1. {हबक्कूकची प्रार्थना} [PS] संदेष्टा हबक्कूकची शिगयोनोथावर प्रार्थनाः
2. परमेश्वरा, मी तुझी वार्ता ऐकली, आणि मी भयभीत झालो. [QBR] हे परमेश्वर, तू आपले कार्य या समयामध्ये पुनर्जीवित कर; [QBR] या समयामध्ये ते माहित करून दे. [QBR] तुझ्या क्रोधात आमच्यावर दया करण्याची आठवण ठेव. [QBR]
3. तेमानाहून [* एदोम ] देव येत आहे, पारान पर्वतावरून पवित्र परमेश्वर येत आहे, सेला. परमेश्वराचे वैभव स्वर्ग झाकते, आणि त्याच्या स्तुतीने पृथ्वी भरली. [QBR]
4. त्याच्या हातातली किरणे प्रकाशासारखी चमकत होते आणि परमेश्वराने तेथे त्याचे सामर्थ्य ठेवले आहे. [QBR]
5. रोगराई त्याच्या मुखासमोरून गेली, आणि मरी त्याच्या पायांजवळून निघते. [QBR]
6. तो उभा राहिला आणि पृथ्वी मापली; त्याने पाहिले आणि राष्ट्रांचा थरकाप झाला. [QBR] सर्वकाळच्या पर्वतांचेसुद्धा तुकडे होऊन ते विखरले गेले आणि सर्वकाळच्या टेकड्या खाली नमल्या, [QBR] त्याचा मार्ग सदासर्वकाळ आहे. [QBR]
7. कूशानचे तंबू संकटात असलेले मी पाहिले, मिद्यान देशातील कनाती भीतीने कापत होत्या. [QBR]
8. परमेश्वरा, तू नद्यांवर रागावला होतास का? झऱ्यांवर तुझा राग होता का? समुद्रावर तू भडकला होता का? म्हणूनच तू आपल्या घोड्यांवर आणि आपल्या तारणाच्या रथांवर आरुढ झाला होतास काय? [QBR]
9. तू आपले धनुष्य गवसणी बाहेर काढले आहे; तू आपल्या धनुष्यावर बाण चढवला आहे! (सेला). [QBR] तू पृथ्वीला नद्यांद्वारे दुभागले आहे. [QBR]
10. पर्वत तुला पाहून वेदनेमध्ये वितळले! [QBR] जलप्रवाह त्याच्यावरून चालला आहे; [QBR] खोल समुद्राने आवाज उंचावला आहे, [QBR] समुद्राने आपला हात [† आपला हात ] उंचावला आहे. [QBR]
11. चंद्र व सूर्य आपल्या जागी स्तब्ध झालेत, त्यांचे तेज लोपले. तुझे बाण सुटत असता त्यांच्या तेजाने, आणि तुझ्या झळकत्या भाल्याच्या चकाकीने ते दूर गेले आहेत! [QBR]
12. तू रागाच्या भरात पृथ्वीवरून चाल केली आणि क्रोधाने राष्ट्रे पायाखाली तुडविलीस. [QBR]
13. तू तुझ्या लोकांच्या तारणासाठी, तुझ्या अभिषिक्ताच्या तारणासाठी पुढे गेलास! तू दुष्टाच्या घराचा माथा छिन्नविछिन्न केला आहे, [QBR] व त्याचा पाया मानेपर्यंत उघडा केला आहे, सेला! [QBR]
14. ते प्रचंड वादळाप्रमाणे आम्हास पांगवण्यास आले असता, तू त्यांचेच भाले त्यांच्या सैनिकांच्या डोक्यात भोसकले, [QBR] गरीब मनुष्यास एकांतात खाऊन टाकावे, ह्यामध्ये त्यांची तृप्तता होती. [QBR]
15. पण तू तुझ्या घोड्यांना समुद्रातून कूच करायला लावलेस, त्यामुळे समुद्र घुसळला गेला. [QBR]
16. मी ऐकले तेव्हा माझे अंग थरथरले, माझे ओठ आवाजाने कापले! माझी हाडे कुजण्यास सुरूवात झाली आहे, आणि मी आपल्या ठिकाणी कापत आहे. [QBR] म्हणून मी धीराने नाशाच्या दिवसाची, शत्रू आमच्यावर हल्ला करील, त्या दिवसाची वाट पाहत आहे. [QBR]
17. जरी अंजिराच्या झाडांनी फळ दिले नाही आणि द्राक्षवेलींना काही उपज आले नाही, [QBR] जैतूनाच्या झाडाच्या उपजाने जरी निराशा झाली आणि शेतांतून अन्न उगवले नाही, [QBR] कळप वाड्यातून नाहीसे झाले असले, गोठ्यात गाई-गुरे उरली नसली, [QBR]
18. तरी मी परमेश्वराठायी आनंद करीन, माझ्या तारणाऱ्या देवाजवळ उल्लास करीन. [QBR]
19. प्रभू परमेश्वर माझे बळ आहे, [QBR] तो माझे पाय हरणींच्या पायासारखे करतो, आणि तो मला माझ्या उंचस्थानावर चालवील. [QBR3] (मुख्य वाजवणाऱ्यासाठी, माझ्या तंतुवाद्यावरचे गायन.) [PE]