1. “आता आरोळी मार, तुला उत्तर देईल असा कोण आहे? असा कोण एक धार्मिक आहे का ज्याच्याकडे तू जावे? [QBR]
2. मूर्ख मनुष्याचा राग त्यास मारुन टाकतो, [QBR] जळफळाट मुर्खाला ठार मारतो. [QBR]
3. मी मूर्ख व्यक्तीस मुळावलेले पाहीले, परंतु [QBR] अचानक मी त्याच्या घराचा तिरस्कार केला. [QBR]
4. त्याची मुले सुरक्षिततेपासून फार दूर आहेत, ते शहराच्या वेशीत चिरडले जातील. [QBR] त्यांना तारणारा कोणीही राहणार नाही [QBR]
5. भुकेल्या मनुष्यांनी त्याची उभी पिके खाऊन टाकली, [QBR] काट्याकुटयात वाढलेले धान्यही लोकांनी सोडले नाही, लोभी मनुष्यांनी सर्वकाही नेले. [QBR]
6. अडचणी मातीतून येत नाहीत, [QBR] किंवा संकटे रानातून उगवत नाहीत. [QBR]
7. परंतू जशा ठिणग्या वर उडतात, तसा मनुष्य स्वतःहा विघ्न निर्माण करतो. [QBR]
8. परंतू माझ्यासाठी, मी स्वतःह देवाकडेच वळलो असतो, [QBR] त्याच्याकडे मी माझे गाऱ्हाने कबूल केले असते. [QBR]
9. तो ज्या आश्चर्यकारक गोष्टी करतो, [QBR] त्याच्या अद्भुत गोष्टींची सीमा नाही. [QBR]
10. तो पृथ्वीवर पाऊस देतो. [QBR] आणि शेतांवर पाणी पाठवतो. [QBR]
11. तो नम्र लोकांस उच्चस्थानी बसवतो [QBR] आणि जे राखेत बसून शोक करतात त्यांना तो सुरक्षीत उठवतो. [QBR]
12. तो धूर्तांचे कार्य निष्फळ करतो, [QBR] म्हणजे त्यांच्या हांताचे कट सिध्दीस जाणार नाहीत. [QBR]
13. तो शहाण्यास त्याच्याच धुर्ततेच्या जाळ्यात अडकवितो, [QBR] तो हूशार लोंकाच्या मसलती लवकर संपुष्टात आणतो. [QBR]
14. त्यांचा भर दिवसाच अंधराशी सामना होतो, [QBR] दिवसा मध्यान्ह्यात ते रात्र असल्यासारखे चाचपडतात. [QBR]
15. त्यांच्या मुखांतील तलवारीपासून तो दरीद्री मनुष्यास, [QBR] आणि बलंवताच्या हातातून गरजवंत मनुष्यास सोडवतो [QBR]
16. म्हणून दरिद्री मनुष्यास आशा आहे, [QBR] आणि अन्याय आपले तोंड बंद करते. [QBR]
17. पाहा, ज्या मनुष्याला देव दुरूस्त करतो तो सुखी आहे, [QBR] म्हणून सर्वशक्तिमानाच्या शिक्षेचा अवमान करु नकोस. [QBR]
18. तोच जखम करतो आणि नंतर तोच पट्टी बांधतो. [QBR] तो जखमा करतो आणि नंतर त्याच्याच हाताने बरे करतो. [QBR]
19. सहा संकटामधून तो तुझा बचाव करील, [QBR] खरोखर, सातही संकटात, दुष्ट तुला स्पर्श करणार नाही. [QBR]
20. दुष्काळात (अवर्षण) तो तुला मृत्यूपासून आणि [QBR] लढाईत तलवारीपासून वाचवेल. [QBR]
21. जिभेच्या दुःखदायी वाऱ्यापासून तू झाकला जाशील, [QBR] आणि विनाश तूझ्यावर येईल तेव्हा तू त्यास भिणार नाहीस. [QBR]
22. तू विनाशात व दुष्काळात (अवर्षण) हसशील. [QBR] आणि तुला रानपशूंची भीती वाटणार नाही. [QBR]
23. तुझ्या भूमीतील पाषाणाशीही तुझा करार होईल, [QBR] जंगली पशूशीही तू शांतीने राहशील [QBR]
24. तुला समजेल तुझा तंबू त्याच्यामध्ये सुरक्षित आहे, [QBR] तू तुझ्या कळपाची पाहणी करशील आणि तुला काही कमतरता आढळणार नाही. [QBR]
25. तुझे घराणे समृध्द होईल. वनातील कुरणासारखी तुझी संतती वाढेल असे तू पाहाशील. [QBR]
26. जशी कापणीच्या वेळी वाळलेली गव्हाची पेंढी मळणीसाठी आणतात तसा तू वयोवृध्द होऊन कबरेत येशील. [QBR]
27. पाहा, आम्ही या साऱ्यांचा अभ्यास केला आहे आणि ते सर्व खरे आहे. [QBR] म्हणून तू आमचे ऐक. आणि त्यातून स्वत:साठी काही शिक.” [PE]