1. {#1पश्चात्तापासाठी आवाहन } [QS]इस्राएलाचे घराणे हो, हे वचन जे विलापासारखे आहे, असे तुमच्याकडे आणतो ते ऐका. [QE]
2. [QS]इस्राएलाची कुमारिका पडली आहे; [QE][QS]ती पुन्हा कधीही उठणार नाही; [QE][QS]तिला एकटीलाच सोडून दिले आहे, [QE][QS]तिला उठवणारा कोणीही नाही. [QE]
3. [QS]परमेश्वर असे म्हणतो, [QE][QS]“ज्या शहरातून हजार निघाले त्यामध्ये फक्त शंभर उरतील [QE][QS]आणि ज्यातून शंभर असत त्यामध्ये इस्राएलाच्या घराण्याला दहा उरतील.” [QE]
4. [QS]परमेश्वर इस्राएलाच्या घराण्याला असे म्हणतो, [QE][QS]“मला शोधा म्हणजे तुम्ही जिवंत रहाल.” [QE]
5. [QS]पण बेथेलास शरण जाऊ नका; [QE][QS]गिल्गालला जाऊ नका; [QE][QS]सीमा ओलांडून खाली बैर-शेबालाही जाऊ नका. [QE][QS]गिलगालमधील लोकांस कैदी म्हणून नेले जाईल, [QE][QS]आणि बेथेल नाहीसे होईल. [QE]
6. [QS]परमेश्वरास शोधा म्हणजे तुम्ही जिवंत रहाल, [QE][QS]नाहीतर तो अग्नीसारखा योसेफाच्या घरावर पडेल [QE][QS]आणि ते भस्मसात होऊन जाईल [QE][QS]आणि त्यास विझवायला बेथेलमधे कोणी नसणार. [QE]
7. [QS]जे तुम्ही न्यायाला कडूपणामध्ये बदलता [QE][QS]आणि न्यायीपण धुळीस मिळवता, [QE]
8. [QS]ते तुम्ही, ज्याने कृत्तिका व मृगशीर्ष ही नक्षत्रे बनवली, [QE][QS]तोच दिवसाचे परिवर्तन काळोख्या रात्रीत करतो; [QE][QS]आणि दिवसास रात्रीने अंधकारमय करतो; [QE][QS]समुद्रातील पाण्याला बोलावून पृथ्वीच्या पाठीवर ओततो, [QE][QS]त्याचे नाव “परमेश्वर” आहे. [QE]
9. [QS]तो बलवानावर एकाएकी नाश आणतो [QE][QS]म्हणून किल्ल्यांवर नाश येतो. [QE]
10. [QS]जे त्यांना वेशींवर सरळ करु ईच्छीतात, त्यांचा ते द्वेष करतात, [QE][QS]आणि जे सत्य बोलतात त्यांचा ते तिरस्कार करतात. [QE]
11. [QS]तुम्ही गरिबांना तुडवीता, [QE][QS]आणि त्याच्याकडून गव्हाचा खंड वसूल करता. [QE][QS]जरी तुम्ही कोरीव दगडांची घरे बांधली, [QE][QS]पण त्यामध्ये तुम्ही रहाणार नाही. [QE][QS]तुमच्या द्राक्षाच्या सुंदर बागा आहेत, [QE][QS]पण त्यापासून निघणारा द्राक्षरस तुम्ही पिणार नाही. [QE]
12. [QS]कारण मला तुमच्या पुष्कळ पापांची माहिती आहे, [QE][QS]आणि तुम्ही खरोखरच खूप वाईट कृत्ये केली आहेत. [QE][QS]तुम्ही लाच घेता, [QE][QS]धार्मिकाला त्रास देता, [QE][QS]आणि वेशींत गरिबांचा न्याय विपरीत करता.
