1. तुला लिव्याथानाला [* मोठा जलप्राणी] गळ टाकून पकडता येईल का? [QBR] तुला त्याची जीभ दोरीने बांधता येईल का? [QBR]
2. तुला लिव्याथानाच्या नाकातून दोरी घालून त्यास वेसण घालता येईल का? [QBR] किंवा त्याच्या जबड्यात गळ घालता येईल का? [QBR]
3. लिव्याथान तुझ्याकडे सोडून देण्यासाठी याचना करील का? [QBR] तो तुझ्याशी मृदू शब्दात बोलेल का? [QBR]
4. लिव्याथान तुझ्याशी करार करून [QBR] जन्मभर तुझा दास होऊन राहील का? [QBR]
5. तू पक्ष्याशी जसा खेळशील तसा लिव्याथानाशी खेळशील का? [QBR] तू त्यास दोरीने बांधशील का? तुझ्या मुली त्याच्याशी खेळू शकतील काय? [QBR]
6. मच्छीमार तुझ्याकडून लिव्याथानाला विकत घेण्याचा प्रयत्न करतील का? [QBR] ते त्याचे तुकडे करून ते व्यापाऱ्यांना विकण्याचा प्रयत्न करतील का? [QBR]
7. तू लिव्याथानाच्या कातडीत [QBR] किंवा डोक्यात बरच्या फेकशील का? [QBR]
8. तू एकदा का लिव्याथानावर हात टाकलास तर पुन्हा तसे कधी करु शकणार नाहीस. [QBR] ती कशा प्रकारची लढाई असेल याचा एकदा विचार कर. [QBR]
9. तू लिव्याथानाचा पराभव करु शकशील असे तुला वाटत असेल तर ते विसरून जा. [QBR] तशा आशेला जागाच नाही. त्याच्याकडे नजर टाकताच तुझी भीतीने गाळण उडेल. [QBR]
10. एकही मनुष्य त्यास जागे करून त्याचा राग ओढवून घेण्याइतका शूर नाही. [QBR] “माझ्याविरुध्द उभा राहणाराही कोणी नाही. [QBR]
11. मला कोणी काही प्रथम दिले नाही म्हणून मी त्यांची परत फेड करू? [QBR] या नभोमंडळाखाली जे जे आहे ते सर्व माझे आहे. [QBR]
12. मी तुला लिव्याथानाच्या पायांविषयी, [QBR] त्याच्या शक्तीविषयी आणि त्याच्या ऐटदार बांध्याविषयी सांगेन. [QBR]
13. कोणीही त्याची कातडी छेदू शकत नाही. [QBR] त्याची जबड्यांत कोणाला शिरता येईल? [QBR]
14. लिव्याथानाला त्याचा जबडा उघडायला कोणीही भाग पाडू शकत नाही. [QBR] त्याच्या तोंडातल्या दातांची लोकांस भीती वाटते. [QBR]
15. लिव्याथानाच्या पाठीवर ढालीसारख्या [QBR] खवल्यांच्या रांगा एकमेकांना चिकटून आहेत. [QBR]
16. ते खवले एकमेकांना इतके चिकटले आहेत की [QBR] त्यातून हवासुध्दा जाऊ शकत नाही. [QBR]
17. त्याचे खवले एकमेकांशी घटृ बांधलेले आहेत. [QBR] ते एकमेकांशी इतके घटृ बांधलेले आहेत की कोणी ते ओढून वेगळे करु शकत नाही. [QBR]
18. लिव्याथान जेव्हा शिंकतो तेव्हा वीज चमकल्यासारखी वाटते. [QBR] त्याचे डोळे पहाटेच्या प्रकाशासारखे चमकतात. [QBR]
19. त्याच्या तोंडातून आगीचे लोळ बाहेर पडतात. [QBR] आगीच्या ठिणग्या निघतात. [QBR]
20. उकळत्या भांड्याखाली ठेवलेल्या जळत्या लव्हाळ्यातून निघतो [QBR] तसा धूर त्याच्या नाकातून येतो. [QBR]
21. लिव्याथानाच्या श्वासांनी कोळसे पेटतात आणि त्याच्या तोंडातून ज्वाला बाहेर पडतात. [QBR]
22. लिव्याथानाची मान मजबूत आहे. [QBR] लोक त्यास घाबरतात आणि त्याच्यापासून दूर पळत सुटतात. [QBR]
23. त्याच्या कातडीवर एकही मऊ भाग नाही [QBR] ती लोखंडासाखी कठीण आहे. [QBR]
24. लिव्याथानाचे हृदय पाषाणासारखे आहे. [QBR] त्यास भीती वाटत नाही ते पाट्यासारखे आहे. जात्याच्या खालच्या तळीसारखे ते आहे. [QBR]
25. लिव्याथान उठून उभा राहिला की शूर वीरही घाबरतात [QBR] लिव्याथानाने त्यांची शेपटी हलवली की ते पळून जातात. [QBR]
26. तलवारी, भाले आणि तीर त्याच्यावर फेकले तरी ते त्यास न लागता परत येतात. [QBR] त्या शस्त्रांनी त्यास काहीही इजा होत नाही. [QBR]
27. तो लोखाडास गवताच्या काडीसारखे मोडू शकतो [QBR] कुजलेले लाकूड जसे पटकन मोडते तसे तो पितळ मोडतो. [QBR]
28. तो बाणांना घाबरुन पळून जात नाही [QBR] वाळलेल्या गवताप्रमाणे दगड त्याच्यावर आपटून परत येतात. [QBR]
29. जेव्हा लाकडी गदा त्याच्यावर आपटली जाते तेव्हा त्यास ते गवत आपटल्याप्रमाणे वाटते. [QBR] लोक त्याच्यावर भाले फेकतात तेव्हा तो हसतो. [QBR]
30. लिव्याथानाच्या शरीरावरची कातडी तीक्ष्ण, टणक खापरासाखी आहे. [QBR] तो चिखलात कुळक फिरवल्याप्रमाणे तास पाडतो. [QBR]
31. लिव्याथान पाण्याला उकळी आल्याप्रमाणे हलवतो. [QBR] तो त्यास उकळत्या तेलाच्या भांड्याप्रमाणे तो त्यावर बुडबुडे आणतो. [QBR]
32. लिव्याथान पोहतो तेव्हा तो आपल्यामागे मार्ग तयार करतो. [QBR] तो पाणी ढवळून टाकतो आणि आपल्यामागे पांढरा फेस ठेवतो. [QBR]
33. पृथ्वीवरचा एकही पशू लिव्याथानासारखा नाही. [QBR] तो एक भीतिविरहित प्राणी आहे. [QBR]
34. लिव्याथान गर्विष्ठ प्राण्याला कमी (तुच्छ) लेखतो तो सगळ्या रानटी श्वापदांचा राजा आहे. [QBR] आणि मी, परमेश्वराने त्यास निर्माण केले आहे.” [PE]