स्तोत्रसंहिता 30 : 1 (IRVMR)
{मृत्यूपासून झालेल्या बचावाबद्दल उपकारस्तुती} [PS] हे परमेश्वरा, मी तुला उंच करीन, कारण तू मला उठून उभे केले आहेस आणि माझ्या शत्रूंना माझ्यावर हर्ष करू दिला नाहीस. [QBR]
स्तोत्रसंहिता 30 : 2 (IRVMR)
हे परमेश्वरा, मी तुला मदतीस हाक मारली आणि तू मला बरे केले. [QBR]
स्तोत्रसंहिता 30 : 3 (IRVMR)
हे परमेश्वरा तू माझ्या जीवाला मृतलोकांतून वर काढून आणलेस. मी खाचेत उतरू नये, म्हणून तू मला जिवंत राखले आहे. [QBR]
स्तोत्रसंहिता 30 : 4 (IRVMR)
जे तुम्ही विश्वासयोग्य आहा, ते तुम्ही परमेश्वरास स्तुती गा. त्याची पवित्रता स्मरून त्याच्या नावाला धन्यवाद द्या. [QBR]
स्तोत्रसंहिता 30 : 5 (IRVMR)
कारण त्याचा राग काही क्षणाचा आहे, परंतु त्याचा अनुग्रह आयुष्यभर आहे. [QBR] रडने कदाचीत रात्रभर असेल, परंतु सकाळी हर्ष होईलच. [QBR]
स्तोत्रसंहिता 30 : 6 (IRVMR)
मी आत्मविश्वासात म्हणालो, मी कधीही ढळणार नाही. [QBR]
स्तोत्रसंहिता 30 : 7 (IRVMR)
होय, परमेश्वरा तुझ्या अनुग्रहाने मला बळकट पर्वतासारखे स्थापले आहे. परंतु जेव्हा तू आपले मुख लपवतोस तेव्हा मी भयभीत होतो. [QBR]
स्तोत्रसंहिता 30 : 8 (IRVMR)
परमेश्वरा, मी तुझ्याकडे आरोळी केली आणि माझ्या प्रभू कडून अनुग्रह मागितला. [QBR]
स्तोत्रसंहिता 30 : 9 (IRVMR)
मी मरण पावल्यावर खाली थडग्यात गेलो तर काय लाभ? [QBR] माती तुझी स्तुती करणार काय? ती तुझी विश्वासयोग्यता सांगेल काय? [QBR]
स्तोत्रसंहिता 30 : 10 (IRVMR)
हे परमेश्वरा, ऐक आणि माझ्यावर दया कर. हे परमेश्वरा, मला मदत करणारा हो. [QBR]
स्तोत्रसंहिता 30 : 11 (IRVMR)
तू माझे शोक करणे, नाचण्यात पालटवला आहे. तू माझे गोणताट काढून मला हर्षाचे वस्र नेसवले आहेत. [QBR]
स्तोत्रसंहिता 30 : 12 (IRVMR)
म्हणून माझे हृदय तुझी स्तुती गाईल आणि शांत राहणार नाही. हे परमेश्वरा, माझ्या देवा मी तुझी सर्वकाळ स्तुती करीन. [PE]
❮
❯