रोमकरांस 3 : 1 (IRVMR)
आक्षेपांचे खंडन मग यहूदी असण्यात फायदा तो काय? किंवा सुंताविधीकडून काय लाभ?
रोमकरांस 3 : 2 (IRVMR)
सर्वबाबतीत पुष्कळच आहे. प्रथम हे की, त्यांच्यावर देवाची वचने सोपवली होती.
रोमकरांस 3 : 3 (IRVMR)
पण काहींनी विश्वास ठेवला नाही म्हणून काय झाले? त्यांचा अविश्वास देवाचा विश्वासूपणा व्यर्थ करील काय?
रोमकरांस 3 : 4 (IRVMR)
कधीच नाही! देव खरा व प्रत्येक मनुष्य खोटा ठरो. पवित्र शास्त्रात असे लिहिले आहे की, ‘तुझ्या बोलण्यात तू नीतिमान ठरावेस, आणि तुझा न्याय होत असता विजयी व्हावेस.’
रोमकरांस 3 : 5 (IRVMR)
पण आमची अनीती जर देवाचे न्यायीपण स्थापित करते तर आम्ही काय म्हणावे? जो देव आमच्यावर आपला क्रोध आणतो तो अन्यायी आहे काय? (मी मानवी व्यवहाराप्रमाणे बोलत आहे.)
रोमकरांस 3 : 6 (IRVMR)
कधीच नाही! असे झाले तर, देव जगाचा न्याय कसा करील?
रोमकरांस 3 : 7 (IRVMR)
कारण जर माझ्या लबाडीने देवाचा खरेपणा अधिक प्रकट होऊन त्याच्या गौरवास कारण झाले, तर माझाही पापी म्हणून न्याय का व्हावा?
रोमकरांस 3 : 8 (IRVMR)
आणि आपण चांगले घडावे म्हणून वाईट करू या असे का म्हणून नये? आम्ही असे सांगत असतो अशी आमची निंदा कित्येक लोक करत आहे, अशा लोकांची त्यांना यथान्याय शिक्षा आहे.
रोमकरांस 3 : 9 (IRVMR)
मनुष्यप्राणी पापी आहे; नीतिमान कोणीही नाही.
स्तोत्र. 14:1-3; 53:1-4 मग काय? आपण यहूदी अधिक चांगले आहोत काय? मुळीच नाही, कारण सगळे यहूदी व ग्रीक पापाखाली आहेत, असा आधीच आम्ही त्यांच्यावर आरोप केला आहे.
रोमकरांस 3 : 10 (IRVMR)
पवित्र शास्त्रात असे लिहिले आहे की, ‘नीतिमान कोणी नाही, एकही नाही.
रोमकरांस 3 : 11 (IRVMR)
ज्याला समजते असा कोणी नाही, जो झटून देवाचा शोध करतो असा कोणी नाही,
रोमकरांस 3 : 12 (IRVMR)
ते सगळे बहकले आहेत, ते सगळे निरुपयोगी झाले आहेत; सत्कर्म करणारा कोणी नाही, एकही नाही.
रोमकरांस 3 : 13 (IRVMR)
त्यांचा घसा एक उघडलेले थडगे आहे. ते आपल्या जीभांनी कपट योजतात, त्यांच्या ओठांखाली सर्पाचे विष असते.
रोमकरांस 3 : 14 (IRVMR)
त्यांचे तोंड शापाने व कडूपणाने भरले आहे;
रोमकरांस 3 : 15 (IRVMR)
त्यांचे पाय रक्त पाडण्यास उतावळे आहेत.
रोमकरांस 3 : 16 (IRVMR)
विध्वंस व विपत्ती त्यांच्या मार्गात आहेत.
रोमकरांस 3 : 17 (IRVMR)
शांतीचा मार्ग त्यांनी ओळखला नाही.
रोमकरांस 3 : 18 (IRVMR)
त्यांच्या डोळ्यांपुढे देवाचे भय नाही.’
रोमकरांस 3 : 19 (IRVMR)
आता आपण हे जाणतो की नियमशास्त्र जे काही सांगते ते नियमशास्त्राधीन असलेल्यांस सांगते म्हणजे प्रत्येक तोंड बंद केले जावे आणि सर्व जग देवासमोर अपराधी म्हणून यावे.
रोमकरांस 3 : 20 (IRVMR)
कारण देवाच्या दृष्टीपुढे नियमशास्त्राच्या कृतींकडून कोणीही मनुष्य नीतिमान ठरणार नाही, कारण नियमशास्त्राकडून पापाचे ज्ञान होते.
रोमकरांस 3 : 21 (IRVMR)
ख्रिस्तावरील विश्वासाच्याद्वारे नीतीमत्वाची प्राप्ती पण नियमशास्त्राकडून व संदेष्ट्यांकडून साक्ष दिली गेल्याप्रमाणे, नियमशास्त्राशिवाय देवाचे नीतिमत्त्व, आता, प्रकट झाले आहे.
रोमकरांस 3 : 22 (IRVMR)
पण हे देवाचे नीतिमत्त्व येशू ख्रिस्तावरील विश्वासाद्वारे, विश्वास ठेवणार्‍या सर्वांसाठी आहे कारण तेथे कसलाही फरक नाही.
रोमकरांस 3 : 23 (IRVMR)
कारण सर्वांनी पाप केले आहे आणि ते देवाच्या गौरवाला अंतरले आहेत;
रोमकरांस 3 : 24 (IRVMR)
देवाच्या कृपेने ख्रिस्त येशूने खंडणी भरून प्राप्त केलेल्या मुक्तीच्या द्वारे ते विनामुल्य नीतिमान ठरतात.
रोमकरांस 3 : 25 (IRVMR)
त्याच्या रक्ताकडून विश्वासाद्वारे प्रायश्चित्त होण्यास देवाने त्यास पुढे ठेवले, कारण देवाच्या मागे झालेल्या पापांच्या क्षमेमुळे सहनशीलपणात आणि त्याने आपले नीतिमत्त्व प्रकट करावे;
रोमकरांस 3 : 26 (IRVMR)
त्याने या आताच्या काळात आपले नीतिमत्त्व प्रकट करावे, म्हणजे त्याने नीतिमान असावे आणि जो येशूवर विश्वास ठेवतो त्यास नीतिमान ठरविणारा व्हावे.
रोमकरांस 3 : 27 (IRVMR)
मग आपला अभिमान कुठे आहे? तो बाहेर ठेवला गेला. कोणत्या नियमामुळे? कर्मांच्या काय? नाही, पण विश्वासाच्या नियमामुळे.
रोमकरांस 3 : 28 (IRVMR)
म्हणून, नियमशास्त्राच्या कर्मांवाचून मनुष्य विश्वासाने नीतिमान ठरतो हे आपण पाहतो.
रोमकरांस 3 : 29 (IRVMR)
किंवा देव केवळ यहूद्यांचा देव आहे काय? परराष्ट्रीयाचा नाही काय? हो, परराष्ट्रीयांचा ही आहे.
रोमकरांस 3 : 30 (IRVMR)
जर सुंता झालेल्यांस विश्वासाने आणि सुंता न झालेल्यांस विश्वासाद्वारे जो नीतिमान ठरवील तो तोच एक देव आहे.
रोमकरांस 3 : 31 (IRVMR)
तर मग आपण विश्वासाद्वारे नियमशास्त्र व्यर्थ करतो काय? तसे न होवो. उलट आपण नियमशास्त्र प्रस्थापित करतो.
❮
❯
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31