1. {#1दुष्टाच्या अंताचे बिल्दद वर्णन करतो }
2. [PS]नंतर शूहीच्या बिल्ददने उत्तर दिले आणि म्हणाला, [PE][QS]तू तुझे बोलणे बंद कर! शांत राहा आणि लक्ष दे. आम्हास काही बोलू दे. [QE]
3. [QS]आम्ही पशूसारखे आहोत असे तू का समजतोस, [QE][QS]आम्ही का तुझ्या दृष्टीने अशुद्ध झालोत? [QE]
4. [QS]रागाने स्वत:स फाडून टाकणाऱ्या, [QE][QS]तुझ्यामुळे पृथ्वी ओस पडेल काय, [QE][QS]किंवा खडक त्याची जागा सोडेल का? [QE]
5. [QS]खरोखर, “दुष्ट मनुष्याचा प्रकाश नाहीसा होईल. [QE][QS]त्याचा अग्नी पेटणे बंद होईल. [QE]
6. [QS]त्यांच्या घरातला प्रकाश अंधकारमय होईल. त्यांच्या जवळचा दिवा विझेल. [QE]
7. [QS]त्याची पाऊले पुन्हा दमदारपणे व भरभर पडणार नाहीत. तो हळुहळु चालेल आणि अशक्त बनेल. त्याच्या दुष्ट मसलती त्याचा अध:पात करतील. [QE]
8. [QS]त्याचेच पाय त्यास सापळ्यात अडकवतील. [QE][QS]तो खडकाळ मार्गाने चालला आहे. [QE]
9. [QS]सापळा त्याची टाच पकडेल. त्यास घटृ पकडून ठेवेल. [QE]
10. [QS]जमिनीवरची दोरी त्यास जाळ्यात अडकवेल. सापळा त्याची त्याच्या मार्गातच वाट बघत असेल. [QE]
11. [QS]दहशत चोहोबाजूंनी त्याची वाट पाहत आहे. [QE][QS]भीती त्याच्या प्रत्येक पावलावर पाठलाग करीत आहे. [QE]
12. [QS]वाईट संकटे त्याच्यासाठी भुकेली आहेत. [QE][QS]विध्वंस आणि अरिष्ट तो पडण्याचीच वाट पाहत आहेत. [QE]
13. [QS]भयानक रोग त्याचे अवयव तोडून खाईल. [QE][QS]खरोखर, मृत्यूचा जेष्ठ पुत्र त्याचा नाश करील. [QE]
14. [QS]त्याच्या घराच्या सुरक्षिततेपासून दूर नेला जाईल. [QE][QS]त्यास भयाच्या राजापुढे हजर करण्यासाठी दूर नेले जाईल. [QE]
15. [QS]जे त्याचे नव्हते ते त्याच्या डेऱ्यात वास करतील [QE][QS]त्याच्या घरात सर्वत्र जळते गंधक विखरतील. [QE]
16. [QS]त्याची खालची मुळे सुकून जातील आणि वरच्या फांद्या मरतील. [QE]
17. [QS]पृथ्वीवरील लोकांस त्याची आठवण राहणार नाही. [QE][QS]आता त्याचे नाव रसत्यावर पण कोणी घेत नाही. [QE]
18. [QS]लोक त्यास प्रकाशापासून दूर अंधारात ढकलतील. [QE][QS]आणि त्याना या जगातून पळवून लावतील. [QE]
19. [QS]त्यास मुले आणि नातवंडे असणार नाहीत. [QE][QS]तो जेथे राहतो तिथे कोणी उरणार नाही. [QE]
20. [QS]पश्चिमेकडचे लोक जेव्हा या दुष्ट मनुष्याचे काय झाले ते ऐकतील तेव्हा त्यांना धक्का बसेल. [QE][QS]आणि पूर्वेकडचे लोक भयाने कंपित होतील. [QE]
21. [QS]दुष्ट मनुष्याच्या घराचे खरोखरच असे होईल. जो देवाला ओळखत नाही त्याच्याबाबतीत असेच घडेल.” [QE]