1. {#1देशाची टोळांकडून नासाडी }
2. [PS]पथूएलाचा मुलगा योएल, ह्याच्याकडे परमेश्वराचे वचन आले ते हे. [PE][QS]अहो वडिलांनो, हे ऐका, [QE][QS]आणि देशात राहणाऱ्या तुम्ही सर्वांनी कान द्या. [QE][QS]तुमच्या पूर्वजांच्या दिवसात [QE][QS]किंवा तुमच्या दिवसात पूर्वी कधी असे हे घडले काय? [QE]
3. [QS]ह्याविषयी आपल्या मुलाबाळांना सांगा, [QE][QS]आणि तुमच्या मुलांनी आपल्या मुलाबाळांना सांगावे, [QE][QS]व त्यांच्या मुलांनी आपल्या पुढच्या पिढीस सांगावे. [QE]
4. [QS]कुरतडणाऱ्या टोळापासून जे राहिले ते झुंडीने येणाऱ्या टोळांनी खाल्ले; [QE][QS]झुंडीने येणाऱ्या टोळापासून जे राहिले ते चाटून खाणाऱ्या टोळांनी खाल्ले; [QE][QS]आणि चाटून खाणाऱ्या टोळापासून, जे राहिले ते अधाशी टोळांनी खाल्ले. [QE]
5. [QS]दारू पिणाऱ्यांनो, तुम्ही जागे व्हा व रडा! [QE][QS]तुम्ही सर्व दारू पिणाऱ्यांनो, आक्रोश करा, [QE][QS]कारण गोड दारू तुमच्यापासून काढून घेतली आहे. [QE]
6. [QS]कारण एक राष्ट्र माझ्या देशावर आले आहे, [QE][QS]ते बळकट व अगणित आहेत. [QE][QS]त्यांचे दात सिंहाचे आहेत, [QE][QS]आणि त्यांना सिंहिणीचे दात आहेत[* प्रक. 9:7-10 पाहा ]. [QE]
7. [QS]त्यांनी माझा द्राक्षमळा घाबरून सोडवण्याची जागा केली आहे [QE][QS]आणि माझ्या अंजिराचे झाड सोलून उघडे केले आहे. [QE][QS]त्यांने साल सोलून दूर फेकली आहे. [QE][QS]फांद्या उघड्या करून पांढऱ्या केल्या आहेत. [QE]
8. [QS]जशी कुमारी गोणताट नेसून आपल्या तरुणपणाच्या पतीकरता शोक करते, तसा शोक करा. [QE]
9. [QS]परमेश्वराच्या मंदिरातून अन्नार्पणे व पेयार्पणे नाहीसे झाले आहेत. [QE][QS]परमेश्वराची सेवा करणारे याजक शोक करत आहेत. [QE]
10. [QS]शेतांचा नाश झाला आहे. [QE][QS]आणि भूमी रडते[† सुकून गेली आहे ]. [QE][QS]कारण धान्याचा नाश झाला आहे, [QE][QS]नवा द्राक्षरस सुकून गेला आहे [QE][QS]आणि तेल नासले आहे. [QE]
11. [QS]तुम्ही शेतकऱ्यांनो, गहू व जवाबद्दल लज्जित व्हा, [QE][QS]आणि द्राक्षमळेवाल्यांनो, [QE][QS]गहू व जवसासाठी आक्रोश करा, [QE][QS]कारण शेतातील पीक नष्ट झाले आहे. [QE]
12. [QS]द्राक्षवेली शुष्क झाल्या आहेत, आणि अंजिराचे झाड सुकून गेले आहे, [QE][QS]डाळिंबाचे झाड, खजुराचे झाड आणि सफरचंदाचे झाड [QE][QS]अशी शेतातील सर्व झाडेसुद्धा शुष्क झाली आहेत. [QE][QS]मानवजातीच्या वंशातून आनंद नष्ट झाला आहे. [QE]
13. [QS]याजकांनो, गोणताट घाला आणि शोक करा! [QE][QS]वेदीची सेवा करणाऱ्यांनो, आक्रोश करा. [QE][QS]माझ्या परमेश्वराच्या सेवकांनो, या, तुम्ही पूर्ण रात्र गोणताट घालून राहा. [QE][QS]कारण तुमच्या देवाच्या मंदिरात यापुढे अन्नार्पणे व पेयार्पणे अडकवून ठेवलेली आहेत. [QE]
14. [QS]पवित्र उपास नेमा, [QE][QS]आणि पवित्र सभेसाठी लोकांस एकत्र बोलवा. [QE][QS]तुमचा देव परमेश्वर याच्या मंदिरात वडिलांस व देशात राहणाऱ्या लोकांस एकत्र गोळा करा. [QE][QS]आणि परमेश्वरास आरोळी मारा. [QE]
15. [QS]त्या भयानक दिवसाकरता हायहाय! [QE][QS]कारण परमेश्वराचा दिवस जवळ आला आहे. [QE][QS]सर्वसमर्थ देवापासून जसा नाश तसा तो येईल. [QE]
16. [QS]आमच्या डोळ्यादेखत आमचे अन्न काढून घेतले, [QE][QS]आणि देवाच्या मंदिरातील आनंद व उल्लास नष्ट झाले नाहीत काय? [QE]
17. [QS]बियाणे त्यांच्या ढेकळाखाली कुजून गेले आहे, [QE][QS]धान्याची कोठारे ओसाड झाली आहेत, [QE][QS]कोठ्या खाली पाडल्या गेल्या आहेत, [QE][QS]कारण धान्य सुकून गेले आहे. [QE]
18. [QS]प्राणी कसे कण्हत आहेत! [QE][QS]गुरांचे कळप घाबरले आहेत. त्यांना खाण्यास कुरणे नाहीत. [QE][QS]मेंढ्यांचे कळपसुद्धा पीडले आहेत. [QE]
19. [QS]हे परमेश्वरा, मी तुझा धावा करतो. [QE][QS]कारण आग्नीने रानातील कुरणे खाऊन टाकली आहेत. [QE][QS]आणि शेतातील सर्व झाडे ज्वालांनी भस्म केली आहेत. [QE]
20. [QS]रानातील वनपशूंनासुध्दा तुझी उत्कंठा लागली आहे, [QE][QS]कारण पाण्याचे ओहोळ कोरडे झाले आहेत [QE][QS]आणि आग्नीने रानातील कुरणे खाऊन टाकली आहेत. [QE]