1. {#1प्रस्तावना } [PS]ज्या गोष्टींची आम्हास पक्की खातरी आहे त्या गोष्टी जे प्रारंभापासून प्रत्यक्ष पाहाणारे व शब्दाचे सेवक होते,
2. त्यांनी त्या जशा आम्हास सोपवून दिल्या त्या तशाच सांगाव्या म्हणून त्यांविषयीचा वृत्तांत अनुक्रमाने लिहून काढण्याचे काम पुष्कळांनी हाती घेतले आहे.
3. म्हणून हे थियफिला महाराज, मी सर्व गोष्टींचा मुळापासून चांगला शोध केल्यामुळे मलाही हे बरे वाटले की, या सर्व घटनांविषयीची माहिती आपणाला व्यवस्थित पणे माहिती लिहावी.
4. यासाठी की ज्या गोष्टींचे शिक्षण आपल्याला मिळाले आहे त्यांचा निश्चितपणा आपण पूर्णपणे जाणावा. [PE]
5. {#1बाप्तिस्मा करण्याऱ्या योहानाच्या जन्माचे भविष्य } [PS]यहूदीया प्रांताचा राजा हेरोद याच्या दिवसात, जखऱ्या नावाचा कोणी याजक होता. तो अबीयाच्या याजक घराण्यातील असून त्याची पत्नी अहरोनाच्या वंशातील होती व तिचे नाव अलीशिबा होते.
6. ते दोघेही देवापुढे नीतिमान होते आणि प्रभूच्या सर्व आज्ञा व विधीत निर्दोषपणे चालत असत.
7. परंतु त्यांना मूल नव्हते कारण अलीशिबा वांझ होती, शिवाय ते दोघेही फार म्हातारे झाले होते. [PE]
8. [PS]मग असे झाले की, तो आपल्या वर्गाच्या अनुक्रमाने देवापुढे त्याचे याजकाचे काम करत असता,
9. याजकांच्या रीतीप्रमाणे परमेश्वराच्या भवनात धूप जाळण्यासाठी चिठ्ठ्या टाकून त्याची निवड करण्यात आली.
10. आणि लोकांचा सगळा जमाव धूप जाळण्याच्या वेळेस बाहेर प्रार्थना करीत उभा होता.
11. तेव्हा परमेश्वराचा दूत, धूपवेदीच्या उजव्या बाजूला उभा असलेला त्याच्या दृष्टीस पडला.
12. त्यास पाहून जखऱ्या भयभीत झाला.
13. परंतु देवदूत त्यास म्हणाला, जखऱ्या भिऊ नको, कारण तुझी प्रार्थना ऐकण्यात आली आहे आणि तुझी पत्नी अलीशिबा हिच्याकडून तुला पुत्र होईल, तू त्याचे नाव योहान ठेव.
14. तेव्हा तुला आनंद व उल्लास होईल आणि त्याच्या जन्माने पुष्कळ लोक हर्षित होतील.
15. कारण तो परमेश्वराच्या दृष्टीने महान होईल आणि तो द्राक्षरस किंवा मद्य कधीच पिणार नाही व तो आईच्या गर्भात असतांनाच पवित्र आत्म्याने भरलेला असेल.
16. तो इस्राएलाच्या संतानांतील अनेकांना, प्रभू त्यांचा देव याच्याकडे वळविण्यास कारणीभूत ठरेल.
17. आणि देवासाठी सिद्ध झालेले असे लोक तयार करायला, वडिलांची अंतःकरणे मुलांकडे आणि आज्ञा न मानणार्‍यांना नीतिमानांच्या ज्ञानाकडे वळवून प्रभूसाठी तयार केलेली प्रजा उभी करावयाला तो एलीयाच्या आत्म्याने आणि सामर्थ्याने त्यांच्यापुढे चालेल.
18. मग जखऱ्या देवदूताला म्हणाला, “हे घडणारच असे मी कशावरुन समजू? कारण मी वृद्ध मनुष्य आहे आणि माझी पत्नीसुद्धा उतारवयात आहे.”
