स्तोत्रसंहिता 70 : 1 (IRVMR)
मुक्ततेसाठी प्रार्थना
स्तोत्र. 40:13-17 दाविदाचे स्तोत्र हे देवा, मला सोडव. हे परमेश्वरा, लवकर ये आणि मला मदत कर.
स्तोत्रसंहिता 70 : 2 (IRVMR)
जे माझा जीव घेऊ पाहतात, त्यांना लज्जित कर आणि गोंधळून टाक; माझ्या यातनेत आनंद मानणारे माघारी फिरोत आणि अपमानित होवोत;
स्तोत्रसंहिता 70 : 3 (IRVMR)
जे मला अहाहा! अहाहा! असे म्हणतात, ते आपल्या लाजेने मागे फिरोत.
स्तोत्रसंहिता 70 : 4 (IRVMR)
जे तुझा शोध घेतात ते सर्व तुझ्याठायी हर्षित आणि आनंदित होवोत; ज्यांना तुझे तारण प्रिय आहे, ते देवाची स्तुती असो असे नेहमी म्हणोत.
स्तोत्रसंहिता 70 : 5 (IRVMR)
पण मी गरीब आणि गरजवंत आहे; हे देवा, माझ्याकडे त्वरीत ये; तू माझा सहाय्यक आणि मला सोडवणारा तूच आहेस. हे परमेश्वरा, उशीर करू नकोस.
❮
❯