नीतिसूत्रे 21 : 1 (IRVMR)
राजाचे मन पाण्याच्या प्रवाहासारखे परमेश्वराच्या हातात आहे; तो त्यास वाटेल तेथे वळवतो.
नीतिसूत्रे 21 : 2 (IRVMR)
प्रत्येक मनुष्याचे मार्ग त्याच्या दृष्टीने योग्य असतात, परंतु परमेश्वर अंतःकरणे तोलून पाहतो.
नीतिसूत्रे 21 : 3 (IRVMR)
योग्य व न्याय करणे हे यज्ञापेक्षा परमेश्वरास अधिक मान्य आहेत.
नीतिसूत्रे 21 : 4 (IRVMR)
घमेंडखोर दृष्टी व गर्विष्ठ मन दुर्जनांच्या शेतातील उपज हे पाप उत्पन्न करतात.
नीतिसूत्रे 21 : 5 (IRVMR)
परीश्रमपूर्वक केलेल्या योजनांमुळे भरभराट होते, परंतु जो घाईघाईने कृती करतो तो केवळ दरिद्री होतो.
नीतिसूत्रे 21 : 6 (IRVMR)
लबाड जिव्हेने मिळवलेली संपत्ती ही वाफेसारखी क्षणभंगुर आहे ती मरण शोधते.
नीतिसूत्रे 21 : 7 (IRVMR)
दुष्टांचा बलात्कार त्यांना झाडून टाकील, कारण ते न्याय करण्याचे नाकारतात.
नीतिसूत्रे 21 : 8 (IRVMR)
अपराधी मनुष्याचा मार्ग वाकडा असतो, पण जो शुद्ध आहे तो योग्य करतो.
नीतिसूत्रे 21 : 9 (IRVMR)
भांडखोर पत्नीबरोबर मोठ्या घरात राहाण्यापेक्षा, धाब्याच्या कोपऱ्यात राहणे अधिक चांगले.
नीतिसूत्रे 21 : 10 (IRVMR)
दुष्टाचा जीव वाईटाची हाव धरतो; त्याच्या शेजाऱ्याला तो दया दाखवत नाही.
नीतिसूत्रे 21 : 11 (IRVMR)
जेव्हा निंदकास शासन होते तेव्हा अज्ञानी शहाणे होतात; आणि जेव्हा सुज्ञास शिक्षण मिळते तेव्हा त्याच्या ज्ञानात वाढ होते.
नीतिसूत्रे 21 : 12 (IRVMR)
नीतिमान दुष्टाच्या घराकडे लक्ष लावतो, तो दुष्टांचा नाश करण्यासाठी त्यांना उलथून टाकतो.
नीतिसूत्रे 21 : 13 (IRVMR)
जो कोणी गरिबाची आरोळी ऐकत नाही, तोही आरोळी करील, पण कोणी ऐकणार नाही.
नीतिसूत्रे 21 : 14 (IRVMR)
गुप्तपणे दिलेली देणगी राग शांत करते, आणि दडवलेली देणगी तीव्र कोप दूर करते.
नीतिसूत्रे 21 : 15 (IRVMR)
योग्य न्यायाने नीतिमानाला आनंद होतो. पण तोच दुष्कर्म करणाऱ्यांवर फार मोठी भीती आणतो.
नीतिसूत्रे 21 : 16 (IRVMR)
जो कोणी ज्ञानाच्या मार्गापासून भटकतो, त्यास मरण पावलेल्यांच्या मंडळीत विसावा मिळेल.
नीतिसूत्रे 21 : 17 (IRVMR)
ज्याला ख्यालीखुशाली प्रिय आहे तो दरिद्री होतो; ज्याला द्राक्षरस आणि तेल प्रिय आहे तो श्रीमंत होणार नाही.
नीतिसूत्रे 21 : 18 (IRVMR)
जो कोणी चांगले करतो त्याची खंडणी दुर्जन आहे, आणि सरळांचा मोबदला विश्वासघातकी असतो.
नीतिसूत्रे 21 : 19 (IRVMR)
भांडखोर आणि खूप तक्रार करून अशांती निर्माण करणाऱ्या पत्नीबरोबर राहाण्यापेक्षा वाळवंटात राहाणे अधिक चांगले.
नीतिसूत्रे 21 : 20 (IRVMR)
सुज्ञाच्या घरात मोलवान खजिना आणि तेल आहेत, पण मूर्ख मनुष्य ते वाया घालवतो.
नीतिसूत्रे 21 : 21 (IRVMR)
जो कोणी नीतिमत्ता आणि दया करतो, त्यास आयुष्य, उन्नती आणि मान मिळेल.
नीतिसूत्रे 21 : 22 (IRVMR)
सुज्ञ मनुष्य बलवानांच्या नगराविरूद्ध चढतो, आणि तो त्यांच्या संरक्षणाचा आश्रयदुर्ग पाडून टाकतो.
नीतिसूत्रे 21 : 23 (IRVMR)
जो कोणी आपले तोंड व जीभ सांभाळतो, तो संकटापासून आपला जीव वाचवतो.
नीतिसूत्रे 21 : 24 (IRVMR)
गर्विष्ठ व घमेंडखोर मनुष्यास उद्दाम असे नाव आहे. तो गर्वाने उद्धट कृती करतो.
नीतिसूत्रे 21 : 25 (IRVMR)
आळशाची वासना त्यास मारून टाकते; त्याचे हात काम करण्यास नकार देतात.
नीतिसूत्रे 21 : 26 (IRVMR)
तो सर्व दिवस हाव आणि अधिक हाव धरतो, परंतु नीतिमान देतो आणि मागे धरून ठेवत नाही.
नीतिसूत्रे 21 : 27 (IRVMR)
दुर्जनांचे यज्ञार्पण वीट आणणारे असते, तर मग तो यज्ञ दुष्ट हेतूने आणतो ते किती अधिक वीट असे आहे.
नीतिसूत्रे 21 : 28 (IRVMR)
खोटा साक्षीदार नाश पावेल, पण जो कोणी ऐकतो त्याप्रमाणे सर्व वेळ तसे बोलतो.
नीतिसूत्रे 21 : 29 (IRVMR)
दुष्ट मनुष्य आपले मुख धीट करतो, पण सरळ मनुष्य आपल्या मार्गाचा नीट विचार करतो.
नीतिसूत्रे 21 : 30 (IRVMR)
परमेश्वराविरूद्ध शहाणपण, बुद्धि किंवा युक्ती ही मुळीच उभी राहू शकत नाहीत.
नीतिसूत्रे 21 : 31 (IRVMR)
लढाईच्या दिवसासाठी घोडा तयार करतात, पण तारण परमेश्वराकडून आहे.
❮
❯