1. {#1ईयोब आपले पूर्वीचे सुख आठवतो }
2. [PS]ईयोबने बोलणे सुरु ठेवले तो म्हणाला [PE][QS]“अहो, काही महिन्यांपूर्वी मी जसा होतो तसा असतो तर, किती बरे झाले असते [QE][QS]तेव्हा देव माझी काळजी घेत होता, [QE]
3. [QS]तेव्हा देवाचा प्रकाश माझ्यावर प्रकाशत होता, [QE][QS]आणि मला अंधारातून चालताना प्रकाश दाखवत होता. [QE]
4. [QS]अहो, माझ्या चागल्या फलदायी दिवसाची मी आशा करतो. [QE][QS]त्या दिवसात माझ्यावर देवाचे मित्रत्वाचे कृपाछत्र होते. [QE]
5. [QS]जेव्हा सर्वशक्तिमान देव माझ्याबरोबर होता [QE][QS]आणि माझी मुले माझ्याजवळ होती त्या दिवसाची मी आशा धरतो. [QE]
6. [QS]त्या दिवसात माझे आयुष्य अतिशय चांगले होते. मी माझे पाय मलईत धूत असे. माझ्याकडे उत्तम प्रकारची पुष्कळ तेल होते. [QE]
7. [QS]त्या दिवसात मी नगराच्या वेशीपर्यंत जात असे आणि नगरातल्या वृध्दांबरोबर सार्वजनिक ठिकाणी बसत असे. [QE]
8. [QS]सगळे लोक मला मान देत. मला येताना बघून तरुण माझ्या वाटेतून बाजूला होत आणि वृध्द उठून उभे राहत. मला आदर देण्यासाठी ते उठून उभे राहत असत. [QE]
9. [QS]अधिकारी बोलणे थांबवीत आणि इतरांना शांत राहण्याची सूचना देण्यासाठी तोंडावर बोट ठेवीत. [QE]
10. [QS]सरदार मनुष्य सुध्दा बोलताना त्यांचा आवाज लहान करीत. होय, तेव्हा त्यांची जीभ टाळूला चिकटण्यासारखी वाटे. [QE]
11. [QS]लोक माझ्या बोलण्याकडे लक्ष देत. आणि माझ्याबद्दल चांगले बोलत असत. मला भेटणारा प्रत्येकजण माझी स्तुती करी. [QE]
12. [QS]का? कारण जेव्हा एखादा गरीब मदतीची याचना करायचा तेव्हा मी त्यास मदत करीत असे आणि पोरक्या मुलाकडे लक्ष द्यायला कोणी नसले तर मी त्यास मदत करीत असे. [QE]
13. [QS]मृत्युपंथाला लागलेला मनुष्य मला आशीर्वाद देत असे. मी गरजू विधवांना मदत करीत असे. [QE]
14. [QS]सत्याने जगणे म्हणजे जणू माझे वस्त्र होते. माझे योग्य वागणे म्हणजे माझा अंगरखा आणि डोक्यावरची पगडी होती. [QE]
15. [QS]मी आंधळ्यांची दृष्टी होतो. त्यांना जिथे जायचे असेल तिथे मी घेऊन जात असे. मी अपंगांचे पाय होतो त्यांना हवे तिथे मी उचलून घेऊन जात असे. [QE]
16. [QS]गरीब लोकांस मी वडिलांसारखा वाटत असे. मला माहीत नसलेल्या लोकांसदेखील मी मदत करीत असे. मी कोर्टात न्याय मिळवून देण्यासाठी त्यांना मदत करीत असे. [QE]
17. [QS]मी दुष्ट लोकांचे सामर्थ्य नष्ट केले. मी निरपराध लोकांचा त्यांच्यापासून बचाव केला. [QE]
18. [QS]मला नेहमी वाटायचे मी खूप वर्षे जगेन, मला स्वत:च्या घरातच मृत्यू येईल. [QE]
19. [QS]मी खूप पाणी शोषून घेऊ शकणारी मुळे असलेल्या व ज्याच्या फांद्या दवाने ओल्या झालेल्या आहेत अशा झाडासारखा असेन, असे मला वाटत असे. [QE]
20. [QS]माझ्याठायी असलेला माझा सन्मान नेहमी टवटवीत आहे, [QE][QS]आणि माझ्या शक्तीचे धनुष्य माझ्या हातात नवे केले जात आहे. [QE]
21. [QS]पूर्वी लोक माझे ऐकत असत माझ्या उपदेशाची वाट पाहत ते शांत बसत. [QE]
22. [QS]मी माझे बोलणे संपवल्यानंतर ऐकणाऱ्यांना आणखी काही बोलायचे नसे. माझे शब्द त्यांच्या कानावर हळूवारपणे पडत. [QE]
23. [QS]पावसाची वाट पाहिल्यासारखी ते माझ्या बोलण्याची वाट पाहात. [QE][QS]वसंतातल्या पावसासारखे ते माझे शब्द पिऊन टाकत. [QE]
24. [QS]काही लोकांनी आशा सोडून दिली होती. परंतु मी त्यांच्याबरोबर हसलो. माझ्या हास्याने त्याना बरे वाटले. [QE]
25. [QS]मी त्यांचा प्रमुख असूनही त्यांच्याबरोबर राहण्याचे ठरवले. आपल्या सैन्याबरोबर तळ ठोकून बसलेल्या राजासारखा दु:खी असलेल्यांचे सांत्वन करणाऱ्या राजासारखा मी होतो.” [QE]