाही तो कोणाएका मूर्ख मनुष्यासारखा आहे, त्याने आपले घर वाळूवर बांधले.
मत्तय 7 : 27 (IRVMR)
मग जोराचा पाऊस आला आणि पूर आला. जोराचा वारा सुटला. वादळवाऱ्यात ते घर सापडले आणि कोसळून पडले.” [PE][PS]
मत्तय 7 : 28 (IRVMR)
येशूने हे सर्व बोलणे समाप्त केल्यावर असे झाले की, लोकसमुदाय त्याच्या शिक्षणाने थक्क झाला.
मत्तय 7 : 29 (IRVMR)
कारण येशू त्यांना त्यांच्या नियमशास्त्र शिक्षकांप्रमाणे नव्हे, तर अधिकारवाणीने शिकवत होता. [PE]
❮
❯