1. {सीयोनेसंबंधी परमेश्वराचे सांत्वनपर उदगार} (लूक 3:4-6) [PS] तुमचा देव म्हणतो, सांत्वन करा, माझ्या लोकांचे सांत्वन करा. [QBR]
2. यरूशलेमेशी प्रेमळपणाने बोला; आणि तिला घोषणा करून सांगा की [QBR] तुझे युद्ध संपले आहे, तिच्या अन्यायाची क्षमा झाली आहे, [QBR] तिने आपल्या सर्व पापांसाठी परमेश्वराच्या हातून दुप्पट स्विकारले आहे. [QBR]
3. घोषणा करणाऱ्याची वाणी म्हणते, अरण्यात परमेश्वराचा मार्ग तयार करा; आमच्या देवासाठी रानात सरळ राजमार्ग करा. [QBR]
4. प्रत्येक दरी उंच होईल, आणि प्रत्येक डोंगर आणि टेकडी सपाट होईल; [QBR] आणि खडबडीत जमीन सपाट होईल आणि उंचसखल जागा मैदान होईल. [QBR]
5. आणि परमेश्वराचे गौरव प्रगट होईल आणि सर्व लोक ते एकत्रित पाहतील; कारण परमेश्वराच्या मुखातील हे शब्द आहेत. [QBR]
6. एक वाणी म्हणाली, “घोषणा कर” दुसरे उत्तर आले, “मी काय घोषणा करू?” [QBR] सर्व देह गवत आहे आणि त्यांचा सर्व विश्वासूपणाचा करार वनातील फुलासारखा आहे. [QBR]
7. गवत सुकते व फुल कोमजते, जेव्हा परमेश्वराच्या श्वासाचा फुंकर त्यावर पडतो; खात्रीने मानवजात गवत आहे. [QBR]
8. “गवत सुकते आणि फुल कोमेजते पण आमच्या देवाचे वचन सदासर्वकाळ उभे राहते.” [QBR]
9. सियोनेस [* सियोनेतून] , सुवार्ता घेऊन येणारे जाणारे, उंच डोंगरावर चढ; [QBR] यरूशलेमेस [† यरूशलेमेतून] सुवार्ता सांगणाऱ्ये, आपला आवाज जोराने उंच कर. मोठ्याने आरोळी मार; घाबरू नकोस. [QBR] यहूदातील नगरांना सांग, येथे तुझा देव आहे! [QBR]
10. पाहा, प्रभू परमेश्वर, विजयी वीरासारखा येत आहे आणि त्याचे बलवान बाहू त्यासाठी सत्ता चालवील. [QBR] पाहा, त्याचे बक्षीस त्याच्याबरोबर आहे आणि त्याचा मोबदला त्याच्यापुढेच आहे. [QBR]
11. मेंढपाळाप्रमाणे आपल्या कळपास तो चारील, [QBR] तो कोकरास आपल्या बाहूत एकवटून त्यांना आपल्या उराशी धरून वाहील आणि तान्ह्या पिल्लांना पाजणाऱ्या मेंढ्याना तो जपून नेईल.
