स्तोत्रसंहिता 140 : 1 (IRVMR)
छळणाऱ्यांपासून संरक्षण मिळावे म्हणून प्रार्थना दाविदाचे स्तोत्र हे परमेश्वरा, मला दुष्टांपासून सोडव; जुलमी मनुष्यापासून मला सुरक्षित ठेव.
स्तोत्रसंहिता 140 : 2 (IRVMR)
ते आपल्या मनात वाईट योजना करतात; ते प्रत्येक दिवशी भांडणाला सुरुवात करतात.
स्तोत्रसंहिता 140 : 3 (IRVMR)
त्यांची जीभ सर्पासारखी जखम करते; त्यांच्या ओठाखाली विषारी सर्पाचे विष आहे.
स्तोत्रसंहिता 140 : 4 (IRVMR)
हे परमेश्वरा, मला दुष्टांच्या हातातून वाचव; मला जुलमी मनुष्यांपासून सुरक्षित ठेव. त्यांनी मला ढकलण्याची योजना केली आहे.
स्तोत्रसंहिता 140 : 5 (IRVMR)
गर्विष्ठांनी माझ्यासाठी पाश व दोऱ्या लपवून ठेविल्या आहेत; त्यांनी रस्त्याच्या बाजूला जाळे पसरले आहे; त्यांनी माझ्यासाठी सापळा लावला आहे.
स्तोत्रसंहिता 140 : 6 (IRVMR)
मी परमेश्वरास म्हणतो, तू माझा देव आहेस; हे परमेश्वरा, माझ्या विनवण्यांच्या वाणीकडे कान दे.
स्तोत्रसंहिता 140 : 7 (IRVMR)
हे परमेश्वरा, माझ्या प्रभू, माझ्या तारणसामर्थ्या, माझ्या लढाईच्या दिवसात तू माझे शिरस्राण आहेस.
स्तोत्रसंहिता 140 : 8 (IRVMR)
हे परमेश्वरा, दुष्टांच्या इच्छा पुरवू नको, त्यांच्या दुष्ट योजना यशस्वी होऊ देऊ नकोस. नाही तर ते उन्मत्त होतील.
स्तोत्रसंहिता 140 : 9 (IRVMR)
ज्यांनी मला घेरले आहे; त्यांच्या ओठापासून होणारा अनर्थ त्यांच्याच शिरी पडो.
स्तोत्रसंहिता 140 : 10 (IRVMR)
त्यांच्यावर जळते निखारे पडोत; त्यांना अग्नीत टाकले जावो, ज्यातून त्यांना उठून वर कधीही येता येणार नाही अशा खड्‌यात फेकण्यात येवो.
स्तोत्रसंहिता 140 : 11 (IRVMR)
वाईट बोलणारा पृथ्वीवर सुरक्षित केला जाणार नाही; जुलमी मनुष्याच्या पाठीस अरिष्ट एकसारखे लागेल.
स्तोत्रसंहिता 140 : 12 (IRVMR)
परमेश्वर गरीबांच्या पक्षाचे, आणि गरजवंताच्या वादाचे समर्थन करील हे मला माहित आहे.
स्तोत्रसंहिता 140 : 13 (IRVMR)
खचित नितीमान तुझ्या नावाची उपकारस्तुती करतील; सरळ मनाचे तुझ्या समक्षतेत राहतील.
❮
❯
1
2
3
4
5
6
7
8
9
10
11
12
13