स्तोत्रसंहिता 52 : 1 (IRVMR)
ज्ञानशून्य दुष्ट दाविदाचे स्तोत्र हे सामर्थ्यवान पुरुषा, तू वाईट गोष्टींचा अभिमान का बाळगतोस? देवाच्या कराराची विश्वसनियता प्रत्येक दिवशी येते.
स्तोत्रसंहिता 52 : 2 (IRVMR)
अरे कपटाने कार्य करणाऱ्या, तुझी जीभ धारदार वस्तऱ्यासारखी नाशाची योजना करते.
स्तोत्रसंहिता 52 : 3 (IRVMR)
तुला चांगल्यापेक्षा वाईटाची, आणि प्रामाणिकपणे बोलण्यापेक्षा असत्याची अधिक आवड आहे.
स्तोत्रसंहिता 52 : 4 (IRVMR)
तू कपटी जीभे, तुला दुसऱ्यांचा नाश करणारे शब्द आवडतात.
स्तोत्रसंहिता 52 : 5 (IRVMR)
त्याप्रमाणे देव तुझा सर्वकाळ नाश करील; तो तुला वर घेऊन जाईल आणि आपल्या तंबूतून उपटून बाहेर काढेल आणि तुला जिवंताच्या भूमीतून मुळासकट उपटून टाकील.
स्तोत्रसंहिता 52 : 6 (IRVMR)
नितीमानसुद्धा ते पाहतील आणि घाबरतील; ते त्याच्याकडे पाहून हसतील आणि म्हणतील,
स्तोत्रसंहिता 52 : 7 (IRVMR)
पाहा, या मनुष्याने देवाला आपले आश्रयस्थान केले नाही, पण आपल्या विपुल संपत्तीवर भरवसा ठेवला, आणि आपल्या दुष्टपणात स्वतःला पक्के केले.
स्तोत्रसंहिता 52 : 8 (IRVMR)
पण मी तर देवाच्या घरात हिरव्यागार जैतून झाडासारखा आहे; माझा देवाच्या कराराच्या विश्वसनीयतेवर सदासर्वकाळ आणि कायम भरवसा आहे.
स्तोत्रसंहिता 52 : 9 (IRVMR)
कारण ज्या गोष्टी तू केल्या आहेत, त्यासाठी मी तुझ्या विश्वासणाऱ्यांच्या समक्षेत सर्वकाळ तुझे उपकार मानीन. आणि तुझ्या नावात आशा ठेवली आहे कारण ते चांगले आहे.
❮
❯