2. तुला लिव्याथानाच्या नाकातून दोरी घालून त्यास वेसण घालता येईल का?
किंवा त्याच्या जबड्यात गळ घालता येईल का? |
5. तू पक्ष्याशी जसा खेळशील तसा लिव्याथानाशी खेळशील का?
तू त्यास दोरीने बांधशील का? तुझ्या मुली त्याच्याशी खेळू शकतील काय? |
6. मच्छीमार तुझ्याकडून लिव्याथानाला विकत घेण्याचा प्रयत्न करतील का?
ते त्याचे तुकडे करून ते व्यापाऱ्यांना विकण्याचा प्रयत्न करतील का? |
8. तू एकदा का लिव्याथानावर हात टाकलास तर पुन्हा तसे कधी करु शकणार नाहीस.
ती कशा प्रकारची लढाई असेल याचा एकदा विचार कर. |
9. तू लिव्याथानाचा पराभव करु शकशील असे तुला वाटत असेल तर ते विसरून जा.
तशा आशेला जागाच नाही. त्याच्याकडे नजर टाकताच तुझी भीतीने गाळण उडेल. |
10. एकही मनुष्य त्यास जागे करून त्याचा राग ओढवून घेण्याइतका शूर नाही.
“माझ्याविरुध्द उभा राहणाराही कोणी नाही. |
11. मला कोणी काही प्रथम दिले नाही म्हणून मी त्यांची परत फेड करू?
या नभोमंडळाखाली जे जे आहे ते सर्व माझे आहे. |
14. लिव्याथानाला त्याचा जबडा उघडायला कोणीही भाग पाडू शकत नाही.
त्याच्या तोंडातल्या दातांची लोकांस भीती वाटते. |
17. त्याचे खवले एकमेकांशी घटृ बांधलेले आहेत.
ते एकमेकांशी इतके घटृ बांधलेले आहेत की कोणी ते ओढून वेगळे करु शकत नाही. |
18. लिव्याथान जेव्हा शिंकतो तेव्हा वीज चमकल्यासारखी वाटते.
त्याचे डोळे पहाटेच्या प्रकाशासारखे चमकतात. |
24. लिव्याथानाचे हृदय पाषाणासारखे आहे.
त्यास भीती वाटत नाही ते पाट्यासारखे आहे. जात्याच्या खालच्या तळीसारखे ते आहे. |
25. लिव्याथान उठून उभा राहिला की शूर वीरही घाबरतात
लिव्याथानाने त्यांची शेपटी हलवली की ते पळून जातात. |
26. तलवारी, भाले आणि तीर त्याच्यावर फेकले तरी ते त्यास न लागता परत येतात.
त्या शस्त्रांनी त्यास काहीही इजा होत नाही. |
29. जेव्हा लाकडी गदा त्याच्यावर आपटली जाते तेव्हा त्यास ते गवत आपटल्याप्रमाणे वाटते.
लोक त्याच्यावर भाले फेकतात तेव्हा तो हसतो. |
30. लिव्याथानाच्या शरीरावरची कातडी तीक्ष्ण, टणक खापरासाखी आहे.
तो चिखलात कुळक फिरवल्याप्रमाणे तास पाडतो. |
31. लिव्याथान पाण्याला उकळी आल्याप्रमाणे हलवतो.
तो त्यास उकळत्या तेलाच्या भांड्याप्रमाणे तो त्यावर बुडबुडे आणतो. |
32. लिव्याथान पोहतो तेव्हा तो आपल्यामागे मार्ग तयार करतो.
तो पाणी ढवळून टाकतो आणि आपल्यामागे पांढरा फेस ठेवतो. |
34. लिव्याथान गर्विष्ठ प्राण्याला कमी (तुच्छ) लेखतो तो सगळ्या रानटी श्वापदांचा राजा आहे.
आणि मी, परमेश्वराने त्यास निर्माण केले आहे.” PE |