स्तोत्रसंहिता 124 : 1 (MRV)
1 परमेश्वर जर आपल्या बाजूला नसता तर आपले काय झाले असते? इस्राएल, मला उत्तर दे.
स्तोत्रसंहिता 124 : 2 (MRV)
2 लोकांनी आपल्यावर हल्ला केला तेव्हा जर परमेश्वर आपल्या बाजूला नसता तर आपले काय झाले असते?
स्तोत्रसंहिता 124 : 3 (MRV)
3 आपले शत्रू आपल्यावर जेव्हा रागावले असते तेव्हा त्यांनी आपल्याला जिवंत गिळले असते.
स्तोत्रसंहिता 124 : 4 (MRV)
4 आपल्या शत्रूंचे सैन्य महापुरासारखे आपल्या अंगावरुन गेले असते. नदी प्रमाणे त्यांनी आपल्याला बुडवले असते.
स्तोत्रसंहिता 124 : 5 (MRV)
5 गर्विष्ठ लोकांनी वर वर चढणाऱ्या पाण्याप्रमाणे आपल्या तोंडापर्यंत येऊन आपल्याला बुडवले असते.
स्तोत्रसंहिता 124 : 6 (MRV)
6 परमेश्वराची स्तुती करा. परमेश्वराने आपल्या शत्रूंना आपल्याला पकडू दिले नाही आणि ठार मारु दिले नाही.
स्तोत्रसंहिता 124 : 7 (MRV)
7 जाळ्यात सापडलेल्या आणि नंतर त्यातून सुटलेल्या पक्ष्याप्रमाणे आपण आहोत. जाळे तुटले आणि आपण त्यातून सुटलो.
स्तोत्रसंहिता 124 : 8 (MRV)
8 परमेश्वराकडून आपली मदत आली. परमेश्वराने पृथ्वी आणि स्वर्ग निर्माण केला.

1 2 3 4 5 6 7 8
BG:

Opacity:

Color:


Size:


Font: