1. {#1देवाच्या कृत्यांविषयी ईयोबाची तक्रार }
2. [PS]नंतर ईयोबाने उत्तर दिले आणि म्हणाला, [PE][QS]“या सर्व गोष्टी मी पूर्वी ऐकल्या आहेत, तुम्ही सर्व वायफळ सांत्वनकर्ते आहात. [QE]
3. [QS]तुमची वायफळ शब्द कधीही संपत नाहीत. तुम्हास काय झाले आहे कि, तुम्ही याप्रमाणे उत्तर देता? [QE]
4. [QS]जर तुमच्यासारखे मलाही बोलता आले असते, तर जे आता तुम्ही म्हणत आहात [QE][QS]तेच मीही म्हणू शकलो असतो. [QE][QS]मी तुमच्याविरुध्द शहाणपणाच्या गोष्टी सांगू शकलो असतो [QE][QS]आणि माझे डोके तुमच्यासमोर हलवू शकलो असतो. [QE]
5. [QS]अहो मी तुम्हास माझ्या मुखाने मी धीर दिला असता. [QE][QS]आणि माझ्या ओठाने तुमचे सांत्वन केले असते. [QE]
6. [QS]परंतु मी काहीही बोललो तरी माझ्या यातना कमी होत नाहीत. [QE][QS]पण मी बोललो नाहीतर माझ्या यातना कमी कशा होणार? [QE]
7. [QS]खरोखरच तू माझी शक्ती हिरावून घेतली आहेस. तू माझ्या सर्व कुटुंबाचा नाश केला आहेस. [QE]
8. [QS]तू मला खूप बारीक व अशक्त केले आहे म्हणून मी अपराधी आहे असे लोकांस वाटते. [QE]
9. [QS]देव माझ्यावर हल्ला करतो. तो माझ्यावर रागावला आहे आणि तो माझे शरीर छिन्न विछिन्न करतो. तो माझ्याविरुध्द दात खातो, माझ्या शत्रूचे डोळे माझ्याकडे तिरस्काराने बघतात. [QE]
10. [QS]लोक माझ्या भोवती जमले आहेत. ते माझी थट्टा करतात व तोंडावर मारतात. [QE]
11. [QS]देवाने मला दुष्ट लोकांच्या स्वाधीन केले आहे. [QE][QS]त्याने क्रूर मनुष्यांना मला त्रास द्यायची परवानगी दिली आहे. [QE]
12. [QS]मी अगदी मजेत होतो, पण देवाने मला चिरडून टाकले. [QE][QS]हो त्याने माझी मान पकडली आणि माझे तुकडे तुकडे केले [QE][QS]त्याने माझा निशाण्यासारखा उपयोग केला. [QE]
13. [QS]त्याचे धनुर्धारी मला घेरतात. [QE][QS]तो माझ्या कंबरेत बाण सोडतो तो दया दाखवीत नाही. [QE][QS]तो माझे पित्ताशय धरतीवर रिकामे करतो. [QE]
14. [QS]देव माझ्यावर पुन्हा पुन्हा हल्ला करतो. [QE][QS]सैनिकाप्रमाणे तो माझ्यावर चाल करून येतो. [QE]
15. [QS]मी फार दु:खी आहे म्हणून मी दु:खाचे कपडे घालतो. [QE][QS]मी इथे धुळीत आणि राखेत बसतो आणि मला पराभूत झाल्यासारखे वाटते. [QE]
16. [QS]रडल्यामुळे माझा चेहरा लाल झाला आहे. [QE][QS]माझ्या पापण्यांवर मरणाची छाया आहे. [QE]
17. [QS]तरीही माझ्या हातून कोणात्याही प्रकारची हिंसा झाली नाही, [QE][QS]आणि माझ्या प्रार्थना शुध्द आहेत. तरी असे झाले. [QE]
18. [QS]हे धरती, माझे रक्त लपवू नकोस. [QE][QS]माझ्या रडण्याला विश्रांतीस्थान देऊ नकोस. [QE]
19. [QS]स्वर्गात कदाचित् माझ्या बाजूचा कुणीतरी असेल. [QE][QS]जो माझी त्या सर्वसमर्थासमोर हमी घेईल. [QE]
20. [QS]माझे मित्र माझा उपहास करतात, [QE][QS]पण माझे डोळे देवासमोर अश्रू ढाळतात. [QE]
21. [QS]जशी एखादी व्यक्ती आपल्या मित्रासाठी वादविवाद करते [QE][QS]तसा तो माझ्याविषयी देवाबरोबर बोलतो. [QE]
22. [QS]जेव्हा काही वर्ष जातील, [QE][QS]तेव्हा मी पुन्हा कधीही परतून न येणाऱ्या जागी जाणार आहे.” [QE]