1. रानशेळी कधी व्यायतात ते तुला माहीत आहे का? [QBR] हरीणी आपल्या बछड्याला जन्म देताना तू पाहिले आहेस का? [QBR]
2. पहाडी बकरी आणि हरीणी किती महिने आपल्या पिलांना पोटात वाढवतात ते तुला माहीत आहे का? [QBR] त्यांची जन्माला यायची वेळ कोणती ते तुला माहीत आहे का? [QBR]
3. ते प्राणी लोळतात प्रसूतिवेदना सहन करतात [QBR] आणि त्यांची पिल्ले जन्माला येतात. [QBR]
4. ती बछडी शेतात मोठी होतात. [QBR] नंतर ती सोडून जातात आणि पुन्हा कधीही परतून येत नाहीत. [QBR]
5. रानटी गाढवांना कोणी सोडून दिले? [QBR] त्यांची दोरी सोडून त्यांना कोणी मोकळे केले? [QBR]
6. ज्याला मी वाळवंटात घर दिले, [QBR] मी त्यांना राहण्यासाठी क्षारभूमी दिली. [QBR]
7. गजबजलेल्या शहरांना हसतात (त्याला शहरातला गजबजाट आवडत नाही) [QBR] आणि त्यांना कुठलाही मनुष्य आव घालू शकत नाही. [QBR]
8. ते डोंगरात राहतात तेच त्यांचे कुरण आहे. [QBR] ते आपले अन्न तिथेच शोधतात. [QBR]
9. रानटी बैल तुझी सेवा करायला तयार होईल का? [QBR] तो रात्री तुझ्या खळ्यावर राहील का? [QBR]
10. दोरीने तुला रानटी बैलाला ताब्यात करता येईल काय? [QBR] आणि तू त्यास तुझे शेत नांगरायला लावू शकशील का? [QBR]
11. तो खूप बलवान असतो त्याच्यावर तू भरवसा ठेवशील काय, [QBR] तू तुझे काम त्यांच्यानवर सोपवशील का? [QBR]
12. तो तुझे धान्य शेतातून गोळा करेल [QBR] आणि खळ्यात नेईल असा भरवसा तुला वाटतो का? [QBR]
13. “शहामृगी आपले पंख आनंदाने फडफडवते [QBR] परंतु तिला उडता येत नाही तिचे पंख आणि पिसे माया करायच्या कामी पडतात काय? [QBR]
14. ती आपली अंडी जमिनीत घालते [QBR] आणि ती वाळूत उबदार होतात. [QBR]
15. आपल्या अंड्यांवरुन कोणी चालत जाईल किंवा रानटी प्राणी ती फोडतील हे ती विसरते. [QBR]
16. ती आपल्या पिलांना सोडून जाते ती जणू स्वत:ची नाहीतच असे ती वागते. [QBR] तिची पिल्ले मरण पावली तरी तिला त्याची पर्वा नसते काम निष्कळ झाल्याचे सुखदु:ख तिला नसते. [QBR]
17. कारण मी देवाने तिला शहाणे केले नाही. आणि मीच तिला समज दिली नाही. [QBR]
18. परंतु ती जेव्हा पळण्यासाठी उठते [QBR] तेव्हा ती घोड्याला आणि घोडेस्वाराला हसते, [QBR]
19. तू घोड्याला त्याची शक्ती दिलीस का? [QBR] तू त्याच्या मानेवर त्याची आयाळ ठेवलीस का? [QBR]
20. तू त्यास टोळाप्रमाणे लांब उडी मारायला सांगितलेस का? [QBR] तो जोरात फुरफुरतो आणि लोक त्यास घाबरतात. [QBR]
21. तो बलवान आहे म्हणून आनंदात असतो. [QBR] तो आपल्या खुराने जमीन उकरतो आणि धावत युध्दभूमीवर जातो. [QBR]
22. तो भीतीला हसतो, तो कशालाही भीत नाही [QBR] तो युध्दातून कधीही पळ काढीत नाही. [QBR]
23. सैनिकाचा भाता त्याच्या बाजूला हलत असतो [QBR] त्याचा स्वार जे भाले आणि इतर शस्त्रे बाळगतो ते उन्हात चमकतात. [QBR]
24. तो फार अनावर होतो. तो जमिनीवर जोरात धावतो [QBR] तो जेव्हा रणशिंग फुंकलेले ऐकतो तेव्हा तो एका स्थळी स्थिर राहू शकत नाही. [QBR]
25. रणशिंग ऐकू येते तेव्हा घोडा घाई करतो. [QBR] त्यास दुरुनही लढाईचा वास येतो. [QBR] सेनापतींनी दिलेल्या आज्ञा आणि युध्दातले इतर अनेक आवाज त्यास ऐकू येतात. [QBR]
26. तू ज्ञानाने तू ससाण्याला पंख पसरुन [QBR] दक्षिणेकडे उडायला शिकवलेस का? [QBR]
27. आकाशात गरुडाला उंच उडायला शिकवणारा तूच का? [QBR] तूच त्यास त्याचे घरटे उंच पहाडावर बांधायला सांगितलेस का? [QBR]
28. तो उंच सुळक्यावर राहतो [QBR] तीच त्याची तटबंदी आहे [QBR]
29. त्याच्या तटबंदीवरुन आपले भक्ष्य शोधतो. [QBR] गरुडाला एवढ्या उंचीवरुन आपले भक्ष्य दिसू शकते. [QBR]
30. जेथे लोक मरण पावलेले असतात [QBR] तेथे त्यांची पिल्ले रक्त पितात.” [PE]