13. त्यावेळी, सुज्ञ गप्प बसतील, कारण ती वाईट वेळ असेल. [QE]
14. [QS]तुम्ही जगावे म्हणून जे उत्तम आहे त्याचा शोध करा, [QE][QS]वाईटाला शोधू नका. [QE][QS]म्हणजे जसे तुम्ही म्हणता, [QE][QS]त्याप्रमाणे सर्वशक्तिमान परमेश्वर देव खरोखरच तुमच्याबरोबर येईल. [QE]
15. [QS]वाईटाचा द्वेष करा व चांगुलपणावर प्रेम करा, [QE][QS]नगराच्या वेशीत न्याय स्थापित करा. [QE][QS]मग कदाचित सर्वशक्तिमान परमेश्वर देव, [QE][QS]योसेफाच्या वाचलेल्या वंशजांवर कृपा करील. [QE]
16. [QS]यास्तव सेनाधीश परमेश्वर देव, प्रभू असे म्हणतो, [QE][QS]“सर्व चव्हाट्यावर रडणे असेल, [QE][QS]आणि गल्लोगल्ली लोक हाय हाय करतील, [QE][QS]आणि ते शेतकऱ्याला शोक करायला [QE][QS]आणि विलाप करण्यात चतुर असलेल्यांना आक्रोश करायला बोलवून आणतील. [QE]
17. [QS]द्राक्षमळ्यांत लोक रडत असतील, [QE][QS]कारण मी तुमच्यामध्ये फिरत जाईन.” [QE][QS]असे परमेश्वर म्हणतो. [QE]
18. [QS]जे परमेश्वराच्या न्यायाच्या दिवसाची इच्छा धरतात त्यांना हाय हाय! [QE][QS]तुम्हास तो दिवस का बरे पहावयाचा आहे? [QE][QS]तो अंधार आहे, उजेड नाही.
19. जणू काय एखादा मनुष्य सिंहापासून दूर पळून गेला [QE][QS]आणि अस्वलाने त्यास गाठले, [QE][QS]अथवा घरात जाऊन त्याने भिंतीवर हात ठेवला [QE][QS]आणि त्यास साप चावाला. [QE]
20. [QS]परमेश्वराचा दिवस प्रकाश न होता अंधार होणार नाही काय? [QE][QS]प्रकाशाचा एक किरण नसलेला व त्यामध्ये काही तेज नाही असा असेल. [QE]
21. [QS]“मला तुमच्या सणांचा तिरस्कार वाटतो, [QE][QS]मी ते मान्य करणार नाही. तुमच्या धार्मिक सभा मला आवडत नाहीत. [QE]
22. [QS]तुम्ही मला होमार्पणे व अन्नार्पणे जरी दिलीत, [QE][QS]तरी मी ती स्वीकारणार नाही, [QE][QS]शांत्यर्पणात, तुम्ही दिलेल्या पुष्ट प्राण्यांकडे मी पाहणारसुध्दा नाही. [QE]
23. [QS]तुमच्या गाण्यांच्या कोलाहल येथून दूर न्या, [QE][QS]तुमच्या वीणांचा आवज मी ऐकणार नाही. [QE]
24. [QS]तर जलांप्रमाणे न्याय व न्यायीपण अविरतपणे वाहणाऱ्या प्रवाहाप्रमाणे वाहो. [QE]
25. [QS]इस्राएल, वाळवंटात, चाळीस वर्षे तू मला यज्ञ व दाने अर्पणे करत होता काय? [QE]
26. [QS]तुम्ही तर आपल्या राजाचा डेरा व तुमच्या मूर्तीचा देव्हारा, [QE][QS]आपणासाठी केलेला तुमच्या देवाचा तारा, ही वाहून न्याल. [QE]
27. [QS]म्हणून मी तुम्हास कैदी म्हणून दिमिष्काच्या पलीकडे घालवीन.” असे परमेश्वर म्हणतो. सेनाधीश देव हे त्याचे नाव आहे. [QE]