1. ज्याला शिक्षण प्रिय त्यास ज्ञान प्रिय, [QBR] परंतु जो कोणी शासनाचा द्वेष करतो तो मूर्ख आहे. [QBR]
2. परमेश्वर चांगल्या मनुष्यास कृपा देतो, [QBR] पण वाईट योजना करणाऱ्याला तो दोषी ठरवतो. [QBR]
3. दुष्टतेने मनुष्य स्थिर होत नाही, [QBR] पण नीतिमानाचे उच्चाटण होणार नाही. [QBR]
4. सद्गुणी पत्नी आपल्या पतीचा मुकुट आहे, [QBR] परंतु जी कोणी लाज आणणारी ती त्याची हाडे सडविणाऱ्या रोगासारखी आहे. [QBR]
5. नीतिमानाच्या योजना यथान्याय असतात, [QBR] पण दुष्टांचा सल्ला कपटाचा असतो. [QBR]
6. दुष्टांचे शब्द रक्तपात घडून आणण्यासाठी दबा धरून थांबतात, [QBR] परंतु न्यायीचे शब्द त्यास सुरक्षित ठेवतात. [QBR]
7. दुर्जन उलथून टाकले जातात आणि नाहीसे होतात, [QBR] पण नीतिमानाचे घर टिकते. [QBR]
8. मनुष्याची प्रशंसा त्याच्या सुज्ञतेप्रमाणे होते, [QBR] पण जो विकृत निवड करतो त्याचा तिरस्कार होतो. [QBR]
9. जो आपणास प्रतिष्ठित दाखवतो पण त्याच्याकडे अन्न नसते; [QBR] त्यापेक्षा ज्याची प्रतिष्ठा बेताची असून फक्त सेवक असतो तो चांगला समजायचा. [QBR]
10. नीतिमान आपल्या प्राण्यांविषयीच्या गरजांची काळजी घेतो, [QBR] पण दुष्टाचे दयाळूपणही क्रूर असते. [QBR]
11. जो कोणी आपल्या शेतात कष्ट करतो त्याच्याकडे विपुल अन्न असते, [QBR] पण जो निरर्थक योजनेमागे धावतो तो बुद्धिहीन आहे. [QBR]
12. दुसऱ्यापासून चोरल्याची इच्छा दुर्जन करतो, [QBR] पण नितीमानाचे फळ ते स्वतःपासून येते. [QBR]
13. दुष्ट मनुष्य आपल्या पापी बोलल्याने पाशात पडतो, [QBR] पण नीतिमान संकटातून निसटतो. [QBR]
14. मनुष्य आपल्या मुखाच्या फळाकडून चांगल्या गोष्टींच्या योगे तृप्त होतो, [QBR] त्यास आपल्या हातांच्या कामाचे प्रतिफळ मिळेल. [QBR]
15. मूर्खाचा मार्ग त्याच्या दृष्टीने नीट असतो, [QBR] परंतु सुज्ञ मनुष्य सल्ला ऐकून घेतो. [QBR]
16. मूर्ख त्याचा राग लागलाच दाखवतो, [QBR] पण जो दूरदर्शी आहे तो अपमानाकडे दुर्लक्ष करतो. [QBR]
17. जो कोणी खरे बोलतो तो जे काय योग्य आहे ते सांगतो, [QBR] पण खोटा साक्षीदार लबाड सांगतो. [QBR]
18. कोणी असा असतो की, तलवार भोसकावी तसे अविचाराचे भाषण करतो, [QBR] पण सुज्ञाची जिव्हा आरोग्य आणते. [QBR]
19. सत्याची वाणी सर्वकाळ टिकेल, [QBR] पण लबाड बोलणारी जिव्हा क्षणिक आहे. [QBR]
20. वाईट योजणाऱ्यांच्या अंतःकरणात कपट असते, [QBR] परंतु शांतीचा सल्ला देणाऱ्यांच्या मनात हर्ष असतो. [QBR]
21. नीतिमानावर संकटे येत नाहीत, [QBR] परंतु दुर्जनावर अडचणी येतात. [QBR]
22. खोटे बोलणाऱ्या वाणीचा परमेश्वरास वीट आहे, [QBR] पण जे कोणी प्रामाणिकपणे राहणारे त्यास आनंद देतात. [QBR]
23. शहाणा मनुष्य आपले ज्ञान गुप्त ठेवतो, [QBR] पण मूर्खाचे हृदय मूर्खपणा ओरडून सांगते. [QBR]
24. उद्योग्याचे हात अधिकार चालवतील, [QBR] पण आळशाला गुलामासारखे राबावे लागेल. [QBR]
25. मनुष्याचे हृदय काळजीच्या भाराने त्यास खाली दाबून टाकते, [QBR] पण चांगला शब्द त्यास आनंदित करतो. [QBR]
26. नीतिमान आपल्या मित्राला मार्ग दाखवतो, [QBR] पण दुष्टाचे मार्ग त्यांना बहकावतो. [QBR]
27. आळशी आपण धरलेली शिकार भाजित नाही, [QBR] पण उद्योगी मनुष्य मौल्यवान संपत्ती संपादन करतो. [QBR]
28. न्यायीपणाच्या मार्गात जीवन सापडते, [QBR] आणि त्यांच्या वाटेत मरण नाही. [PE]