12. {इस्राएलाचा अद्वितीय देव} [PS] आपल्या ओंजळीने समुद्राचे पाणी कोणी मोजले आहे, आकाशाचे माप आपल्या वतीने, [QBR] पृथ्वीवरची धूळ पाटीत धरली, डोंगराचे वजन तागडीत [QBR] किंवा टेकड्या तराजूत तोलल्या आहेत? [QBR]
13. परमेश्वराचे मन कोणाला समजले आहे किंवा त्याचा सल्लागार म्हणून कोणी सूचना दिल्या आहेत? [QBR]
14. त्याने कोणापासून कधी सूचना स्विकारली? कोणी त्यास योग्य गोष्टी करण्याचा मार्ग शिकवला, [QBR] आणि त्यास कोणी ज्ञान शिकवले किंवा सुज्ञतेचा मार्ग दाखवला? [QBR]
15. पाहा, राष्ट्रे बादलीतल्या एका थेंबासमान आहेत आणि तराजूतल्या धुळीच्या कणासारखी मोजली आहे; [QBR] पाहा तो बेटही धुळीच्या कणासारखे उचलतो. [QBR]
16. लबानोन जळणास पुरेसा नाही, [QBR] किंवा त्यातले वनपशू होमार्पणासाठी पुरेसे नाहीत. [QBR]
17. त्याच्यापुढे सर्व राष्ट्रे अपुरे आहेत; त्याच्या दृष्टीने ती काही नसल्यासारखीच आहेत. [QBR]
18. तर मग तुम्ही देवाची तुलना कशाशी कराल? तर त्याची तुलना कोणत्या प्रतिमेशी करणार? [QBR]
19. मूर्ती! कारागीराने ओतून केली आहेः सोनार तिला सोन्याने मढवतो आणि तिच्यासाठी चांदीच्या साखळ्या ओततो. [QBR]
20. जो अर्पण देण्यास असमर्थ असा गरीब तो न कुजणारे लाकूड निवडतो; न पडणारी मूर्ती बनविण्यासाठी तो निपूण कारागीर शोधतो. [QBR]
21. तुम्हास माहीत नाही काय? तुम्ही ऐकले नाही काय? तुम्हास सुरवातीपासून सांगितले नाही काय? पृथ्वीचा पाया घातल्यापासून हे तुम्हास समजले नाही काय? [QBR]
22. जो पृथ्वीच्या वरील नभोमंडळावर बसतो तो हाच आहे आणि त्याच्यापुढे रहिवासी टोळासारखे आहेत. [QBR] तो आकाश पडद्याप्रमाणे ताणतो आणि त्यामध्ये राहण्यासाठी तंबूप्रमाणे पसरतो. [QBR]
23. तो अधिपतींना काहीही नसल्यासारखे कमी करतो आणि पृथ्वीच्या अधिपतींना अर्थशून्य करतो. [QBR]
24. पाहा, ते केवळ लावले आहेत; पाहा, ते केवळ पेरले आहेत; पाहा त्यांनी केवळ भूमीत मूळ धरले आहे, [QBR] तो त्यांच्यापुढे त्यावर फुंकर घालतो आणि ते सुकून जातात व वादळ त्यांना धसकटासारखे उडवून नेते. [QBR]
25. “तर तुम्ही माझी तुलना कोणाशी कराल? माझ्यासारखा कोण आहे? असे तो पवित्र प्रभू म्हणतो. [QBR]
26. आकाशाकडे वर पाहा! हे सर्व तारे कोणी निर्माण केले आहेत? [QBR] तो त्याच्या निर्मीतीचे मार्गदर्शन करून बाहेर नेतो आणि त्या सर्वांना नावाने बोलावतो. [QBR] त्याच्या सामर्थ्याच्या महानतेमुळे आणि प्रबळ सत्ताधीश आहे म्हणून, त्यातला एकही उणा नाही. [QBR]
27. हे याकोबा, तू असे का म्हणतोस, आणि इस्राएलास जाहीर करतोस, [QBR] माझे मार्ग परमेश्वरापासून गुप्त आहेत आणि माझा देव माझ्या समर्थनाविषयी लक्ष देत नाही? [QBR]
28. तुला माहीत नाही काय? तू ऐकले नाही काय? [QBR] परमेश्वर हा सनातन देव, पृथ्वीच्या सीमा निर्माण करणारा, [QBR] थकत किंवा दमत नाही; त्याच्या बुद्धीला मर्यादा नाही. [QBR]
29. तो थकलेल्यांना शक्ती देतो; आणि निर्बलांस नवचैतन्य देऊन ताकद देतो. [QBR]
30. तरुण लोकही थकतात आणि दमतात, आणि तरुण माणसे अडखळतात आणि पडतात. [QBR]
31. पण जे कोणी परमेश्वराची प्रतीक्षा करतात ते त्यांची नवीन शक्ती संपादन करतील; ते गरुडासारखे पंखांनी वर उडतील; [QBR] ते धावतील तरी दमणार नाहीत; ते चालतील तरी गळून जाणार नाहीत. [PE]