1. {दुष्टाच्या अंताचे बिल्दद वर्णन करतो} [PS] नंतर शूहीच्या बिल्ददने उत्तर दिले आणि म्हणाला, [QBR]
2. तू तुझे बोलणे बंद कर! शांत राहा आणि लक्ष दे. आम्हास काही बोलू दे. [QBR]
3. आम्ही पशूसारखे आहोत असे तू का समजतोस, [QBR] आम्ही का तुझ्या दृष्टीने अशुद्ध झालोत? [QBR]
4. रागाने स्वत:स फाडून टाकणाऱ्या, [QBR] तुझ्यामुळे पृथ्वी ओस पडेल काय, [QBR] किंवा खडक त्याची जागा सोडेल का? [QBR]
5. खरोखर, “दुष्ट मनुष्याचा प्रकाश नाहीसा होईल. [QBR] त्याचा अग्नी पेटणे बंद होईल. [QBR]
6. त्यांच्या घरातला प्रकाश अंधकारमय होईल. त्यांच्या जवळचा दिवा विझेल. [QBR]
7. त्याची पाऊले पुन्हा दमदारपणे व भरभर पडणार नाहीत. तो हळुहळु चालेल आणि अशक्त बनेल. त्याच्या दुष्ट मसलती त्याचा अध:पात करतील. [QBR]
8. त्याचेच पाय त्यास सापळ्यात अडकवतील. [QBR] तो खडकाळ मार्गाने चालला आहे. [QBR]
9. सापळा त्याची टाच पकडेल. त्यास घटृ पकडून ठेवेल. [QBR]
10. जमिनीवरची दोरी त्यास जाळ्यात अडकवेल. सापळा त्याची त्याच्या मार्गातच वाट बघत असेल. [QBR]
11. दहशत चोहोबाजूंनी त्याची वाट पाहत आहे. [QBR] भीती त्याच्या प्रत्येक पावलावर पाठलाग करीत आहे. [QBR]
12. वाईट संकटे त्याच्यासाठी भुकेली आहेत. [QBR] विध्वंस आणि अरिष्ट तो पडण्याचीच वाट पाहत आहेत. [QBR]
13. भयानक रोग त्याचे अवयव तोडून खाईल. [QBR] खरोखर, मृत्यूचा जेष्ठ पुत्र त्याचा नाश करील. [QBR]
14. त्याच्या घराच्या सुरक्षिततेपासून दूर नेला जाईल. [QBR] त्यास भयाच्या राजापुढे हजर करण्यासाठी दूर नेले जाईल. [QBR]
15. जे त्याचे नव्हते ते त्याच्या डेऱ्यात वास करतील [QBR] त्याच्या घरात सर्वत्र जळते गंधक विखरतील. [QBR]
16. त्याची खालची मुळे सुकून जातील आणि वरच्या फांद्या मरतील. [QBR]
17. पृथ्वीवरील लोकांस त्याची आठवण राहणार नाही. [QBR] आता त्याचे नाव रसत्यावर पण कोणी घेत नाही. [QBR]
18. लोक त्यास प्रकाशापासून दूर अंधारात ढकलतील. [QBR] आणि त्याना या जगातून पळवून लावतील. [QBR]
19. त्यास मुले आणि नातवंडे असणार नाहीत. [QBR] तो जेथे राहतो तिथे कोणी उरणार नाही. [QBR]
20. पश्चिमेकडचे लोक जेव्हा या दुष्ट मनुष्याचे काय झाले ते ऐकतील तेव्हा त्यांना धक्का बसेल. [QBR] आणि पूर्वेकडचे लोक भयाने कंपित होतील. [QBR]
21. दुष्ट मनुष्याच्या घराचे खरोखरच असे होईल. जो देवाला ओळखत नाही त्याच्याबाबतीत असेच घडेल.” [PE]