1. {देव ईयोबाला त्याचे अज्ञान पटवून देतो} [PS] नंतर परमेश्वर वावटळीतून ईयोबाशी बोलला आणि तो म्हणाला, [QBR]
2. कोण आहे जो माझ्या योजनांवर अंधार पाडतो, [QBR] म्हणजे ज्ञानाविना असलेले शब्द? [QBR]
3. आता तू पुरूषासारखी आपली कंबर बांध, [QBR] मी तुला प्रश्न विचारील, आणि तू मला उत्तर दे. [QBR]
4. मी पृथ्वी निर्माण केली तेव्हा तू कुठे होतास? [QBR] तू स्वत:ला इतका शहाणा समजत असशील तर मला उत्तर दे. [QBR]
5. जग इतके मोठे असावे हे कोणी ठरवले ते सांग? [QBR] मोजण्याच्या दोरीने ते कोणी मोजले का? [QBR]
6. तीचा पाया कशावर घातला आहे? [QBR] तिची कोनशिला कोणी ठेवली? [QBR]
7. जेव्हा ते घडले तेव्हा पहाटेच्या ताऱ्यांनी गायन केले [QBR] आणि देवपुत्रांनी आनंदाने जयजयकार केला. [QBR]
8. जेव्हा समुद्र पृथ्वीच्या पोटातून बाहेर पडला [QBR] तेव्हा दरवाजे बंद करून त्यास कोणी अडवला? [QBR]
9. त्यावेळी मी त्यास मेघांनी झाकले [QBR] आणि काळोखात गुंडाळले. [QBR]
10. मी समुद्राला मर्यादा घातल्या [QBR] आणि त्यास कुलुपांनी बंद केलेल्या दरवाजाबाहेर थोपविले. [QBR]
11. मी म्हणालो, तू इथपर्यंतच येऊ शकतोस या पलिकडे मात्र नाही. [QBR] तुझ्या उन्मत्त लाटा इथेच थांबतील. [QBR]
12. तुझ्या आयुष्यात तू कधीतरी पहाटेला आरंभ करायला [QBR] आणि दिवसास सुरु व्हायला सांगितलेस का? [QBR]
13. तू कधीतरी पहाटेच्या प्रकाशाला पृथ्वीला पकडून [QBR] दुष्ट लोकांस त्यांच्या लपायच्या जागेतून हुसकायला सांगितलेस का? [QBR]
14. पहाटेच्या प्रकाशात डोंगरदऱ्या नीट दिसतात. [QBR] दिवसाच्या प्रकाशात या जगाचा आकार अंगरख्याला असलेल्या घडीप्रमाणे ठळक दिसतात [QBR]
15. दुष्टांपासून त्यांचा प्रकाश काढून घेतला आहे [QBR] आणि त्यांचा उंच भूज मोडला आहे. [QBR]
16. सागराला जिथे सुरुवात होते तिथे अगदी खोल जागेत तू कधी गेला आहेस का? [QBR] समुद्राच्या तळात तू कधी चालला आहेस का? [QBR]
17. मृत्युलोकात नेणारे दरवाजे तू कधी पाहिलेस का? [QBR] काळोख्या जगात नेणारे दरवाजे तू कधी बघितलेस का? [QBR]
18. ही पृथ्वी किती मोठी आहे ते तुला कधी समजले का? [QBR] तुला जर हे सर्व माहीत असेल तर मला सांग. [QBR]
19. प्रकाश कुठून येतो? [QBR] काळोख कुठून येतो? [QBR]
20. तू प्रकाशाला आणि काळोखाला ते जिथून आले तेथे परत नेऊ शकशील का? [QBR] तिथे कसे जायचे ते तुला माहीत आहे का? [QBR]
21. तुला या सर्व गोष्टी नक्कीच माहीत असतील [QBR] तू खूप वृध्द आणि विद्वान आहेस मी तेव्हा या गोष्टी निर्माण केल्या तेव्हा तू जिवंत होतास होय ना? [QBR]
22. मी ज्या भांडारात हिम आणि [QBR] गारा ठेवतो तिथे तू कधी गेला आहेस का? [QBR]
23. मी बर्फ आणि गारांचा साठा संकटकाळासाठी, [QBR] युध्द आणि लढाईच्या दिवसांसाठी करून ठेवतो. [QBR]
24. सूर्य उगवतो त्याठिकाणी तू कधी गेला आहेस का? [QBR] पूर्वेकडचा वारा जिथून सर्व जगभर वाहातो तिथे तू कधी गेला आहेस का? [QBR]
25. जोरदार पावसासाठी आकाशात पाट कोणी खोदले? [QBR] गरजणाऱ्या वादळासाठी कोणी मार्ग मोकळा केला? [QBR]
26. वैराण वाळवंटात देखील कोण पाऊस पाडतो? [QBR]
27. निर्जन प्रदेशात पावसाचे खूप पाणी पडते आणि गवत उगवायला सुरुवात होते. [QBR]
28. पावसास वडील आहेत का? [QBR] दवबिंदू कुठून येतात? [QBR]
29. हिम कोणाच्या गर्भशयातून निघाले आहे? [QBR] आकाशातून पडणाऱ्या हिमकणास कोण जन्म देतो? [QBR]
30. पाणी दगडासारखे गोठते. [QBR] सागराचा पृष्ठभागदेखील गोठून जातो. [QBR]
31. तू कृत्तिकांना बांधून ठेवू शकशील का? [QBR] तुला मृगशीर्षाचे बंध सोडता येतील का? [QBR]
32. तुला राशीचक्र योग्यवेळी आकाशात आणता येईल का? [QBR] किंवा तुला सप्तऋर्षो त्यांच्या समूहासह मार्ग दाखवता येईल का? [QBR]
33. तुला आकाशातील नियम माहीत आहेत का? [QBR] तुला त्याच नियमांचा पृथ्वीवर उपयोग करता येईल का? [QBR]
34. तुला मेघावर ओरडून [QBR] त्यांना तुझ्यावर वर्षाव करायला भाग पाडता येईल का? [QBR]
35. तुला विद्युतलतेला आज्ञा करता येईल का? [QBR] ती तुझ्याकडे येऊन. आम्ही आलो आहोत काय आज्ञा आहे? [QBR] असे म्हणेल का? तुझ्या सांगण्याप्रमाणे ती हवे तिथे जाईल का? [QBR]
36. लोकांस शहाणे कोण बनवतो? [QBR] त्यांच्यात अगदी खोल शहाणपण कोण आणतो? [QBR]
37. ढग मोजण्याइतका विद्वान कोण आहे? [QBR] त्यांना पाऊस पाडायला कोण सांगतो? [QBR]
38. त्यामुळे धुळीचा चिखल होतो [QBR] आणि धुळीचे लोट एकमेकास चिकटतात. [QBR]
39. तू सिंहासाठी अन्न शोधून आणतोस का? [QBR] त्यांच्या भुकेल्या पिल्लांना तू अन्न देतोस का? [QBR]
40. ते सिंह त्यांच्या गुहेत झोपतात. [QBR] ते गवतावर दबा धरुन बसतात आणि भक्ष्यावर तुटून पडतात. [QBR]
41. कावळ्याला कोण अन्न देतो? [QBR] जेव्हा त्याची पिल्ले देवाकडे याचना करतात [QBR] आणि अन्नासाठी चारी दिशा भटकतात तेव्हा त्यांना कोण अन्न पुरवतो? [PE]