19. देवदूताने त्यास उत्तर दिले, “मी देवाच्या पुढे उभा राहणारा गब्रीएल आहे आणि तुझ्याशी बोलायला व तुलाही सुवार्ता सांगायला मला पाठविण्यात आले आहे.
20. पाहा, हे घडेपर्यंत तुला बोलता येणार नाही व तू मुका राहशील कारण माझे शब्द जे योग्यवेळी पूर्णपणे खरे ठरणार आहेत त्या माझ्या शब्दांवर तू विश्वास ठेवला नाहीस.”
21. तेव्हा जखऱ्याची वाट पाहणाऱ्या लोकांस तो परमेश्वराच्या भवनात इतका वेळ का राहिला याचे आश्चर्य वाटले.
22. तो बाहेर आल्यावर त्यास त्यांच्याबरोबर बोलता येईना. तेव्हा त्यांना जाणिव झाली की, परमेश्वराच्या भवनात त्याने दृष्टांत पाहिला आहे. तो त्यांना खुणा करत होता परंतु तो तसाच मुका राहीला.
23. मग असे झाले की त्याच्या सेवेचा कालावधी पूर्ण झाल्यावर तो घरी परत गेला.
24. त्या दिवसानंतर त्याची पत्नी अलीशिबा गरोदर राहिली व पाच महिने लपून राहिली, ती म्हणाली,
25. लोकांमध्ये माझा होणारा अनादर दूर करण्यासाठी प्रभूने माझ्याकडे पाहिले तेव्हा त्याने माझ्यासाठी असे केले. [PE]
26. {#1कुमारी मरीयेला देवदूताचा संदेश } [PS]अलीशिबेच्या गरोदरपणाच्या सहाव्या महिन्यात देवाने गब्रीएल दूताला गालील प्रांतातील नासरेथ नावाच्या गावी,
27. एका कुमारीकडे पाठवले. तिची दाविदाच्या घराण्यातील योसेफ नावाच्या मनुष्याशी मागणी झाली होती आणि त्या कुमारीचे नाव मरीया होते.
28. देवदूत तिच्याकडे येऊन म्हणाला, अभिवादन! तुझ्यावर कृपा झालेली आहे. प्रभू तुझ्याबरोबर आहे.
29. परंतु ती त्याच्या शब्दाने अस्वस्थ झाली आणि या अभिवादनाचा अर्थ काय असावा याचे ती नवल करू लागली.
30. देवदूत तिला म्हणाला, “मरीये, भिऊ नकोस, देवाने तुझ्यावर कृपा केली आहे.
31. पाहा! तू गरोदर राहशील आणि तुला मुलगा होईल त्याचे नाव तू येशू ठेव.
32. तो महान होईल व त्यास थोर देवाचा पुत्र म्हणतील आणि प्रभू देव त्यास त्याचा पिता दावीद याचे राजासन देईल.
33. तो याकोबाच्या घराण्यावर सर्वकाळासाठी राज्य चालवील आणि त्याच्या राज्याचा अंत होणार नाही.”
34. तेव्हा मरीया दूताला म्हणाली, हे कसे होईल? कारण मला पुरूष ठाऊक नाही.
35. देवदूत तिला म्हणाला, पवित्र आत्मा तुझ्यावर येईल आणि थोर देवाचे सामर्थ्य तुझ्यावर सावली करील आणि म्हणून जे पवित्र बाळ जन्मास येईल, त्यास देवाचा पुत्र म्हणतील.
36. बघ, तुझी नातेवाईक अलीशिबा ही सुद्धा म्हातारपणात गरोदर असून तिला पुत्रगर्भ राहीला आहे आणि जिला वांझ म्हणले जाई तिला आता सहावा महिना आहे.
37. कारण देवाला कोणतीही गोष्ट अशक्य नाही.
38. मरीया म्हणाली, खरोखर “मी प्रभूची दासी आहे, आपल्या म्हणण्याप्रमाणे मला होवो.” मग देवदूत तिच्यापासून निघून गेला. [PE]
39. {#1मरीया अलीशिबेला भेटते } [PS]त्या दिवसात मरीया उठली आणि घाईने यहूदीया प्रांताच्या डोंगराळ भागातील एका नगरात गेली.
