1 इतिहास 24 : 1 (MRV)
अहरोनच्या मुलांची वर्गवारी अशी: नादाब, अबीहू एलजार व इथामार हे अहरोनचे मुलगे.
1 इतिहास 24 : 2 (MRV)
पण नादाब आणि अबीहू हे दोघे आपल्या वडीलांच्या आधीच वारले. शिवाय त्यांना मुलेही झाली नव्हती. तेव्हा एलाजार आणि इथामार हेच याजक झाले.
1 इतिहास 24 : 3 (MRV)
प्रत्येकाला नेमून दिलेली कर्तव्ये पार पाडता यावीत म्हणून दावीदाने एलाजार आणि इथामार यांच्या वंशजांची स्वतंत्र गटांत विभागणी करुन टाकली. त्यासाठी दावीदाने सादोक आणि अहीमलेख यांची मदत घेतली. सादोक हा एलाजारच्या वंशातला आणि अहीमलेख इथामारच्या
1 इतिहास 24 : 4 (MRV)
इथामारपेक्षा एलाजारच्या घराण्यात वडीलधारी प्रमुख मंडळी अधिक निघाली. एलाजारच्या घराण्यात सोळा जण प्रमुख होते तर इथामारच्या घराण्यात आठ जण.
1 इतिहास 24 : 5 (MRV)
दोन्ही घराण्यातील पुरुषांनी निवड चिठ्ठ्या टाकून केली गेली. काहीजणांना पवित्रस्थानाच्या देखभालीचे मुखत्यार म्हणून नेमले तर काहींना याजक म्हणून सेवेसाठी नेमले. हे सर्वजण एलाजार आणि इथामार यांच्या घराण्यातलेच होते.
1 इतिहास 24 : 6 (MRV)
शमाया लेखनिक होता. हा नथनेलचा मुलगा. याचे घराणे लेवीचे होते सर्व वंशजांची नावे लिहिण्याचे काम शमायाने केले. राजा दावीद आणि इतर प्रमुख मंडळी-उदाहरणार्थ सादोक हा याजक, अहीमलेख, याजक आणि लेवी यांच्या घराण्यातील प्रमुख-यांच्यासमोर त्याने या नोंदी केल्या. अहीमलेख हा अब्याथारचा मुलगा. दावेळी चिठ्ठ्या टाकून त्यातून एकाची निवड करण्यात येई. आणि शमाया त्या माणसाचे नाव लिहून ठेवी. अशाप्रकारे एलाजार आणि इथामार यांच्या कुळातील लोकांमध्ये कामाची वाटणी करण्यात आली.
1 इतिहास 24 : 7 (MRV)
यहोयारीबचा गट पहिला होता. दुसरा गट यदायाचा.
1 इतिहास 24 : 8 (MRV)
हारीमचा गट तिसरा. सोरीमचा गट चौथा.
1 इतिहास 24 : 9 (MRV)
मलकीयाचा पाचवा गट. सहावा गट मयामिनचा.
1 इतिहास 24 : 10 (MRV)
0हक्कोसाचा सातवा गट. आठवा गट अबीयाचा.
1 इतिहास 24 : 11 (MRV)
नववा गट येशूवाचा . दहावा गट शकन्याचा.
1 इतिहास 24 : 12 (MRV)
अकरावा गट एल्याशिबाचा. बारावा गट याकीमचा.
1 इतिहास 24 : 13 (MRV)
तेरावा गट हुप्पाचा. चवदावा गट येशेबाबाचा.
1 इतिहास 24 : 14 (MRV)
पंधरावा गट बिल्गाचा. सोळावा गट इम्मेराचा.
1 इतिहास 24 : 15 (MRV)
सतरावा गट हेजीराचा. अठरावा गट हप्पिसेसाचा.
1 इतिहास 24 : 16 (MRV)
पथह्याचा गट एकोणिसावा. विसावा गट यहेजकेलाचा.
1 इतिहास 24 : 17 (MRV)
एकविसावा गट याखीनचा. बाविसावा गट गामूलचा.
1 इतिहास 24 : 18 (MRV)
तेविसावा गट दलायाचा. आणि चोविसावा गट माज्याचा.
1 इतिहास 24 : 19 (MRV)
परमेश्वराच्या मंदिरात सेवा करण्यासाठी या सर्वांची क्रमाने नेमणूक करण्यात आली. इस्राएलचा परमेश्वर देव याने अहरोनला जे नियम घालून दिले त्याच नियमांचे पालन त्यांनी मंदिराच्या सेवेसाठी केले.
1 इतिहास 24 : 20 (MRV)
लेवीच्या इतर वंशजांची नावे खालीलप्रमाणे:अम्रामच्या वंशातील मुलेबाळे: शूबाएल. शूबाएलचे वंशज: यहदाया.
1 इतिहास 24 : 21 (MRV)
रहब्याचे वंशज: इशिया. (हा सर्वात थोरला.)
1 इतिहास 24 : 22 (MRV)
इसहार घराण्यापैकी: शलोमोथ. शलोमोथच्या घराण्यातून: यहथ.
1 इतिहास 24 : 23 (MRV)
हेब्रोनचा मोठा मुलगा यरीया. हेब्रोनचा दुसरा मुलगा अमऱ्या. यहजियेल तिसरा आणि चौथा यकमाम.
1 इतिहास 24 : 24 (MRV)
उज्जियेलचा मुलगा मीखा. मीखाचा मुलगा शामीर.
1 इतिहास 24 : 25 (MRV)
इश्शिया हा मीखाचा भाऊ. इश्शियाचा मुलगा जखऱ्या.
1 इतिहास 24 : 26 (MRV)
मरारीचे वंशज: महली मूशी आणि याजीया.
1 इतिहास 24 : 27 (MRV)
मरारीचा मुलगा याजीया याची मुले: शोहम व जक्कूर.
1 इतिहास 24 : 28 (MRV)
एलजार हा महलीचा मुलगा. पण एलाजारला पुत्रसंतती नव्हती.
1 इतिहास 24 : 29 (MRV)
कीशाचा मुलगा यरहमेल.
1 इतिहास 24 : 30 (MRV)
महली, एदर आणि यरीमोथ हे मूशीचे मुलगे.लेवी घराण्यातील हे प्रमुख होत. आपापल्या घराण्याप्रमाणे त्यांची नोंद करण्यात आली.
1 इतिहास 24 : 31 (MRV)
खास कामगिरीकरता त्यांची निवड करण्यात आली. अहरोनचे वंशज असलेले त्यांचे याजक नातलग यांच्याप्रमाणेच चिठ्ठ्या टाकून ही निवड झाली. राजा दावीदा, अहीमलेख आणि याजक व लेवी घराण्यातील प्रमुख यांच्यासमोर त्यांनी चिठ्ठ्या टाकल्या. कामाच्या नेमणुकीमध्ये घराण्यातील श्रेष्ठ आणि कनिष्ठ बांधव असा भेदभाव नव्हता.
❮
❯