विलापगीत 3 : 1 (MRV)
खूप संकटे पाहिलेला मी एक माणूस आहे. परमेश्वराने आम्हाला काठीने मारताना मी प्रत्यक्ष पाहिले.
विलापगीत 3 : 2 (MRV)
परमेश्वराने मला प्रकाशाकडे न नेता, अंधाराकडे नेले.
विलापगीत 3 : 3 (MRV)
परमेश्वराने त्याचा हात माझ्याविरुध्द केला. दिवसभर, त्याने आपला हात, पुन्हा पुन्हा, माझ्याविरुद्ध चालविला.
विलापगीत 3 : 4 (MRV)
त्यांने माझी त्वचा आणि मांस नष्ट केले आणि माझी हाडे मोडली.
विलापगीत 3 : 5 (MRV)
परमेश्वराने माझ्याभोवती दु:ख व त्रास ह्यांच्या भिंती उभारल्या. त्यांने दु:ख व त्रास माझ्याभोवती उभे केले.
विलापगीत 3 : 6 (MRV)
त्याने मला अंधकारात बसायला लावले. माझी स्थिती एखाद्या मृताप्रमाणे केली.
विलापगीत 3 : 7 (MRV)
परमेश्वराने मला बंदिवान केल्यामुळे मी बाहेर येऊ शकलो नाही. त्याने मला मोठमोठ्या बेड्या घातल्या.
विलापगीत 3 : 8 (MRV)
मी जेव्हा मदतीसाठी आक्रोश करतो, तेव्हासुध्दा परमेश्वर माझा धावा ऐकत नाही.
विलापगीत 3 : 9 (MRV)
त्याने दगडधोड्यांनी माझ्या रस्त्यात अडथळा निर्माण केला आहे. त्याने माझा मार्ग वाकडा केला आहे.
विलापगीत 3 : 10 (MRV)
परमेश्वर, माझ्यावर हल्ला करण्यासाठी टपून बसलेल्या, अस्वलासारखा आहे. लपून बसलेल्या सिंहासारखा तो आहे.
विलापगीत 3 : 11 (MRV)
परमेश्वराने मला माझ्या मार्गावरुन दूर केले. माझे तुकडे तुकडे केले. माझा नाश केला.
विलापगीत 3 : 12 (MRV)
त्याने त्याचे धनुष्य सज्ज केले. त्याने मला त्याच्या बाणांचे लक्ष्य बनविले.
विलापगीत 3 : 13 (MRV)
त्याने माझ्या पोटात बाणाने मारले.
विलापगीत 3 : 14 (MRV)
मी माझ्या माणसांमध्ये चेष्टेचा विषय झालो. सर्व दिवसभर, ते मला उद्देशून गाणी गातात व माझी टर्र उडवितात.
विलापगीत 3 : 15 (MRV)
परमेश्वराने मला हे विष (शिक्षा) प्यायला दिले. हे कडू पेय त्याने मला भरपूर पाजले.
विलापगीत 3 : 16 (MRV)
परमेश्वराने मला दाताने खडे फोडायला लावले. मला धुळीत लोटले.
विलापगीत 3 : 17 (MRV)
मला पुन्हा कधीही शांती मिळणार नाही, असे मला वाटले. मी चांगल्या गोष्टी तर विसरलो.
विलापगीत 3 : 18 (MRV)
मी मनाशी म्हणालो, “परमेश्वराच्या कृपेची मला मुळीच आशा नाही.”
विलापगीत 3 : 19 (MRV)
परमेश्वरा, लक्षात ठेव. मी फार दु:खी आहे, व मला घर नाही. तू दिलेल्या कडू विषाचे (शिक्षेचे) स्मरण कर.
विलापगीत 3 : 20 (MRV)
मला माझ्या सर्व त्रासांची आठवण आहे. म्हणूनच मी दु:खी आहे.
विलापगीत 3 : 21 (MRV)
पण मी पुढील काही गोष्टींचा विचार केला की मला आशा वाटते.
विलापगीत 3 : 22 (MRV)
परमेश्वराच्या प्रेम व दयेला अंत नाही. परमेश्वराची करुणा चिरंतन आहे.