40. तिने जखऱ्याच्या घरात प्रवेश केला आणि अलीशिबेला अभिवादन केले.
41. जसे मरीयेचे अभिवादन अलीशिबेने ऐकले तिच्या उदरातील बाळाने उडी मारली आणि अलीशिबा पवित्र आत्म्याने भरली.
42. ती उंच स्वर काढून मोठ्याने म्हणाली, “स्त्रियांमध्ये तू धन्यवादित आहेस आणि तुझ्या पोटचे फळ धन्य आहे.
43. माझ्या प्रभूच्या मातेने मजकडे यावे हा मान मला कोठून?”
44. जेव्हा तुझ्या अभिवादनाची वाणी माझ्या कानी पडली, तेव्हा माझ्या उदरातील बाळाने आनंदाने उडी मारली
45. जिने विश्वास ठेवला ती धन्य आहे, कारण ज्या गोष्टी प्रभूने तिला सांगितल्या त्याची पूर्णता होईल? [PE]
46. {#1मरीयेचे स्तोत्र } [PS]मरीया म्हणाली, [PE][QS]“माझा जीव प्रभूला थोर मानतो, [QE]
47. [QS]आणि देव जो माझा तारणारा याच्या ठायी [QE][QS]माझा आत्मा आनंदीत झाला आहे. [QE]
48. [QS]कारण त्याने आपल्या दासीची दैन्य अवस्था पाहीली. [QE][QS]आतापासून मला सर्व पिढ्या धन्य म्हणतील. [QE]
49. [QS]कारण जो सर्वसमर्थ आहे [QE][QS]त्याने माझ्यासाठी मोठी कामे केली आहेत; [QE][QS]आणि त्याचे नाव पवित्र आहे. [QE]
50. [QS]जे त्याचे भय धरतात [QE][QS]त्यांच्यावर त्याची दया पिढ्यानपिढ्या आहे [QE]
51. [QS]त्याने त्याच्या हाताने सामर्थ्याची कार्ये केली आहेत; [QE][QS]जे गर्विष्ठ अंतःकरणाचे आहेत [QE][QS]त्यांची त्याने पांगापांग केली आहे. [QE]
52. [QS]त्याने राज्य करणाऱ्यांना [QE][QS]त्यांच्या राजासनांवरून ओढून काढले आहे [QE][QS]आणि गरीबास उंचावले आहे. [QE]
53. [QS]त्याने भूकेल्यास चांगल्या पदार्थांने तृप्त केले आहे. [QE][QS]आणि धनवानास रिकाम्या हाताने परत पाठवले आहे. [QE]
54. [QS]दयेपोटी त्याने आपला सेवक इस्राएल याला साहाय्य केले आहे. [QE]
55. [QS]आपल्या पूर्वजास त्याने सांगितल्याप्रमाणे अब्राहाम [QE][QS]व त्याचे संतान यांच्यावरील दया सर्वकाळ स्मरण करावी. [QE]
56. [PS]त्याने आपला सेवक इस्राएल याला साहाय्य केले आहे.” [PE]{#1बाप्तिस्मा करणाऱ्या योहानाचा जन्म }
57. [PS]अलीशिबेबरोबर तीन महीने राहिल्यानंतर मरीया आपल्या घरी परत गेली. [PE][PS]अलीशिबेची प्रसूतीची वेळ आल्यावर, तिने एका मुलास जन्म दिला.
58. प्रभूने तिच्यावर मोठी दया केली आहे, हे तिच्या शेजाऱ्यांनी व नातेवाईकांनी ऐकले आणि ते तिच्या आनंदात सहभागी झाले.
59. मग असे झाले की, आठव्या दिवशी मुलाची सुंता करण्यासाठी ते आले असता, त्याच्या पित्याच्या नावाप्रमाणे ते बाळाचे नाव देखील जखऱ्या ठेवणार होते.
60. परंतु त्याच्या आईने उत्तर दिले, नाही त्याऐवजी त्याचे नाव योहान ठेवायचे आहे.
61. ते तिला म्हणाले, तुझ्या नातलगात या नावाचा कोणीच नाही.
