1. “खरोखर हे ऐकूण माझे हृदय थरथरते, [QBR] ते त्याच्या जागेवरून सरकले आहे. [QBR]
2. ऐका! हो ऐका! देवाच्या आवाजाची गर्जना ऐका, [QBR] देवाच्या मुखातून येणारा ध्वनी ऐका. [QBR]
3. देव त्याच्या विजेला सर्व आकाशात चमकण्यासाठी पाठवतो. [QBR] ती सर्व पृथ्वीभर चमकते. [QBR]
4. त्यानंतर आवाजाची गर्जना होते, [QBR] देव त्याच्या वैभवी आवाजात गर्जतो. [QBR] वीज चमकल्यानंतर देवाची गर्जना ऐकू येते. [QBR]
5. देवाचा गडगडाटी आवाज अद्भुत आहे. [QBR] देव आपल्याला न कळणाऱ्या महान गोष्टी करत असतो. [QBR]
6. तो हिमाला पृथ्वीवर पडण्याची आज्ञा करतो. [QBR] ‘पावसास पृथ्वीवर जोरात पड असे सांगतो.’ [QBR]
7. देवाने निर्माण केलेल्या सर्व लोकांस तो काय करु शकतो हे कळावे [QBR] म्हणून देव या गोष्टी करतो हा त्याचा पुरावा आहे. [QBR]
8. म्हणून पशू लपण्यास जातात, [QBR] आणि त्यांच्या गूहेत राहतात. [QBR]
9. दक्षिणेकडून चक्रीवादळ येते [QBR] उत्तरेकडून थंड वारे येतात. [QBR]
10. देवाच्या नि:श्वासाने बर्फ दिल्या जाते [QBR] आणि पाण्याच्या विस्तार धातूसारखा गोठून जातो. [QBR]
11. खरोखर, देव गडद ढगांना पाण्याने भरतो [QBR] तो आपल्या विजेचा ढग चोहोकडे पसरवतो. [QBR]
12. तो ढगांना सर्व पृथ्वीभर त्याच्या मार्गदर्शनाने पसरण्याची आज्ञा करतो [QBR] देव जी आज्ञा देतो ती त्यांनी सर्व पृथ्वीच्या पाठीवर पाळावी. [QBR]
13. काही वेळा हे सुधारणुक करण्यासाठी असते, काहीवेळा त्यांच्या भूमीसाठी, हे सर्व तो घडवून आणतो, [QBR] आणि काहीवेळा विश्वासाच्या कराराची कृती असते [QBR]
14. ईयोबा, याकडे लक्ष दे, [QBR] थांब आणि देव ज्या आश्चर्यकारक गोष्टी करतो त्यांचा विचार कर. [QBR]
15. देव ढगांवर आपला अधिकार कसा गाजवतो ते तुला माहीत आहे का? [QBR] तो विजेला कसे चमकावितो ते तुला माहीत आहे का? [QBR]
16. ढग आकाशात कसे तरंगतात ते तुला कळते का? [QBR] देव जो ज्ञानाने परिपूर्ण त्याचे आश्चर्यकर्म तू जाणतोस काय? [QBR]
17. तुझे कपडे गरम कसे होतात हे तुला समजते काय, [QBR] दक्षिणेकडून वारे वाहते तेव्हा सगळे काही स्तब्ध असते. [QBR]
18. तो जसे आकाश पसरवतो तसे तू करू शकतो काय? [QBR] जे आकाश ओतीव आरशाप्रमाणे अढळ आहे? [QBR]
19. देवाला आम्ही काय सांगायचे ते तू आम्हांला सांग. [QBR] अंधारामुळे आम्हास आमचे भाषण रचता येत नाही. [QBR]
20. मला त्याच्याशी बोलायचे आहे असे तो म्हणाला काय? [QBR] तसे म्हणणे म्हणजे स्वत:चा नाश करून घेणे आहे. [QBR]
21. आता, लोक सुर्य जेव्हा तापत असतो त्यावेळी लोक त्याकडे आकाशात बघू शकत नाही [QBR] वाऱ्याने ढग पळवून लावले की तो स्वच्छ आणि चकचकीत दिसतो. [QBR]
22. उत्तरेकडून सोनेरी वैभव येते, [QBR] देवाच्या भोवती भितीदायक तेजोवलय असते. [QBR]
23. जो सर्वशक्तिमान तो महान आहे आपणाला त्याचा शोध लागत नाही, [QBR] तो सामर्थ्यवान आहे न्यायाने वागतो. [QBR] तो लोकांस त्रास देत नाही. [QBR]
24. म्हणूनच लोक त्याचे भय धरतात. [QBR] परंतु देव आपल्या शहाणपणाचा अभिमान बाळगणाऱ्या लोकांस मान देत नाही.” [PE]