1. [QS]तुला लिव्याथानाला [* मोठा जलप्राणी ]गळ टाकून पकडता येईल का? [QE][QS]तुला त्याची जीभ दोरीने बांधता येईल का? [QE]
2. [QS]तुला लिव्याथानाच्या नाकातून दोरी घालून त्यास वेसण घालता येईल का? [QE][QS]किंवा त्याच्या जबड्यात गळ घालता येईल का? [QE]
3. [QS]लिव्याथान तुझ्याकडे सोडून देण्यासाठी याचना करील का? [QE][QS]तो तुझ्याशी मृदू शब्दात बोलेल का? [QE]
4. [QS]लिव्याथान तुझ्याशी करार करून [QE][QS]जन्मभर तुझा दास होऊन राहील का? [QE]
5. [QS]तू पक्ष्याशी जसा खेळशील तसा लिव्याथानाशी खेळशील का? [QE][QS]तू त्यास दोरीने बांधशील का? तुझ्या मुली त्याच्याशी खेळू शकतील काय? [QE]
6. [QS]मच्छीमार तुझ्याकडून लिव्याथानाला विकत घेण्याचा प्रयत्न करतील का? [QE][QS]ते त्याचे तुकडे करून ते व्यापाऱ्यांना विकण्याचा प्रयत्न करतील का? [QE]
7. [QS]तू लिव्याथानाच्या कातडीत [QE][QS]किंवा डोक्यात बरच्या फेकशील का? [QE]
8. [QS]तू एकदा का लिव्याथानावर हात टाकलास तर पुन्हा तसे कधी करु शकणार नाहीस. [QE][QS]ती कशा प्रकारची लढाई असेल याचा एकदा विचार कर. [QE]
9. [QS]तू लिव्याथानाचा पराभव करु शकशील असे तुला वाटत असेल तर ते विसरून जा. [QE][QS]तशा आशेला जागाच नाही. त्याच्याकडे नजर टाकताच तुझी भीतीने गाळण उडेल. [QE]
10. [QS]एकही मनुष्य त्यास जागे करून त्याचा राग ओढवून घेण्याइतका शूर नाही. [QE][QS]“माझ्याविरुध्द उभा राहणाराही कोणी नाही. [QE]
11. [QS]मला कोणी काही प्रथम दिले नाही म्हणून मी त्यांची परत फेड करू? [QE][QS]या नभोमंडळाखाली जे जे आहे ते सर्व माझे आहे. [QE]
12. [QS]मी तुला लिव्याथानाच्या पायांविषयी, [QE][QS]त्याच्या शक्तीविषयी आणि त्याच्या ऐटदार बांध्याविषयी सांगेन. [QE]
13. [QS]कोणीही त्याची कातडी छेदू शकत नाही. [QE][QS]त्याची जबड्यांत कोणाला शिरता येईल? [QE]
14. [QS]लिव्याथानाला त्याचा जबडा उघडायला कोणीही भाग पाडू शकत नाही. [QE][QS]त्याच्या तोंडातल्या दातांची लोकांस भीती वाटते. [QE]
15. [QS]लिव्याथानाच्या पाठीवर ढालीसारख्या [QE][QS]खवल्यांच्या रांगा एकमेकांना चिकटून आहेत. [QE]
16. [QS]ते खवले एकमेकांना इतके चिकटले आहेत की [QE][QS]त्यातून हवासुध्दा जाऊ शकत नाही. [QE]
17. [QS]त्याचे खवले एकमेकांशी घटृ बांधलेले आहेत. [QE][QS]ते एकमेकांशी इतके घटृ बांधलेले आहेत की कोणी ते ओढून वेगळे करु शकत नाही. [QE]
18. [QS]लिव्याथान जेव्हा शिंकतो तेव्हा वीज चमकल्यासारखी वाटते. [QE][QS]त्याचे डोळे पहाटेच्या प्रकाशासारखे चमकतात. [QE]
19. [QS]त्याच्या तोंडातून आगीचे लोळ बाहेर पडतात. [QE][QS]आगीच्या ठिणग्या निघतात. [QE]
20. [QS]उकळत्या भांड्याखाली ठेवलेल्या जळत्या लव्हाळ्यातून निघतो [QE][QS]तसा धूर त्याच्या नाकातून येतो. [QE]
21. [QS]लिव्याथानाच्या श्वासांनी कोळसे पेटतात आणि त्याच्या तोंडातून ज्वाला बाहेर पडतात. [QE]
22. [QS]लिव्याथानाची मान मजबूत आहे. [QE][QS]लोक त्यास घाबरतात आणि त्याच्यापासून दूर पळत सुटतात. [QE]
23. [QS]त्याच्या कातडीवर एकही मऊ भाग नाही [QE][QS]ती लोखंडासाखी कठीण आहे. [QE]
24. [QS]लिव्याथानाचे हृदय पाषाणासारखे आहे. [QE][QS]त्यास भीती वाटत नाही ते पाट्यासारखे आहे. जात्याच्या खालच्या तळीसारखे ते आहे. [QE]
25. [QS]लिव्याथान उठून उभा राहिला की शूर वीरही घाबरतात [QE][QS]लिव्याथानाने त्यांची शेपटी हलवली की ते पळून जातात. [QE]
26. [QS]तलवारी, भाले आणि तीर त्याच्यावर फेकले तरी ते त्यास न लागता परत येतात. [QE][QS]त्या शस्त्रांनी त्यास काहीही इजा होत नाही. [QE]
27. [QS]तो लोखाडास गवताच्या काडीसारखे मोडू शकतो [QE][QS]कुजलेले लाकूड जसे पटकन मोडते तसे तो पितळ मोडतो. [QE]
28. [QS]तो बाणांना घाबरुन पळून जात नाही [QE][QS]वाळलेल्या गवताप्रमाणे दगड त्याच्यावर आपटून परत येतात. [QE]
29. [QS]जेव्हा लाकडी गदा त्याच्यावर आपटली जाते तेव्हा त्यास ते गवत आपटल्याप्रमाणे वाटते. [QE][QS]लोक त्याच्यावर भाले फेकतात तेव्हा तो हसतो. [QE]
30. [QS]लिव्याथानाच्या शरीरावरची कातडी तीक्ष्ण, टणक खापरासाखी आहे. [QE][QS]तो चिखलात कुळक फिरवल्याप्रमाणे तास पाडतो. [QE]
31. [QS]लिव्याथान पाण्याला उकळी आल्याप्रमाणे हलवतो. [QE][QS]तो त्यास उकळत्या तेलाच्या भांड्याप्रमाणे तो त्यावर बुडबुडे आणतो. [QE]
32. [QS]लिव्याथान पोहतो तेव्हा तो आपल्यामागे मार्ग तयार करतो. [QE][QS]तो पाणी ढवळून टाकतो आणि आपल्यामागे पांढरा फेस ठेवतो. [QE]
33. [QS]पृथ्वीवरचा एकही पशू लिव्याथानासारखा नाही. [QE][QS]तो एक भीतिविरहित प्राणी आहे. [QE]
34. [QS]लिव्याथान गर्विष्ठ प्राण्याला कमी (तुच्छ) लेखतो तो सगळ्या रानटी श्वापदांचा राजा आहे. [QE][QS]आणि मी, परमेश्वराने त्यास निर्माण केले आहे.” [QE]