62. नंतर त्यांनी त्याच्या वडिलांना हातवारे करून विचारले, याचे नाव काय ठेवावे, अशी तुझी इच्छा आहे
63. तेव्हा त्याने लिहिण्यासाठी पाटी मागितली आणि, त्याचे नाव योहान आहे, असे लिहीले यावरुन त्या सर्वांना खूपच आश्चर्य वाटले.
64. त्याच क्षणी त्याचे तोंड उघडले व त्याची जीभ मोकळी झाली आणि तो बोलू लागला व देवाला धन्यवाद देऊ लागला.
65. तेव्हा सर्व शेजारी भयभीत झाले आणि यहूदीया प्रांताच्या सर्व डोंगराळ प्रदेशात लोक या सर्व गोष्टींबद्दल बोलू लागले.
66. जे कोणी हे ऐकले ते प्रत्येकजण मनात विचार करत होते, ते म्हणाले, हे मूल पुढे कोण होणार आहे? प्रभू त्याच्याबरोबर आहे असे त्यांच्या लक्षात आले. [PE]
67. {#1जखऱ्याचे स्तोत्र }
68. [PS]त्याचा पिता जखऱ्या पवित्र आत्म्याने भरला आणि त्यानेही भविष्यवाणी केली; तो म्हणाला, [PE][QS]“इस्राएलाचा देव प्रभू, ह्याची स्तुती असो, [QE][QS]कारण त्याने आपल्या लोकांची भेट घेतली [QE][QS]आणि लोकांची खंडणी भरून सुटका केली. [QE]
69. [QS]त्याने आपला सेवक दावीद याच्या घराण्यातून [QE][QS]आमच्यासाठी सामर्थ्यशाली तारणारा दिला आहे. [QE]
70. [QS]हे देवाने त्याच्या पवित्र संदेष्ट्यांद्वारे युगाच्या प्रारंभापासून सांगितले होते. [QE]
71. [QS]जे आमचे शत्रू आहेत व जे आमचा द्वेष करतात [QE][QS]त्यांच्यापासून सुटका करण्याचे अभिवचन त्याने आम्हास दिले. [QE]
72. [QS]आमच्या पूर्वजांवर दया दाखविण्यासाठी तो हे करणार आहे [QE][QS]व आपल्या पवित्र कराराची आठवण ठेवणार आहे, [QE]
73. [QS]हा करार एक शपथ होती [QE][QS]जी त्याने आमचा पूर्वज अब्राहामाला वाहिली. [QE]
74. [QS]ती अशी की, तुम्ही आपल्या शत्रूच्या हातातून सोडवले जाऊन, [QE]
75. [QS]माझ्यासमोर पवित्रतेने व नीतिमत्त्वाने आयुष्यभर माझी सेवा निर्भयपणे कराल, [QE][QS]असे मी करीन. [QE]
76. [QS]हे बालका, तुला परात्पराचा संदेष्टा म्हणतील [QE][QS]कारण प्रभूचे मार्ग सिद्ध करण्याकरीता तू त्यांच्यापुढे चालशील. [QE]
77. [QS]यासाठी की, त्याच्या लोकांस त्यांच्या पापांच्या क्षमेने तारणाचा अनुभव द्यावा. [QE]
78. [QS]देवाच्या दयेमुळे स्वर्गीय दिवसाची पहाट उजाडेल [QE][QS]व मरणाच्या दाट छायेत जे जगत आहेत त्यांच्यावर प्रकाशेल. [QE]
79. [QS]तिच्याकडून जे अंधारात आहेत [QE][QS]व मृत्युच्या छायेत बसले आहेत त्यांना प्रकाश देण्यासाठी [QE][QS]आणि आमचे पाय शांतीच्या मार्गास लावण्यासाठी [QE][QS]दिवसाचा उदय करून आमची भेट घेईल.” [QE]
80. [PS]मग तो मुलगा वाढत गेला आणि आत्म्यात सामर्थ्यशाली झाला. इस्राएल लोकांस प्रकट होण्याच्या दिवसापर्यंत तो अरण्यात राहिला. [PE]