स्तोत्रसंहिता 128 : 1 (IRVMR)
परमेश्वराचे भय धरणाऱ्याची धन्यता जो प्रत्येकजन परमेश्वराचा आदर करतो, जो त्याच्याच मार्गाने चालतो तो धन्यवादित आहे.
स्तोत्रसंहिता 128 : 2 (IRVMR)
तू आपल्या हाताच्या श्रमाचे फळ खाशील, तू आनंदित होशील; तू आशीर्वादित होऊन तुझी भरभराट होईल.
स्तोत्रसंहिता 128 : 3 (IRVMR)
तुझी पत्नी तुझ्या घरात फलदायी द्राक्षवेलीसारखी होईल; तुझी मुले तुझ्या मेजाभोवती बसलेल्या जैतूनाच्या रोपांसारखी होतील.
स्तोत्रसंहिता 128 : 4 (IRVMR)
होय, खरोखर, जो मनुष्य परमेश्वराचा आदर करतो, तो असा आशीर्वादित होईल.
स्तोत्रसंहिता 128 : 5 (IRVMR)
परमेश्वर तुला सियोनेतून आशीर्वाद देवो; तुझ्या आयुष्याचे सर्व दिवस यरूशलेमेची उन्नती तुझ्या दृष्टीस पडो.
स्तोत्रसंहिता 128 : 6 (IRVMR)
तुझ्या मुलांची मुले तुझ्या दृष्टीस पडोत. इस्राएलावर शांती असो.
❮
❯