विलापगीत 3 : 23 (MRV)
ती प्रत्येक दिवशी नवीन, ताजी असते. परमेश्वरा, तुझी विश्वासार्हता महान आहे.
विलापगीत 3 : 24 (MRV)
मी मनाशी म्हणतो, “परमेश्वर माझा देव आहे. म्हणूनच मला आशा वाटेल.”
विलापगीत 3 : 25 (MRV)
परमेश्वराची वाट पाहणाऱ्यांवर व त्याला शोधणाऱ्यांवर तो कृपा करतो.
विलापगीत 3 : 26 (MRV)
परमेश्वराने आपले रक्षण करावे म्हणून मुकाट्याने वाट पाहणे केव्हाही चांगले.
विलापगीत 3 : 27 (MRV)
परमेश्वराचे जोखड वाहणे केव्हाही बरेच. ते तरूणपणापासून वाहणे तर फारच चांगले.
विलापगीत 3 : 28 (MRV)
परमेश्वर त्याचे जोखड मानेवर ठेवत असताना माणसाने मुकाट्याने एकटे बसावे.
विलापगीत 3 : 29 (MRV)
माणसाने परमेश्वरापुढे नतमस्तक व्हावे. कोणी सांगावे, अजूनही आशा असेल.
विलापगीत 3 : 30 (MRV)
जो मणुष्य मारत असेल त्याला खुशाल गालात मारू द्यावे व तो अपमान सहन करूण घ्यावा.
विलापगीत 3 : 31 (MRV)
परमेश्वर लोकांकडे कायमची पाठ फिरवित नाही, हे माणसाने लक्षात ठेवावे.
विलापगीत 3 : 32 (MRV)
परमेश्वर जेव्हा शिक्षा करतो, तेव्हा तो दया पण दाखवितो. हा त्याचा दयाळूपणा त्याच्या जवळील महान प्रेम व थोर करुणा ह्यामुळे आहे.
विलापगीत 3 : 33 (MRV)
लोकांना शिक्षा करण्याची देवाची इच्छा नसते. लोकांना दु:ख द्यायला त्याला आवडत नाही.
विलापगीत 3 : 34 (MRV)
परमेश्वराला ह्या गोष्टी पसंत नाहीत. पृथ्वीवरील सर्व बंदिवानांना कोणीतरी पायाखाली तुडविणे, त्याला आवडत नाही.
विलापगीत 3 : 35 (MRV)
एका माणसाने दुसऱ्याशी अन्यायाने वागणे त्याला पसंत नाही. पण काही लोक अशा वाईट गोष्टी सर्वश्रेष्ठ ईश्वारासमक्ष करतात.
विलापगीत 3 : 36 (MRV)
एका व्यक्तिने दुसऱ्या व्यक्तिला फसविणे परमेश्वराला आवडत नाही. ह्या अशा गोष्टी परमेश्वराला अजिबात पसंत नाहीत.
विलापगीत 3 : 37 (MRV)
परमेश्वराच्या आज्ञेशिवाय, कोणी काहीही बोलावे आणि ते घडून यावे असे होऊ शकत नाही.
विलापगीत 3 : 38 (MRV)
सर्वश्रेष्ठ देवच इष्ट वा अनिष्ट घडण्याची आज्ञा देतो.
विलापगीत 3 : 39 (MRV)
एखाद्याच्या पापांबद्दल परमेश्वराने त्याला शिक्षा केल्यास तो माणूस तक्रार करू शकत नाही.
विलापगीत 3 : 40 (MRV)
आपण आपली कर्मे पाहू या आणि तपासू या व नंतर परमेश्वराकडे परत जाऊ या.
विलापगीत 3 : 41 (MRV)
स्वर्गातील परमेश्वराकडे आपण आपले हृदय व हात उंचावू या.
विलापगीत 3 : 42 (MRV)
आपण त्याला म्हणू या, “आम्ही पाप केले, आम्ही हट्टीपणा केला. म्हणूनच तू आम्हाला क्षमा केली नाहीस.
विलापगीत 3 : 43 (MRV)
तू क्रोधाविष्ट झालास आमचा पाठलाग केलास आणि दया न दाखविता आम्हाला ठार केलेस.
