1. {देवाच्या कृत्यांविषयी ईयोबाची तक्रार} [PS] नंतर ईयोबाने उत्तर दिले आणि म्हणाला, [QBR]
2. “या सर्व गोष्टी मी पूर्वी ऐकल्या आहेत, तुम्ही सर्व वायफळ सांत्वनकर्ते आहात. [QBR]
3. तुमची वायफळ शब्द कधीही संपत नाहीत. तुम्हास काय झाले आहे कि, तुम्ही याप्रमाणे उत्तर देता? [QBR]
4. जर तुमच्यासारखे मलाही बोलता आले असते, तर जे आता तुम्ही म्हणत आहात [QBR] तेच मीही म्हणू शकलो असतो. [QBR] मी तुमच्याविरुध्द शहाणपणाच्या गोष्टी सांगू शकलो असतो [QBR] आणि माझे डोके तुमच्यासमोर हलवू शकलो असतो. [QBR]
5. अहो मी तुम्हास माझ्या मुखाने मी धीर दिला असता. [QBR] आणि माझ्या ओठाने तुमचे सांत्वन केले असते. [QBR]
6. परंतु मी काहीही बोललो तरी माझ्या यातना कमी होत नाहीत. [QBR] पण मी बोललो नाहीतर माझ्या यातना कमी कशा होणार? [QBR]
7. खरोखरच तू माझी शक्ती हिरावून घेतली आहेस. तू माझ्या सर्व कुटुंबाचा नाश केला आहेस. [QBR]
8. तू मला खूप बारीक व अशक्त केले आहे म्हणून मी अपराधी आहे असे लोकांस वाटते. [QBR]
9. देव माझ्यावर हल्ला करतो. तो माझ्यावर रागावला आहे आणि तो माझे शरीर छिन्न विछिन्न करतो. तो माझ्याविरुध्द दात खातो, माझ्या शत्रूचे डोळे माझ्याकडे तिरस्काराने बघतात. [QBR]
10. लोक माझ्या भोवती जमले आहेत. ते माझी थट्टा करतात व तोंडावर मारतात. [QBR]
11. देवाने मला दुष्ट लोकांच्या स्वाधीन केले आहे. [QBR] त्याने क्रूर मनुष्यांना मला त्रास द्यायची परवानगी दिली आहे. [QBR]
12. मी अगदी मजेत होतो, पण देवाने मला चिरडून टाकले. [QBR] हो त्याने माझी मान पकडली आणि माझे तुकडे तुकडे केले [QBR] त्याने माझा निशाण्यासारखा उपयोग केला. [QBR]
13. त्याचे धनुर्धारी मला घेरतात. [QBR] तो माझ्या कंबरेत बाण सोडतो तो दया दाखवीत नाही. [QBR] तो माझे पित्ताशय धरतीवर रिकामे करतो. [QBR]
14. देव माझ्यावर पुन्हा पुन्हा हल्ला करतो. [QBR] सैनिकाप्रमाणे तो माझ्यावर चाल करून येतो. [QBR]
15. मी फार दु:खी आहे म्हणून मी दु:खाचे कपडे घालतो. [QBR] मी इथे धुळीत आणि राखेत बसतो आणि मला पराभूत झाल्यासारखे वाटते. [QBR]
16. रडल्यामुळे माझा चेहरा लाल झाला आहे. [QBR] माझ्या पापण्यांवर मरणाची छाया आहे. [QBR]
17. तरीही माझ्या हातून कोणात्याही प्रकारची हिंसा झाली नाही, [QBR] आणि माझ्या प्रार्थना शुध्द आहेत. तरी असे झाले. [QBR]
18. हे धरती, माझे रक्त लपवू नकोस. [QBR] माझ्या रडण्याला विश्रांतीस्थान देऊ नकोस. [QBR]
19. स्वर्गात कदाचित् माझ्या बाजूचा कुणीतरी असेल. [QBR] जो माझी त्या सर्वसमर्थासमोर हमी घेईल. [QBR]
20. माझे मित्र माझा उपहास करतात, [QBR] पण माझे डोळे देवासमोर अश्रू ढाळतात. [QBR]
21. जशी एखादी व्यक्ती आपल्या मित्रासाठी वादविवाद करते [QBR] तसा तो माझ्याविषयी देवाबरोबर बोलतो. [QBR]
22. जेव्हा काही वर्ष जातील, [QBR] तेव्हा मी पुन्हा कधीही परतून न येणाऱ्या जागी जाणार आहे.” [PE]