उत्पत्ति 5 : 1 (MRV)
आदामाच्या वंशावळीची नोंद अशी आहे. देवाने मनुष्य आपल्या प्रतिरुपाचा म्हणजे आपल्या सारखा निर्माण केला.
उत्पत्ति 5 : 2 (MRV)
देवाने त्यांस नर व नारी असे उत्पन्न केले. देवाने त्यांस ज्या दिवशी उत्पन्न केले त्याच दिवशी देवाने त्यांस आशीर्वाद दिला व त्यांस “आदाम” म्हणजे मनुष्य हे नाव दिले.
उत्पत्ति 5 : 3 (MRV)
आदाम एकशेतीस वर्षांचा झाल्यावर त्याला त्याच्या प्रतिरुपाचा म्हणजे हुबेहूब त्याच्या सारखा दिसणारा मुलगा झाला. त्याने त्याचे नाव शेथ ठेवले;
उत्पत्ति 5 : 4 (MRV)
शेथ जन्मल्यानंतर आदाम आठशें वर्षे जगला आणि या काळात त्याला आणखी मुलगे व मुली झाल्या.
उत्पत्ति 5 : 5 (MRV)
अशा रीतीने आदाम एकंदर नऊशेतीस वर्षे जगला; नंतर तो मरण पावला.
उत्पत्ति 5 : 6 (MRV)
शेथ एकशेंपाच वर्षांचा झाल्यावर त्याला अनोश नांवाचा मुलगा झाला.
उत्पत्ति 5 : 7 (MRV)
अनोशच्या जन्मानंतर शेथ आठशेंसात वर्षे जगला, त्या काळात त्याला आणखी मुलगे व मुली झाल्या;
उत्पत्ति 5 : 8 (MRV)
शेथ एकंदर नऊशेंबारा वर्षे जगला, मग तो मरण पावला.
उत्पत्ति 5 : 9 (MRV)
अनोश नव्वद वर्षांचा झाल्यावर त्याला केनान नावाचा मुलगा झाला;
उत्पत्ति 5 : 10 (MRV)
केनान जन्मल्यानंतर अनोश आठशेंपंधरा वर्षे जगला; त्या काळात त्याला आणखी मुलगे व मुली झाल्या;
उत्पत्ति 5 : 11 (MRV)
अनोश एकंदर नऊशेंपाच वर्षे जगला; त्यानंतर तो मरण पावला.
उत्पत्ति 5 : 12 (MRV)
केनान सत्तर वर्षांचा झाल्यावर त्याला महललेल नावाचा मुलगा झाला;
उत्पत्ति 5 : 13 (MRV)
महललेल झाल्यावर केनान आठशेंचाळीस वर्षे जगला; त्या काळात त्याला आणखी मुलगे व मुली झाल्या;
उत्पत्ति 5 : 14 (MRV)
केनान एकंदर नऊशेंदहा वर्षे जगला; नंतर तो मरण पावला.
उत्पत्ति 5 : 15 (MRV)
महललेल पासष्ट वर्षांचा झाल्यावर त्याला यारेद नावाचा मुलगा झाला;
उत्पत्ति 5 : 16 (MRV)
यारेद जन्मल्यानंतर महललेल आठशेंतीस वर्षे जगला; त्या काळात त्याला आणखी मुलगे व मुली झाल्या;
उत्पत्ति 5 : 17 (MRV)
महललेल एकंदर आठशें पंच्याण्णव वर्षे जगला; त्यानंतर तो मरण पावला.
उत्पत्ति 5 : 18 (MRV)
यारेद एकशें बासष्ट वर्षांचा झाल्यावर त्यास हनोख नावाचा मुलगा झाला;
उत्पत्ति 5 : 19 (MRV)
हनोख झाल्यावर यारेद आठशें वर्षे जगला; त्या काळात त्याला आणखी मुलगे व मुली झाल्या;
उत्पत्ति 5 : 20 (MRV)
यारेद एकंदर नऊशे बासष्ट वर्षे जगला; त्या नंतर तो मरण पावला.
उत्पत्ति 5 : 21 (MRV)
हनोख पासष्ट वर्षांचा झाल्यावर त्याला मथुशलह झाला;
उत्पत्ति 5 : 22 (MRV)
मथुशलह जन्मल्यावर हनोख तीनशें वर्षे देवाबरोबर चालला व त्या काळात त्याला आणखी मुलगे व मुली झाल्या;
उत्पत्ति 5 : 23 (MRV)
हनोख एकंदर तीनशें पासष्ट वर्षे जगला;
उत्पत्ति 5 : 24 (MRV)
एके दिवशी हनोख देवाबरोबर चालत होता; नंतर तो नाहिसा झाला कारण देवाने त्याला नेले.
उत्पत्ति 5 : 25 (MRV)
मथुशलह एकशे सत्याऐंशी वर्षांचा झाल्यावर त्याला लामेख नावांचा मुलगा झाला;
उत्पत्ति 5 : 26 (MRV)
लामेखाच्या जन्मानंतर मथुशलह सातशेंब्याऐंशी वर्षे जगला; त्या काळात त्याला आणखी मुलगे व मुली झाल्या;
उत्पत्ति 5 : 27 (MRV)
मथुशलह एकंदर नऊशें एकुणसत्तर वर्षे जगला; त्यानांतर तो मरण पावला.
उत्पत्ति 5 : 28 (MRV)
लामेख एकशें ब्याऐंशी वर्षांचा झाल्यावर त्याला एक मुलगा झाला;
उत्पत्ति 5 : 29 (MRV)
त्याने त्याचे नाव नोहा (म्हणजे विसावा) असे ठेवले. लामेख म्हाणाला, “देवाने भूमिला शाप दिल्यामुळे आपल्याला शेतकरी म्हणून खूप काष्ट करावे लागतात; परंतु नोहा आपल्याला विसावा देईल.”
उत्पत्ति 5 : 30 (MRV)
नोहा झाल्यावर लामेख पाचशें पंच्याण्णव वर्षे जगला; त्या काळात त्याला आणखी मुलगे व मुली झाल्या;
उत्पत्ति 5 : 31 (MRV)
लामेख एकंदर सातशें सत्याहत्तर वर्षे जगला; नंतर तो मरण पावला.
उत्पत्ति 5 : 32 (MRV)
नोहा पाचशें वर्षांचा झाल्यावर त्याला शेम, हाम व याफेथ नावाचे मुलगे झाले.
❮
❯