स्तोत्रसंहिता 26 : 1 (IRVMR)
सात्त्विकतेचा दावा दाविदाचे स्तोत्र. हे परमेश्वरा, माझा न्याय कर. कारण मी प्रामाणिकपणाने चाललो आहे. मी परमेश्वरावर न डगमगता विश्वास ठेवला आहे.
स्तोत्रसंहिता 26 : 2 (IRVMR)
हे परमेश्वरा, मला पारख आणि माझे परिक्षण कर. माझ्ये हृदय आणि आतील मन निरखून पाहा.
स्तोत्रसंहिता 26 : 3 (IRVMR)
कारण तुझी प्रेमदया सदैव माझ्या डोळ्यांपुढे आहे, आणि मी तुझ्या सत्यात चाललो आहे.
स्तोत्रसंहिता 26 : 4 (IRVMR)
कपटी लोकांबरोबर मी सहयोगी झालो नाही, किंवा मी अप्रामाणिक लोकांत मिसळलो नाही.
स्तोत्रसंहिता 26 : 5 (IRVMR)
मी त्या दुष्टांच्या सभेचा तिरस्कार करतो. आणि मी दुष्टांसोबत राहत नाही.
स्तोत्रसंहिता 26 : 6 (IRVMR)
मी आपले हात निर्दोषतेने धुईन, आणि परमेश्वरा मी तुझ्या वेदीकडे वळीन.
स्तोत्रसंहिता 26 : 7 (IRVMR)
अशासाठी की, मी तुझी स्तुती मोठ्याने करावी आणि तू केलेल्या आश्चर्याची कृत्ये सांगावी.
स्तोत्रसंहिता 26 : 8 (IRVMR)
परमेश्वरा, तुझे राहण्याचे घर आणि तुझे गौरव जिथे असते, ते घर मला आवडते.
स्तोत्रसंहिता 26 : 9 (IRVMR)
पाप्यांसोबत किंवा रक्तपात करणाऱ्यांसोबत माझा प्राण काढून घेऊ नकोस.
स्तोत्रसंहिता 26 : 10 (IRVMR)
त्यांच्या हातात कट आहे, आणि त्यांचा उजवा हात लाच घेण्याने भरला आहे.
स्तोत्रसंहिता 26 : 11 (IRVMR)
पण मी तर प्रामाणिकपणाने वागेन, माझ्यावर दया कर आणि मला तार.
स्तोत्रसंहिता 26 : 12 (IRVMR)
माझा पाय सपाट ठिकाणी उभा आहे, सभेमध्ये मी परमेश्वराची स्तुती करीन.
❮
❯
1
2
3
4
5
6
7
8
9
10
11
12