1. {अलीफज ईयोबाला धमकावतो} [PS] अलीफज तेमानीने उत्तर दिले आणि तो म्हणाला, [QBR]
2. “जर कोणी तुझ्यासोबत बोलण्याचा प्रयत्न केला, तर तू दु:खी होशील का? परंतू बोलण्यापासून स्वत:ला कोण आवरेल? [QBR]
3. पाहा, तू पुष्कळांना शिकवले आहेस. [QBR] तू अशक्त हातांना शक्ती दिली आहेस. [QBR]
4. तू तुझ्या शब्दांनी खाली पडणाऱ्यांना सावरले आहेस. [QBR] तू अशक्त गुडघे बळकट केले आहेस. [QBR]
5. पण आता संकटे तुझ्यावर आली आहेत, आणि तू खचला आहेस, [QBR] ते तुला स्पर्श करतात. आणि तू त्रासात पडतोस. [QBR]
6. तुझ्या देवभिरूपणाची तुला खात्री नाही काय, तुझी सात्वीकत्ता तुझ्या आशेचे मार्ग नाही काय? [QBR]
7. मी तुला विंनती करतो, कोणी निष्पाप कधी नाश पावला का? [QBR] किंवा चांगल्या लोकांचा कधी नि:पात झाला का? याच्या विषयी तू विचार कर. [QBR]
8. मी असे पाहीले आहे की जे घोर अन्यायाची नांगरणी करीतात, आणि कष्ट पेरतात ते तशीच कापणी करतात. [QBR]
9. देवाच्या श्वासाने ते नाश पावतात. [QBR] त्याच्या रागाने ते भस्म होतात. [QBR]
10. सिंहाची गर्जना, सिंहाचा विक्राळ ध्वनी नष्ट होतो, [QBR] तरूण सिंहाचे दात उपटले जातात. [QBR]
11. म्हातारा सिंह शिकार न मिळाल्यामुळे मरण पावतो, सिंहिणीचे छावे सगळीकडे पांगतात [QBR]
12. आता माझ्याकडे एक गुप्त निरोप आला, [QBR] आणि माझ्या कानी त्याची कुजबुज पडली. [QBR]
13. जेव्हा लोक गाढ झोपेत असतात, मी रात्रीच्या दृष्टांताच्या विचारात असतो, [QBR]
14. मी घाबरलो आणि माझा थरकाप झाला. [QBR] माझी सगळी हाडे थरथरा कापू लागली. [QBR]
15. एक आत्मा अगदी माझ्या चेहऱ्याजवळून गेला आणि [QBR] माझ्या शरीरावरचे केस उभे राहिले. [QBR]
16. तो आत्मा निश्चल उभा राहिला, पण त्याचा आकार मला दिसू शकला नाही, [QBR] माझ्या डोळ्यांसमोर एक आकार होता, [QBR] तेथे शांतता होती आणि वाणी असे बोलताना मी ऐकली. [QBR]
17. मर्त्य मनुष्य देवापेक्षा नितीमान असू शकतो काय? [QBR] मनुष्य त्याच्या निर्मात्यापेक्षा अधिक शुद्ध असू शकतो काय? [QBR]
18. पाहा, जर देव त्याच्या सेवकावर विश्वास ठेवत नाही. [QBR] जर त्यास त्याच्या दूतांमध्ये काही दोष आढळतो, [QBR]
19. तर जे मातीच्या घरात राहतात त्यांच्याविषयी हे किती सत्य आहे, [QBR] ज्यांच्या घरांचा पाया धुळीत आहे, [QBR] ते पंतगासारखे तितक्या लवकर चिरडले जातात? [QBR]
20. आणि सकाळपासून संध्याकाळपर्यंत ते नाश पावतात, ते कायमचे नष्ट होतात व कोणीही त्यांच्याकडे लक्ष देत नाही. [QBR]
21. त्यांच्या तंबूच्या दोऱ्या वर खेचल्या जात नाही काय? [QBR] ते मरतात, शहाणपणा न मिळवताच मरतात.” [PE]