विलापगीत 3 : 44 (MRV)
कोणतीही प्रार्थना तुझ्यापर्यंत पोहोचू नये म्हणून तू स्वत:ला अभ्रांनी वेढून घेतलेस.
विलापगीत 3 : 45 (MRV)
दुसऱ्या राष्ट्रांसमोर तू आम्हाला कचरा व धूळ ह्यासारखे केलेस.
विलापगीत 3 : 46 (MRV)
आमचे सर्व शत्रू आम्हाला रागाने बोलतात.
विलापगीत 3 : 47 (MRV)
आम्ही घाबरलो आहोत. आम्ही गर्तेत पडलो आहोत. आम्ही अतिशय जखमी झालो आहोत. आम्ही मोडून पडलो आहोत.”
विलापगीत 3 : 48 (MRV)
माझ्या लोकांचा झालेला नाश पाहून मी रडते. माझ्या डोळयांना धारा लागल्या आहेत.
विलापगीत 3 : 49 (MRV)
माझे डोळे गळतच राहतील, मी रडतच राहीन.
विलापगीत 3 : 50 (MRV)
परमेश्वरा, तू आपली नजर खाली वळवून आमच्याकडे पाही पर्यंत मी रडतच राहीन. तू स्वर्गातून आमच्याकडे लक्ष देईपर्यंत मी शोक करीन.
विलापगीत 3 : 51 (MRV)
माझ्या नगरातील सर्व मुलींची स्थिती पाहून माझे डोळे मला दु:खी करतात.
विलापगीत 3 : 52 (MRV)
निष्कारण शत्रू बनलेल्या लोकांनी पाखरासारखी माझी शिकार केली आहे.
विलापगीत 3 : 53 (MRV)
मी जिवंत असताना त्यांनी मला खड्ड्यात लोटले आणि माझ्यावर दगड टाकले.
विलापगीत 3 : 54 (MRV)
माझ्या डोक्यावरुन पाणी गेले. मी मनाशी म्हणालो, “आता सर्व संपले.”
विलापगीत 3 : 55 (MRV)
परमेश्रा मी तुझ्या नांवाने हाक मारली परमेश्वरा, खड्ड्यातून तुझ्या नांवाचा धावा केला.
विलापगीत 3 : 56 (MRV)
तू माझा आवाज ऐकलास. तू तुझ्या कानावर हात ठेवले नाहीस. माझी सुटका करण्याचे तू नाकारले नाहीस.
विलापगीत 3 : 57 (MRV)
मी धावा करताच तू आलास. तू मला म्हणालास, “घाबरू नकोस.”
विलापगीत 3 : 58 (MRV)
परमेश्वरा, तू माझे रक्षण केलेस तू मला पुनर्जीवन दिलेस.
विलापगीत 3 : 59 (MRV)
परमेश्वरा, तू माझा त्रास पाहिला आहेस. आता मला न्याय दे.
विलापगीत 3 : 60 (MRV)
माझ्या शत्रूंनी मला कसे दुखविले आणि माझ्याविरुद्ध कसे कट रचले ते तू पाहिले आहेस.
विलापगीत 3 : 61 (MRV)
त्या शत्रूंनी केलेला माझा अपमान आणि माझ्याविरुध्द आखलेले बेत तू. परमेश्वरा, ऐकले आहेस.
विलापगीत 3 : 62 (MRV)
सर्व काळ, शंत्रूचे बोलणे व विचार माझ्या विरुध्द आहेत.
विलापगीत 3 : 63 (MRV)
परमेश्वरा, बसता उठता ते माझी कशी खिल्ली उडवितातत ते पाहा.
विलापगीत 3 : 64 (MRV)
परमेश्वरा, त्यांना योग्य ते फळ दे. त्यांच्या कार्मांची परत फेड कर.
विलापगीत 3 : 65 (MRV)
त्यांचे मन कठोर कर. नंतर त्यांना शाप दे.
विलापगीत 3 : 66 (MRV)
क्रोधाने त्यांचा पाठलाग कर व त्यांचा नाश कर. ह्या आकाशाखाली, परमेश्वरा, त्यांचा नाश कर.
❮
❯